والنـار ما تحـرق ألا رجــل واطيها00 الشـــاعــر يقلــــــط

[خــالد الحربي]

الليــل طرّف وأنا من دون ميقافي= أبدي كما النجم يوم النجـم ينشافي


والقوم لا همّ بلا قدمي و لا خلافي= والنار ما تحرق ألاّ رجل واطيها





يا عتيبة قبل يبدي علينا الصباح= ألعبو و الكحيلة عند خيّالها

الجبل ما تهزّه هايجات الرياح= وكل لحية ننزلها بمنزالها

[عبدالمجيد العطاوي]

استلم ياخالد الحربي واعذرني ان حصل قصور يالغالي



الليـل طــرّف وجــانـا الفــجــر يالحــربي=خلّـك بــدربــك وانا سالــك على دربي
واحسب حسابك ليا ذعذع هوا الغربي=والنــار مــا تــحــرق الا رجــل واطيــهــا




الصباح اكتسى يالقرم والليل راح=مير هات العلوم اللّي تحلوا لها
الجبل لوّ يرجف بالمعدّات طاح=ولا تعزّ الشوارب غار بسبالها

[خــالد الحربي]

ارحب ارحب


عطنا علومك وجوّ الملعبة عادي= والدرب حذرا نشوفك معه متحادي

وأن كان جبت الفتيلة بأقدح زنادي= والنا ما تحرق ألا رجل واطيها




حان ضرب السيوف وحان زرق الرماح= أحترص غترتك لا طير بعقالها

الجبل في محلّه ياعرب ما يــزاح= والجبال الرواسي مالك و مالها

[عبد العزيز العضيــاني]

صحت السنتكم وبيض الله وجهيكم



وحنا متحمسين مع جو المحاوره الصاخن



والليل الليل

[خــالد الحربي]

بحر جدة



صح بدنك و جهك أبيض

[عبدالمجيد العطاوي]

الملعبة راكدة ياللّي توصفها=والظاهر انّا على جبهتك ننكفها
لكنّ عطنا سواليفك وسولفها=والنار ما تحرق الا رجل واطيها



كان جت للسلاح ابشر بضرب السلاح=وانته اختر وعدّلها بمعدالها
الجبال الرواسي فوقها البرق لاح=والصواقع تدكّ الأرض باجبالها

[خــالد الحربي]

حنّا هل الأوّله والخلق تعرفنا= وأن حلّت اللازمة نحما مــواقفنا

وألي سواتك لك الله ما يكلّفنا= والنار ما تحرق ألا رجل واطيها





شبّت النار تحت القدر و القدر فاح= ما بقا حيلةٍ عندك بتحتالها



يالعطاوي ترَيح تحت ظلّ الجناح= البنيّة ما تعشق غير رجّالها

[عبدالمجيد العطاوي]

الاولة مكسبي والطيب عنواني=والعزّ ميراث جدّانك وجدّاني
لكنّ حذراك يمّ السبّ تحداني=والنار ما تحرق الا رجل واطيها



ما تجيك الشتيمة من لسان الصلاح=مار لا تتبع القشرا وتبرا لها
خابرك يالحريبي تلعب اقرين ضاح=وجاينا اليوم للقلطة تهمقا لها

[خــالد الحربي]

والنعم يالأجودي في حرب وعتيبة=الكلّ منهم يحوش الطيب ويجيبه

والضيف محكوم في حكمة معازيبه= والنار ما تحرق ألا رجل واطيها




ما يجيكم لك الله غير علمٍ مباح = ولا تجاز البشر يا كود بأعمالها


خلها يالعطاوي مع طريقٍ سماح= دلتك عندنا مشروب فنجالها


مسك الختام عندك يالعطاوي

[بدر الديحاني]

الله الله

بدااااع بداااع

من خالد الحربي وعبد المجيد العطاوي

صح السنتكم ولاهنتوووو

محبكم
ابن مطير

[عبد العزيز العضيــاني]

ياسلام ياسلام


ابداع وشعراء بمعنى الكلمه


صحت الالسن والقلوب


وننتظر جديدكما

[مرزوق حمدان العتيبي]

..
.
بيض الله وجيهكم .. الحقيقه ابدعتم ....

[عبدالمجيد العطاوي]

الطيب ياصاحبي قسمي ومقسومك=والحمد لله معي ما طاحت انجومك
اسلم وسلّم عقب ما زانت اعلومك=والنار ما تحرق الا من يصاليها



ما تمدّ الكريمة من كفوف الشحاح=مدّ يمنىً تعرف العالم أفعالها
شرب دلّة ولا شرب الزعاف الذحاح=وش بلى هالمحطّة شوّش أرسالها



مشكور مشكور ياخالد الحربي والله لا يهينك على هالموّال الراااائع وصحّ لسانك

[خــالد الحربي]

بدر الديحاني


بحر جدة



مرزوق العتيبي


صحـــــت أبدانكم والأبـــداع مروركـــم

[معجب العتيبي]

خال\ الحربي

عبدالمجيد العطاوي



ابدتواااااااااااااااااااااا صحة السنتكم

[عبدالمجيد العطاوي]

بدر الديحاني ,,, مشكووووووووووور على هالمرور ومرورك ياطويل العمر شرف لنا بحدّ ذاته والله لا يهينك ....
بحر جدّة ,,, تسلم تسلم يالغالي والله لا يهينك على هالمرور الراااااائع ......
مرزوق حمدان العتيبي ,,, مرورك يابو حمدان يعطي للمحاورة ذائفية مختلفة وعسانا ما نعدمك يالذيب ........

[عبدالمجيد العطاوي]

معجب العتيبي ,,, مشكوووووووور مشكووووووووور وصح بدنك يالغالي ....

[عبد المجيد بن محمد]

صحة الالسان


ياشعار


ابداع ابداع

[خــالد الحربي]

]بيض الله وجيهكم جميع وصحّت أبدانكم





وصح بدنك يالعطاوي واللعب معك شرف يالغالي وألى لقاء في طاروق أخر