قصيده للشاعر عبدالله بن عون

[شيباني نت]

يامل قلب يسج وفيه دولاجــــــــــــه
من هاجس بالضمايرقام يدرجـــــــها
في معزل عن جميع الخلق وازعاجه
ما اسمع من الناس لوتكثر لجـالجها
ماغير اهوجس تقول مضيع حـــــاجه
آخذ واسند على روحي واهرجــــها
وادوج لوكان مارجلي بدواجــــــــــــه
ادلّه النفس لين الله يفرجـــــــــــــها
يالله يالي بيدك الضيق وافراجــــــــه
ياخالق الخلق ياقاضي حوايجـــــــها
تفرج لعين الذي أغفت بســــوهاجه
تجهز عليها الطواري لين تزعجــــــها
بالصدر ضيقه ونوم العين هـــــملاجه
عيني من العام والسهر متولـــــجها
نوب سهرها شديد ونب نهاجـــــــــه
ومر تكن الدموع ومر تزعجـــــــــــــها
عليك ياللي بقلبي كن وهاجـــــــــه
وهاج نار هوى الغربي يسارجـــــــها
أبو ثمان تشاد اللولو لعاجـــــــــــــــه
كن البرد يوم يضحك في مفالـــــجها
ياروح روحي وجرح القلب واعلاجـــه
الطف بحال عليك الهم ساهجــــــها
قلبي يناجيك بسلوب الهوى .. ناجه
يشكي لك الحال داخلها وخارجـــها
اما التفت لي وتم الوصل بمواجـــــه
والا بلا عشرة هذي نتايجـــــــــــــها
وش ينفعك من حنين القلب وخلاجه
وجروحي أسبابها انت ولا تعالجـــها

[حسان]

شيباني نت
صح لسان الشاعر

وسلمت يدك اللي سطرت هذه القصيدة الرائعة كروعة قائلها0

مشكور شيباني بت

[وصل العطياني؟؟؟]

مشكور ..

يعطيك الف عافية...




تحياااااااتي.

[فيلسوف الصحراء]

يعطيك العافية

[طلال الثعلي]

شيباني نت

شكرا لك...

وقصيده على كل الالسن..

تحياتي..

[ابو وعيل]

يعطيك الف عافيه

والقصيدة تكررت في المنتدى اكثر من مرة .

[شيباني نت]

هلااخواني الاعضاء

ومشكور على المرور السريع


شيباني نت