العملاق بندر بن سرور

[خالد اللهيبي]

بسم الله الرحمن الرحيم
اللهم صل على محمد وعلى آله وصحبه أجمعين أمابعد
السلام عليكم ورحمة الله وبركاته


هذه قصيده لعملاق الشعر الشعبي بندر بن سرور






يالله ياجال الامور المهمــــــــه
تجلا وهـــــج قلب برا حال راعيـــــه
البر دجته والبحر رحت يمــــه
يقطعك ياحظ على الله مساعيـــــــه
يوم ان ولد اللاش رزقه على امه
رزقي على اللي ميت القشع يحييـه
يامل قلب كل ما مات همـــــــــه
دارت دواليب الدهر لين تحييــــــــــه
فراق شمل الناس عيا يلمـــــــه
وقت يشيب الـراس من شاية فيــــــه
احد ينام وحاط راسه بكمــــــه
واحـــد تخم النوم عيـــنه وتخطيــــه
واحدٍ يحاول بالردى بنت عمـه
واحدٍ يحاول ستر عذرى عوانــــيــه
ماني وانا بندر ببياع دمــــــه
يقطعك يابيــــاع دمــــه ومهفيــــــه
اللي يبيع لابسات الازمــــــــه
ثور يــبا بيض الرعــــابيب تغنيـــــــه
يزعل ليا جت ليلة الدور يمــــه
يرضى بسوق المال فخوه وفابيـــه
خطو البخيل اللي يكبر معمــه
يقرا الكتاب وواجب الله يخليـــــــــه
إما هرج لك في رفيقه بنمــه
والا عطا وامه تضـــيع هقاويــــــــه
أنشدك ياللي كل فرض تتمـه
تقرا الكتاب وكل فـــرض تصليـــــــه
ويش القليب اللي غميق مجمـه
مافاد غرسه ماه وعطشى سوانيــه
تخالف الانظار شرق ويمــــــه
وكل هدف رآيه من الناس مرضيـــــه
سم السبب ياعارف عنه سمــــه
سم السبب ياعارفه قبل اسميــــــه

[عبدالرحمن الهيلوم]

الله
الله

ابداع يالحربي

الله يرحمه

شعر ماهوب شعر اليووووووووووووم

تشكرات يالغالي

[ابن طامي]

ويش القليب اللي غميق مجمـه
مافاد غرسه ماه وعطشى سوانيــه


الله يرحمـك .. لن تنجب الامهات مثلك شاعراً ..


’’,,


مشكـور .. ياللهيبي ..



.

[بدر الكريزي]

يوم ان ولد اللاش رزقه على امه =رزقي على اللي ميت القشع يحييـه

/


واحدٍ يحاول بالردى بنت عمـه =واحدٍ يحاول ستر عذرى عوانــــيــه


الله يرحمه و يسكنه الجنه ..

ابياته مضرب للأمثال ..

لا هنت اخوي خالد..