الشرهه والتشره00

[الحشيشي]

مساكم الله بالخير جميع ورمضان 00كريم



انا ربعي عتابه مايجوز اشره على العتبان00 وحتى لو يخلط البن الاشقر قرن ليمونه



نهبتوا راحلتنا دونها قفلتوا البيبان 00 وسير بالامانه مالقيت رجال مامونه

[خوي السعد]

وش اللي حاصل لك يالحشيشي واحفظ النيشان = ترى هرجتك هذي هرجة (ن) ماهيب موزونه
وحنا اهل الشكاله والجماله من قبل والآآآآن = ومن يبغى يخاصمنا يكون الله في عونه

[معجب العتيبي]

الله الله

الحشيشي صح لسانك


خوي السعد صح لسانك ابدعت


سبقتني بالرد وحذقت ردي

[الحشيشي]

وسيمتنا من امس اقفوا بها صبيانك الرعيان 00بعد غويتهم لكل الحرام ولفت الخونه




خويي من رجال العرف ماحسب غزه الشيطان 00 تحسس كل قطاع الطريق وحطله غونه

[خوي السعد]

انا ماشفت لك طارف خبر يامولع الضيان = ولكن يظهر انك يالحشيشي عامل(ن) بونه
وانا ما اصحب سوى رجل (ن) فهيم ويحشم الصدقان = ولا اصحب واحد (ن) تقرى النذاله داخل اعيونه

[خوي السعد]

مشكور يا استاذ معجب والحال واحد

[الحشيشي]

اذا منته كفو ماتفرق اثنينه من العودان 00 خساره يالغشيم اللي يلق السيل ماعونه



علومي مثبته يدريبها معجب وابن شنان 00 يضيق اللي يضيق وينطح الجدران بقرونه

[معجب العتيبي]

الخونه


غونه



الحشيشي والسعدي ممكن اعرف معنى هالكلمتين


يالربع اللغه جميله ومفهومه

[الحشيشي]

معجب الله يمسيك بالخير



الغونه الحبل المقفل




الخونه 00000000الخيانه الله لايجيبها

[معجب العتيبي]

الاولى مقبوله ويمكن لاني مو بدوي ماعرفتها

اما الثانيه اذا نطقتها صح انكسر البيت

واذا نطقتها بالعسف ضاع معناها

عالعموم صحت السنتكم

[خوي السعد]

اذا منت بكفو للملعبه ومواجه الفرسان = تريّح فالمكان اللي يحفظك داخل اركونه
ترى معجب عروف ويفرق المقدي من الغلطان = ورى ماصحت باسمه واحتسيت لضرب حجونه

[خوي السعد]

جاوبك الحشيشي يامعجب
والخونه موزونه مايتغير الوزن بنطقها مثل ماتفضلت هذا رايي .

[الحشيشي]

انا احسبني مسافر تركيا وثرهم السودان 00 جياع ابطون ولا الروس بالزينون مدهونه



ترا الدعوه بصيطه لاتقوم تطامر الحيطان 00 جملكم دوب بان ابه الجرب ومقطع متونه

[الحشيشي]

خوي السعد والله انك اسم على مسمى ياحيلي من خوي بس صاحبك حجته قويه


الفطور قريب تقبل الله منا ومنك طيب الاعمال وبعده خير ان شاء الله

[مرزوق حمدان العتيبي]

..
.

الحشيشي ... و .... خوي السعد ...
ابداع غير مستغرب ... واصلوا ....
...

[خوي السعد]

ماعليك زود يالحشيشي والله يجزيك خير مثل دعوتك

مرزوق العتيبي صح بدنك .

[خوي السعد]

انا احسبني مسافر تركيا وثرهم السودان
الشطر هذا مضطرب يالحشيشي الظاهر ان كلمة انا زايده ولا وش رايك ؟.


اثرك من الديار اللي لها عند القبايل شان = ديار(ن) من رجال الكذب والتزوير مسكونه
اشوفك يالحشيشي مضطرب وتصافق الجيلان = وظني كنت اباك اتوصله ثم جيت من دونه

[الحشيشي]

استلم ياخوي السعد واسف على التاخير ظرف ضروري


حدوني عن حلال عتابه العميان والعوران 00 وراع الشان لو انه ضحك تركيبه سنونه



من اول هقوتي في عزوتي وبغالي الاثمان00 وثر فيهم نزيله للمقفي يومي بشونه