يالسميري علامك ماترد السلام

[سعود العصيمي]

يالسميري علامك ماترد السلام = تطلع من بعيد وتنحرف من بعيد
وانت رجلٍ نظامي فاهمٍ فالنظام = من رجال تفيد وتحري ابكل فيد

[معجب العتيبي]

ويلوموني فيك يابو طايل


انا اشهد انك مبدع



صح لسانك ولسان قبيلك

[سعود العصيمي]

صح بدنك



يابو سلطااااان



والابداع انت راعيه


وتواجدك يعني لنا الشي الكثير.



لاهنت على المرور

[عبدالرحمن الهيلوم]

صح السانك يابن عاصم

في انتظاااااااااااااااااااااار الابدااااااااااااع

[البريماني]

صح الله السانك يابن عااصم وفي انتظار....السميري

[سعود العصيمي]

عبدالرحمن الهيلوم



الوفا طبعي


مرحبا ومسهلا


وصحت ابدانكم


مودتي وتحياتي.

[محمد شبيب السبيعي]

صح لسانك ياسعووود ،،،،،


تحياتي ،،،،

[خالد اوصاهب]

صح لسانك ياسعود ...... وفي انتظار السميري



عجل يالسميري .... من البارح نحتريك ياشيخ

[احمد الملاح]

صح السانك يا سعود

والظاهر انك خرمان الليله مبدع لله درك

[محمد الحمادي]

سعود صح إلسانك .. والله يجيب لك واحد يا سلطان ولا محمد :)

[سعود العصيمي]

صح بدنك يالحمادي


يالغالي



لكن الله يجيب

السميري


ودي امزح معه

[قادح شرار]

أبو طايل ما شاء الله تبارك الله .

لا زال من المتصدرين في المراكز الأولى .

عسى فالك التوفيق ياسعود .

وصح لسانك .

وبأنتظار السميــــري .

[السميــــــري]

يالسميري علامك ماترد السلام = تطلع من بعيد وتنحرف من بعيد
وانت رجلٍ نظامي فاهمٍ فالنظام = من رجال تفيد وتحري ابكل فيد





عذرا يابو طايل .. الليلتين الماضية كنت خارج التغطية ..
وإلا أبرك الساعات ...
وستلم ..



كلمة(ن) ماوراها يالعصيمي حرام = ليه ماقلتها مادام قولك سديد ؟!
كان جبت الكلام أتبع شروط الكلام = وانت محسوب فينا يالعصيمي رشيد

[السميــــــري]

جميع من مر لهم مني التقدير والشكر والثناء ..
الله يبيض وجيهكم ..

فردا فردا ..

تحياتي ..

[سعود العصيمي]

ماحصل قصور يابن العم وانت من الناس الغالين عندي ومن منهم نستفيد،، طال عمرك:

استلم


دايم النور يابو زيد يجلى الظلام = وانته ماجاك زله لاتزل وتحيد.
ماتشرّه علي رجلٍ قليل احترام = اتشره علي مثلك واكرر واعيد

[سعود العصيمي]

قادح شرار


مرحبا ومسهلا

شهادتك نعتبرها وساااام على الصدر


ولا عليك زود لاعدمتك.

[السميــــــري]

أنت يلحقك فيها العصيمي ملام = جبت عيدك وهاليومين مافيه عيد !!
ماعليكم مشاريه وخطيه مادام = هذا عرفك .. وانا ماني بوال العبيد



أبو طايل ..

أعتذر عن تكملة المحاورة ..
لضروفي ..
والمحاورة ماهي على وقت مناسب لي

لنا لقا آخر ..

[سعود العصيمي]

صح لساااانك يالسميري



وخيرها بغيرها


تحياتي لك.