يابو سلطان جاك الموت

[ناصر المرشدي]

سلام الله سلام الخاطر المشروح=بداية ليله اللي ماسرى ناوي
يابو سلطان جاك الموت وين تروح=تعرف الموت لايرحم ولاياوي

[معجب العتيبي]

هلا يامرحبا من هاجسي والروح=هلابك والمساري ذيبها عاوي

ليا حان القضا مافاد كثر النوح=ولامن صار دون العز انا هاوي

[خالد اوصاهب]

ناصر ... ومعجب .......... صحت السنتكم على هالطاروق اللي مبداه جزل ويعدنا بالجزاله


انا فالصفين ... والليل ساري

[معجب العتيبي]

ياااااااااااااااااااامرحبا ياخالد


نورت المتصفح

واشعلت المحاوره حماس


فشكرا لك وصح بدنك

[سعود العصيمي]

ناصرالمرشدي



وابو سلطااان


صحت الالسن والقلوب



متابعين

[معجب العتيبي]

يامرحبا ياسعود

وهلا يابو طايل


وكل عام وانت بخير


وصح بدنك وشرفنا حظورك

[ناصر المرشدي]

عليك الصدر اله مده مغير يفوح=شوي تقول انا يلويني اللاوي
تميلح لااان ناديناك يامملوح=وساوينا الطريق وطحت متساوي

[معجب العتيبي]

يقوله واحدٍ مما جرا مجروح=لاهو عارف ولا صابر ولا قاوي
الا ياصاحب المشروع يامفظوح=نحسب انك تدل وتهت ياغاوي

[ناصر المرشدي]

تجاري مع هوى الغربي حمام الدوح=ويتعبك الهوى لاهب شرقاوي
الا ياباب يامقفول يامفتوح=وصلنامعك ريح العود والجاوي

[معجب العتيبي]

هوا النفس ومناها تابعه مسموح=خذ الموضوع والعهده على الراوي

على بعض السوالف مالكم مصلوح=لو انك ياوليد الناس هيلاوي

[محمد شبيب السبيعي]

صح لسانك ياناصر أبداع في أبداع ماشاء الله عليكم




وصح لسانك يامعجب يا منبع التميز وأنا بصفك ولا يهون الشاعر ناصر المرشدي



متابع

[معجب العتيبي]

ابو شبيب هلا ورحب

تكفيني شهادتك وحظورك


صح بدنك

[ناصر المرشدي]

من اللي قال لك ياصوت يامبحوح=تبا تفتي لكن مانته بطنطاوي
احسب انك سوي واثر عيونك لوح=معذب في هوى حنان عشراوي

[معجب العتيبي]

كلام الصدق مايدخل عليه شروح=شهادة حق من روقي وبرقاوي

قبل لاقع وقع قبلي طوال شبوح=واضنك فالطريق تدور مداوي

[فهد العطاوي555]

بارك الله بك , شكراً أخي الكريم

[بندر المرشدي]

تميلح لااان نادينـاك يامملـوح
وساوينا الطريق وطحت متساوي







هوا النفس ومناها تابعه مسمـوح
خذ الموضوع والعهده على الراوي




الله ...الله




صحت السنتكم

[ناصر المرشدي]

تبا تغرق ياعازف عن سفينة نوح=لو انك في حياتك رجل برماوي
يقول العسكري للعسكري يا000=وانا اقول الك يامردود ياحاوي



هههههههههههههه

[معجب العتيبي]

هههههههههه الله يرج بليسك


عرفنا الصعب يوم صحيبنا .....=تحت برد المكيف دايم يراوي

كواليس العساكر خافيه لاتبوح=تعرف الناس وش عندك يابو ضاوي

[معجب العتيبي]

ناصر المرشدي

سلام الله سلام الخاطر المشروح=بداية ليله اللي ماسرى ناوي
يابو سلطان جاك الموت وين تروح=تعرف الموت لايرحم ولاياوي


معجب العتيبي

هلا يامرحبا من هاجسي والروح=هلابك والمساري ذيبها عاوي

ليا حان القضا مافاد كثر النوح=ولامن صار دون العز انا هاوي


ناصر المرشدي
عليك الصدر اله مده مغير يفوح=شوي تقول انا يلويني اللاوي
تميلح لااان ناديناك يامملوح=وساوينا الطريق وطحت متساوي


معجب العتيبي
يقوله واحدٍ مما جرا مجروح=لاهو عارف ولا صابر ولا قاوي
الا ياصاحب المشروع يامفظوح=نحسب انك تدل وتهت ياغاوي


ناصر المرشدي

تجاري مع هوى الغربي حمام الدوح=ويتعبك الهوى لاهب شرقاوي
الا ياباب يامقفول يامفتوح=وصلنامعك ريح العود والجاوي


معجب العتيبي
هوا النفس ومناها تابعه مسموح=خذ الموضوع والعهده على الراوي

على بعض السوالف مالكم مصلوح=لو انك ياوليد الناس هيلاوي




ناصر المرشدي
من اللي قال لك ياصوت يامبحوح=تبا تفتي لكن مانته بطنطاوي
احسب انك سوي واثر عيونك لوح=معذب في هوى حنان عشراوي


معجب العتيبي
كلام الصدق مايدخل عليه شروح=شهادة حق من روقي وبرقاوي

قبل لاقع وقع قبلي طوال شبوح=واضنك فالطريق تدور مداوي


ناصر المرشدي

تبا تغرق ياعازف عن سفينة نوح=لو انك في حياتك رجل برماوي
يقول العسكري للعسكري يا000=وانا اقول الك يامردود ياحاوي



معجب العتيبي
عرفنا الصعب يوم صحيبنا .....=تحت برد المكيف دايم يراوي

كواليس العساكر خافيه لاتبوح=تعرف الناس وش عندك يابو ضاوي