ماني بشاااااعر لكن الحزن ملعون !!!

[الــوآفــي]

اتمنى ان تعجبكم هذه المشاركه



ماني بشاعر لكن الحزن ملعون = خلى القصايد تنتثر فوق الاوراق

وقت مضالي والخلايق ينامون = وانا سهير العين والقلب مشتاق

الناس تالي ليلهم يستريحون = وانا خوي سهيل لي حد الاشراق

اعد نجمات الليالي ومطعون = باسباب خل صار باير وبواق

من عقب حب كان طاغي ومجنون = يهد كل الكون ويجوب الآفاق

صار البقايا قلب ميت ومسكون = بأطياف وصل صار تاليته فراق

حمرا عيوني كنها ماهي عيون = زود الدموع اللي على الخد تنراق

راح الجمال بداخلي واظلم الكون = بعيون مسكين(ن) نسى طعم الأشواق

بأسباب سفاح(ن) جميل ومزيون = بس ان هذا الزين ينقصه الأخلاق

عسى حياته كلها دون في دون = ويذوق طعم البعد ويذوق الإحراق

عساه في دنياه شاقي وملعون = من كل خلق الله ولا عاد ينطاق

يصبح مريض وكل اهله يشوفون = ويضيق قلبه والشرايين تنضاق

0000000

ليته يموت وكل أهله يموتون = عشان يصفى خاطر ما بعد راق




وسلامـــــتكم


تحياتي لكل من يدخل صفحتي

اخوكم ذيبان |4|

[طلال الثعلي]

ذيبان


ونعم وصح لسانك..

قصيده ولااروع.

بس لوانك قصرت الدعوى على الشيبان

تراه اهون....ههههههههههه

ومره ثانيه صح لسانك...

لاعدمناك...

تحياتي

[وصل العطياني؟؟؟]

فعلاً ...
الأسامي دلايل.!

صح لسانك ...
على هذه القصيدة الرائعة...
حتى وإن كانت جارحة ...
وتنم عن مشاعرٍ مليئة بالحزن ...
إلاّ إنها أخذت من الإبداع النصيب الأوفر...
فإن للإبداع بحر لاشاطئ له...
" ذيبان "
ننتظر جديدك ..
فلا يطول إنتظارنا ..!



تحيااااتي.

[داهية عتيبة]

صح لسانك ياذيبان

وهذا الوصف لا يوجد الا في القصائد النادرة والمحزنة جدا

قال الشاعر :

ليتك تموت وأرتاح انا منك .... ويرتاح قلب بالخيانة طعنتة



صح لسانك ياذيبان ولا عدمناك


تحياتي ...

[الــوآفــي]

الغالي طلال الثعلي

ماعليك زود وصح بدنك

الف شكر على حضور شاعر بحجمك لصفحتي

واتمنى ان تكون القصيده نالت شئ من استحسانك

تقبل تحياااااتي


وصل العطيااااني

مبدع الهيلا

صح بدنك

لك كل الشكر على تعليقك الرائع واتمنى ان استحق لو القليل من هذا الكلام الرائع

لك مني كل التحيه


الغالي داهية عتيبه

صح بدنك

وشكرا لتوقيعه على مشاركتي

[فيلسوف الصحراء]

النـاس تالـي ليلهـم iiيستريحـون وانا خوي سهيل لي حد iiالاشـراق


صح لسانك

عز الله انها جزلة

[الــوآفــي]

الجزل انت طال عمرك


الف شكر لحضووورك

تقبل تحياتي

[ابن مشيب]

ماني بشاعر لكن الحـزن iiملعـون.......... خلى القصايد تنتثـر فـوق iiالاوراق

تشهدلك هذة القصيدة بشاعريتك ياذيبان.........

صح السانك , نظمت فأبدعت , نتمنى منك المزيد من هذا العطاء السخي.........



تحياتي.........

[الــوآفــي]

العزيز ابن مشيب


حضورك اعطى صفحتي جمالا اخر

فالف شكر لك على كلماتك التي اتمنى ان استحقها

لك مني كل التحايا

اخوك ذيبان

[ابو وعيل]

ماني بشاعر لكن الحـزن iiملعـون خلى القصايد تنتثـر فـوق iiالاوراق


صح لسااانك ياذيبان ..

وبيض الله وجهك ولاتحرمنا قصائدك

تحياتي

[الــوآفــي]

هلا ابو وعيل

صح بدنك

ابشر باللي اتمنى انه يصلح للنشر

تحياااتي لك

[ابن مورق]

ذيبان صح لسانك ولاهنت

والله انك شاعر ويشار اليه

بالبنان نعنبوا بليسك كل قصيده

اقراها لك والله انى انفجع منها

من قوه ابياتها مشالله عليك شاعر علم

ووالله ثم والله لامره ولامرتين اعيد قرائتها

الف مليووووووووووووووون صح لسانك

[ابن الثبيتي]

صح لساااااااااانك يا ذيباااااااان

ومشكوووووووور على القصيييييييدة

تقبل تحياتي ::: ولد عمك الثبيتي

[الــوآفــي]

يابن مورق

حياك الله في صفحتي

يابن مورق كلامك احرجني بس والله العظيم ان اللي اكتبه عادي جدا جنب اللي يكتبونه الشباب في هالمنتدى الرائع الملئ بالرائعين

تقبل تحيااااتي

[الــوآفــي]

اخوي ابن الثبيتي

صح بدنك

ومشكور لزيارتك الرائعه

ذيبان