مرحبا بالشاعر اللي يوم اشوفه ما اتمنى

[سعود العصيمي]

ابو فلاح مسيك بالخير ومبروك عليك الشهر الفضيل ،،،
وعاش من شافك استلم ياسنايدي


مرحبا بالشاعر اللي يوم اشوفه ما اتمنى = غير شوفه مع رجالٍ تنشد العراف عنها
غايبٍ مدة و قالوا لي مع الشعار غنا = قلت يستاهل ولا هو بالحقيقه دون منها

[عبدالله حبيٌب الزراقي]

الله الله ياسعوود الابداع

كل عام وانت بخير وشهر مبارك عليك

صح لسانك ملاين ياسعود العصيمي
وصح لسان على فلاح العضياني مقدماا


بدون ادنى شك قمم الابداع مايجي منها غير الابداع

متابع بشغف ,,,

[/عبد العزيز الجذع/]

الله الله.

صح لسانك يا سعووود.

وكل عام وانت بخير.

وفي انتظآآر الفالح.

تحياتي.

@

[سعود العصيمي]

عبدالله حبيّب الزراقي

مرحبا مرحبا


ومسهلا الابداع انتم اهله


وصح بدنك يالغالي


وعلينا وعليكم مبروك .



مودتي وتقديري.

[سعود العصيمي]

عبدالعزيز الجذع



وانت بخير وعافيه،،،،


وصح بدنك وقلبك.

[سعود العصيمي]

ابو فلاح


مادامك تلعب انت وناصر الى الان


اكملوااااا وانا وانت متلاحقين

[مزيد العصيمي]

الله الله

ياسعود

صح لسانك

متآبع

[علي فلاح العضياني]

هلا والله يابو طايل يالله حيّه وكل عما وانت بخير طال عمرك


واستلم




البقا و الله يبارك فيك يا زبن المجنّا=بارك الله فالرجال اللي تنجّي من زبنها
يالعصيمي لا تقول يقال ...... رد العلم عنّا = واسحب الاخرى ترانا عنك ردّينا ثمنها

[علي فلاح العضياني]

عبدالعزيز الجذع



مزيد العصيمي




لا هنتو على المرور

[علي فلاح العضياني]

عبدالله حبيب الزراقي


حياك الله طال عمرك

[بندر المرشدي]

الله... الله




كلاكم عمالقة شعر



صحت السنتكم


واصلوا..

[محمد شبيب السبيعي]

صحت السنتكم متابع

[سعود العصيمي]

اثرك اللي ياعلي ينسى صحيبه لا تهنا = وانت توك ما تملكت الذلول ولا رسنها

لايوسوس لك بليس ويدخلك شكٍ وضنا = وانت طيب قلب في شام البلاد وفي يمنها

[سعود العصيمي]

مزيد العصيمي


بندر المرشدي



محمد شبيب السبيعي




مرحبا ومسهلا بالجميع

[سعود العصيمي]

ابو فلاح والله ودي اكمل هذا الطرق معك لكن


مثل ماذكرت لك .


تصبح خير

[مزيد العصيمي]

اثرك اللي ياعلي ينسى صحيبه لا تهنا = وانت توك ما تملكت الذلول ولا رسنها

لايوسوس لك بليس ويدخلك شكٍ وضنا = وانت طيب قلب في شام البلاد وفي يمنها

الله الله الله
ياسعود صح الله لسانك

ماشاءالله


ولا هنت ياعلي مبدعين يالغالي مشاءالله عليكم


متابع

[معجب العتيبي]

سعود العصيمي

مرحبا بالشاعر اللي يوم اشوفه ما اتمنى = غير شوفه مع رجالٍ تنشد العراف عنها
غايبٍ مدة و قالوا لي مع الشعار غنا = قلت يستاهل ولا هو بالحقيقه دون منها



علي فلاح العضياني

البقا و الله يبارك فيك يا زبن المجنّا=بارك الله فالرجال اللي تنجّي من زبنها
يالعصيمي لا تقول يقال ...... رد العلم عنّا = واسحب الاخرى ترانا عنك ردّينا ثمنها


سعود العصيمي
اثرك اللي ياعلي ينسى صحيبه لا تهنا = وانت توك ما تملكت الذلول ولا رسنها

لايوسوس لك بليس ويدخلك شكٍ وضنا = وانت طيب قلب في شام البلاد وفي يمنها

[معجب العتيبي]

ماشاء الله يابو طايل

وصح لسانك على هالابداع

والصف صفك ضد المدعو ابو فلاح


وصح لسانه بعد

[كبتن عتيبه]

الله الله



متابعين للأبداع

[علي فلاح العضياني]

لا تشرّه يالعصيمي ما يجيك قصور منّا=اضمن الرفقه ترى رفقتك ابن عمّك ضمنها
ما وصلكم علمنا الاّ بعد ما علمك وصلنا=والمعاني واضحه لو إن ابو طايل دفنها

[علي فلاح العضياني]

أشكر جميه من شارك معنا في هذه المحاوره