مدغم ابوشيبة

[ضاامي وفااا]

السلام عليكم ورحمة الله وبركاته
/
/

(دقــه وتــســكـيـرهـ)

رجم الهوى اللى لعن كوثر جماهيره = عز الله انه مايستاهل تعب ساقى

اتعبتها فى مراقيه ومشاويره = ذى جرتى نازل ...وذى جرتى راقى

لبيه يا (ساره) ولبيه يا (منيره) = فى مهبل الناس مدرى ويش أنا لاقى

صدر الشمالى عليهن فك ازاريره = اللى من أدم وحواَ مابعد ضاقى

جن المدينه على غفله من الديره = وتورطن بالرومنسيه والأشواقى

مايكتبن أساميهن بالطباشيره = بيعلمنك عن الموضه والاذواقى..

مافيه داعى اجاملهن بتكشيره = وأقول مشتاق ..لو مانيب مشتاقى

ماهن بكفو السهر... والحزن ...والغيره = ودموعى.. وشعرى الموزون ..وأوراقى

(كرت احمر) و(باب طياره) و(تسفيره) = فى (قلعة الوادرين) و(بألف طقاقى)

الهندى ووايته.. والعود وبعيره = هذا مدور ذهيب..وذاك سواقى

لو ما أنصفتنى سنين العمر الاخيره = ماطبقت عينى أحداقى على احداقى

قفلت سيرة علاقات ..وبدت سيره = اللى عليها الكلام وهقوة الهاقى

ابرك ضيوف الهوى...وأغلى مساييره = ريحانة تقطف اللهفه من أعماقى

ماهيب من قوم ..(ابو دقه وتسكيره) = من قوم لاحاسبت ماتاخذ الباقى)

لها على الزين تهليله وتكبيره = نعم من الورده اللى فأول الساقى

مهيب أميره لكنها جنب الأميره = ذات الحسب والنسب والمستوى الراقى

من (أغنياء الرياض) ومن (هواميره) = شركات أبوها بضايعها فالأسواقى

يومى لها الغصن وتغنى عصافيره = ولأمر ينقاد لرضاها وينساقى

غيداء سهم عينها من قو تأثيره = مخسر سوق الاسهم عند الاغلاقى

البدى والهيكل اللى ماتبى غيره = (اصطب )و(استبنتين) وقير (علاقى)..

مازين اخلاقى الطب بعقاقيره = لولا عقاقيرها مازانت أخلاقى

من قبلها الحظ من جفره لدحديره = لين أوعزت للزمان وحرر اوثاقى

وأعتظت عن ..قوم (ابو دقه وتسكيره) = باللى ليا حاسبت ماتاخذ الباقى)

[عبدالرحمن الهيلوم]

صح السانه والسانك

[ضاامي وفااا]

لاهنت يالهيلوم وماقصرت على المرور

[بدر الكريزي]

صح لسانه المبدع مدغم ..

وهـذي من أشهر قصائده ..

لا هنت يا ضامي ..

[ضاامي وفااا]

لااهنتوماقصرت على المرور