لمن أراد إسمي الحقيقي

[لي هيبه ومن شعراء عتيبه]

الكثير من الإخوه طلب مني إسمي الحقيقي فكتبته بهذاء اللغز ولي ماهو شاعر يعذرني:


أنا أسمـي إسم لا يعلـى عليه
يشيل الكيل ثمن ما يحيده
لـيـا من حـط كـيلـن ثـم كيـلن
أبـد مافيـه كيلـن قـد يزيـده
ونا أسمي قد تكون من حروفن
بـلا غـنه ولا رمـوزن تـبـيـده

[عبدالرحمن الهيلوم]

والله والنعم فيك
واهم شي انك من اعتيبة الهيلا


وش رايك بهاي الرمعه

زايد


وش رايك رمعه شكلها مع الخريم

[لي هيبه ومن شعراء عتيبه]

يعطيك العافيه ونا أخوك بس إيش الرمعه تراني بدوي.........

[إستراحة محارب]

وهذي رمعتي

مع إني متأكد 100% إنها خطأ

لكن !!!!

علي

[بدرالهبيري]

رمعتي يمكن

مثقال


مع ان اللغز ماهو واضح منه شيئ يعني ماتركت اي دلاله
تبين فيها للقاري يعني مغلق ولايمكن يحل بالتفكير يعني
يمكن يحلونه الربع بالرمعات فقط

وترى الرمعه عند البدوي معروفه
واللي مطلعين اسمها هم البدو

تحياتي وتقديري .. بدرعيد ..

[لي هيبه ومن شعراء عتيبه]

أخواني بلا غنه ولا رموزن تبيده صح إن علي وزايد بلا غنه لكن الرموز موجوده ولا مثقال فيه الغنه
وفيه الرموز........شاكرلكم

[البريماني]

رمعتي والله اعلم ....حزااام

[مرزوق حمدان العتيبي]

..
ينقل للالغاز على شان يشتغلون اهل الرمعات :)

..

[أبو عمر الأسعدي]

اذا ماخاب ظني
أحمد

[الـثـقـفـي]

والله لغزك يحير يا ابن العم
ان ماخاب ضني ..اسمك ..يا انه (فهد) ..يا انه (سعد)...وتقبل مروري

[معلا إبراهيم الأسعدي]

يعطيكم العافيه جميع ٍ





عندي رمعه ....... انت اسمك .. راجح ........؟؟؟

[فهيد الايدا المورقي]

اوافق شمان الاسعدي



اسمك

راحج

[الحشيشي]

صباح الخير للجميع000000000



الاخوان اللي قبلي قربوه ورمعهم جوله


بس انا عندي رمعه والله اعلم 00 اسمك وافي 0

[فهد النفيعي]

اسمك سعد

بلارموز ولاغنه

والعلم عند الله

[محمد سفر الخديدي]

لـيـا من حـط كـيلـن ثـم كيـلن
أبـد مافيـه كيلـن قـد يزيـده

من خلال ما فهمت من هذا البيت إن أسمك

(( عادل ))

على قول الأخوان أهم شئ أنك من عتيبة الهيلا

مهما يكون أسمك تحياتي لك على اللغز الجميل