وألا ياهاوي النغمات والرقصـة وطـق الطـار*** حسايف فات عمرك دون تدري والسعـد فاتـه

[خلف القثامي]

قصيده رائعه من شاعرة الهيلا




ألا يامن سألني عن هوى قلبـي مـع الاقـدار
ترى قلبي شموخ(ن)فـي هـواه ونيـل لذاتـه
وألا ياهاوي النغمات والرقصـة وطـق الطـار
حسايف فات عمرك دون تدري والسعـد فاتـه
أنا أهوى كلمـة التوحيـد والتهليـل والاذكـار
وعلوم الدين والقرآن احـب ارتـع بروضاتـه
واحب الديرة اللـي وحدوهـا مختميـن الـدار
وتباشير الصباح ليا انبثـق فجـره وبسماتـه
وطلوع الشمس من بين السحاب ومنظر الازهار
وسكون الليل واطلال القمر من بيـن نجماتـه
وهتون المزن قبل الشمس ما تغرب عن الانظار
وتغاريد الرعـد والبـرق لا سلهـم برعشاتـه
وصهيل المهره اللي منعقد في ناصيتها الخـار
ونزوع الصقر من عسر الرجوم وسرع هدَاتـه
ومسير الجيش والبيت الشعر والشيـخ والـزار
وسواليف القبايل والقصص والشعـر ورواتـه
ومساطير الدلال مهيله من فـوق جـال النـار
وعبير العود الازرق والمها والقنـص وهواتـه
وعلى جمر الغضى يا ما حلاها جلسة السمـار
بليل(ن) مجتمع شمل الحبايـب عقـب فرقاتـه
((واحبك ياعتيبة من خفوق(ن) لك جمح ما سار
مثل جمح الحصان اللي سبق خيلـه وصفاتـه)
وسلامتكم

[عمر الدغيلبي]

أنا أهوى كلمـة التوحيـد والتهليـل والاذكـار
وعلوم الدين والقرآن احـب ارتـع بروضاتـه


((واحبك ياعتيبة من خفوق(ن) لك جمح ما سار
مثل جمح الحصان اللي سبق خيلـه وصفاتـه)



كفو عز الله انها تستاهل لقب شاعرة الهيلا


لاهنت يا ابن العم على الطرح

[خلف القثامي]

اشكرك ع الحضور الطيب


ولاعدمت تواجدك الرائع

[القادم بقوة]

تسلم يا خلف
والف الف شكر لك
على نشاطك فالمنتدى

[عبد العزيز العضيــاني]

((واحبك ياعتيبة من خفوق(ن) لك جمح ما سار
مثل جمح الحصان اللي سبق خيلـه وصفاتـه)



ياسلام


قصيده جزله

وشكرا يالقثامي على النقل

[محمد العتيبي]

لاهنت ياخلف على القصيده الرائعه..

وسلمت يداك يالغالي ..

تحيتي .
...