معركة (نطاق) بين الحفاة وابن رشيد ..

[الفراتي]

حدثت معركه بين الحفاة من قبيلة عتيبه وابن رشيد على موقع ماء اسمه نطاق
وانتهى ذلك اليوم دون ان يظفر احد الطرفين بالنصر الكامل ولكنهم اثخنوا بعضهم
فيها الى غياب الشمس0 وان كان الفخر اكثره لعتيبه لكون مكانة ابن رشيد في
ذلك الوقت مكان حاكم وجيشه قوي فيه عدة قبائل تسانده00
فوصف الوقعه سعود الحافي بقصيده تعتبر نبراسا ومثالا للصدق وذكر اللي لك
واللي عليك بدقه دون انحياز جائر مما نتمنى من الشعراء والكتاب والمؤرخين
ان يكونوا مثله بالصدق والنزاهه00
قال الشاعر سعود اليابس من الحفاة من عتيبه:


أول كلامي طلبة الله وذكره=ذكرت ربي كل بادي نور
يقول بن حافي بدا راس مرقب=في مرقب عالي بروس القور
يرد من زين المثايل وينتقي=مثل العسل حلو بدون امرور
كلامن أحلى من لبن شمخ الذرا=لاروحت من حاجرن ممطور
بعد جا خيال طلعة الشمس وامطر=اثعوله من الدم الحمر شختور
وبرقه من أيمان النشاما سيوفهم=ورعده من افواه السلاح يثور
قبلي خشم(نطاق)لاطقه الحياء=شمال من العد الهماج حدور
طاحوا به الفرسان منا ومنهم=وردوا هل العاده على الصابور
نطحنا العداء من يوم جتنا جموعهم=على سردهم والبيرق المنشور
وسقيناهم السم الذحاح وسقونا=مثل نمورن صادمت لنمور
وابن لغيصم طاح منا على الثرا=ونحدهم عن مالنا بحدور
ياذيب ياللي بايمن النير وايسره=كل من مداس الخيل يا معثور
واشبع من الصبيان والجيش والرمك=والى ظميت اشرب من المنجور
تلقا على الساقه حصانن ومهره=وتلقى عيالن لابسين كمور
وصوت لذيبن يم حشة مليه=وخلو لغياب السباع جزور
كم طاح عقب الكون من صيعريه=حناها طناها حنية الباكور
من اولاد حافي لابتي ذي فعولهم=أهل ماقفن يوم اللقاء مشهور
كدو علينا ثم رجعنا عليهم=واقفت بهم جرد المهار اعبور
وردوا علينا وردة في عزيمه=وهج الحلال وزرفل المظهور
وأحاطوا بنا قوم تهاذب خيولهم=ولجة حداويهم على المامور
ورمينا العمايم واعتزينا بحافي=وثبت لهم كل أبلج منعور
وطاحن جياد الخيل من ضرب لابتي=والدم الاشقر بيننا منثور
وحمو جريرتنا عيالن بفعلهم=وعيا على التالين بن صمعور
وافتكت اللقوة بكثر الرزايا=وكلن خذا حقه من الميسور
جنايز الضفران حافي وشمر=أمسي بها سبع الخلا مسرور
واربعي اللي كل ما قلت أظنهم=لاكن يهدم بالبلاد اقصور
أهل مرحبا وان جت ليالي الشدايد=وأهل الكرم وان جت ليال اعسور
ياحيسفا ياريف هجنن حفايا=يوم الردي عن فاطره مثبور
أيضا وابن هزاع وعميش قبلهم=وحزام شوق الجادل الغندور
وجدي عليهم وجد من بات ساهر=يجر العواء من عظمه المكسور
والوجد الاخر وجد راعي هجمه=خذاها الذويبي من طرف مجرور
واستغفر الله قبل تكتب عليه=في كل عمري ما ذكرت الزور
تمت وصلى الله على صفوة الملا=اعداد ما يزهى الفلا بزهور

والنعم والله بالرجال اللي هذا فعلهم وهذي مواقفهم وبالشاعر اللي وصف المعركه هالوصف الرائع
الجميل المنصف لاحداث هذه الوقعه لكلا الطرفين000

[ابن شقران]

ونعم بالآد حافي .. يشهد الله انّا نحبهم .. ونفخر بهم ،،

[الرومي]

وافتكـت اللقـوة بكثـر الـرزايـاوكلن خـذا حقـه مـن الميسـور
جنايـز الضفـران حافـي وشمـرأمسي بهـا سبـع الخـلا مسـرور



الله يرحمهم جميعا سوا فريس الحفاة من عتيبة او فريس شمر .. القصائد هي التي تحمي التاريخ من التزوير ..

بارك الله فيك اخي الفراتي .

[هيلاوي روق]

مفخرة الحفاة والروقه وعتيبه هذه المعركه



قليل من البدو الرحل يصمد في وجه حاكم تلك الحقبه من الزمن



هنا يكون الشموخ والشجاعة التي لا تنسى





هناك بيت لابد ان يذكر هنا حفظ لتاريخ حتى وان كان


في جبابرة الروقه ( الاد مرشد )






ما اذم الاد مرشد في فعلهم ........ لكن في مثلها يستاهلون السور

[ابن صنهوت]

بيض الله وجهك ونعم بالاد حافي ولكن القصيده اطول من ذلك فيه بيوت ناقصه
والكون الله واعلم انه على فريق من الحفاه
والله لايهينك يالفراتي

[كفو]

ما اذم الاد مرشد في فعلهم ........ لكن في مثلها يستاهلون السور

ابو خشيم كان موجود قبل المعركه وركب فرسه ولحق لربعه المراشده عشان يستفزعهم للحفاه وعند حضور المراشده كانت الوقعه قد انتهت وفعل الاد مرشد وابو خشيم طيب لكنهم ماحضرو المعركه الا بعد نهايتها ولو حضرو كان فعلهم معروف ؟

الشي الثاني البيت اللي يقول
كم طاح عقب الكون من صيعريه ______ حناها طناها حنيه الباكور غير صحيح
واللي يبي يفسر البيت يبي يعرف انه خطاء لان الصيعريه هي الابل والمطيح في المعارك للفرسان وليس للابل وحناها طناها يعني انحنت من الالم على فقد شي غالي
والصحيح

كم صــاح غب الكون من شمريه _______ حناها طناها حنيه الباكور

والبيت اللي يقول

حمو جريرتنا عيال بفعلهم ______ وعيا على التالين ابن صمعور غير صحيح

حما جوانبنا سمار وزايد ______ وعيا على التالين ابن صمعور

هذاء وتقبل تعليقي وان كان لايرضي بعض الناس ولكن لايصح الا الصحيح

[يوسف الشمري]

والله ونعم في الرجال

[الامير حريبيش]

الفراتي
الله لا يهنيك علي القصه عزيزي تقبل مروري

[سطام العفار المزحمي]

الفراتي شاكرين لك ومعركة تؤرخ للحفاة لانهم كانوا اقلية في المعركة ونصرهم الله سبحانه وفي الختام والله ونعم بشمر والحفاة والله يعز الاسلام والوحدة الوطنية

[العطاااااوي]

والله ان عتيبي ينومسني طاريه وسوالفه

والحفاه ينومس فعلهم كل عتيبي


اخوووووكم العطاوي

[خيال الصفرا]

والنعم بالجميع لاهنت اخوي الفراتي


للراوي فواز الغسلان كلام حول هذه المعركة حيث اضيفت ابيات وتم تحريفها على لسان العتيبي

لاهنت يالفراتي

[عبد العزيز العضيــاني]

اولا نعم بعتيبه وشمر


وحنا وشمر ولله الحمد نتصف بصفات متوافقه

مثل الكرم والشجاعه وجميع صفات الرجوله

ولكن...........

القصيده ناقصه

وبالنسبه للاخ اللي يقول ابو خشيم ماجاء غير اخر المعركه غير صادق

والدليل البيت اللي يقول فيبه اليابس

[poem= font="simplified arabic,5,red,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

[color=#003333]
وانا القصيده عندي كامله

وايضا كل مادار حول هذه المعركه موثق عندي

وابو خشيم اشرف علينا بفزعه =اواق وليا جونا مخطور
والله ماذم الاد مرشد بفعلهم=وفي مثلها يستاهلون السور

[برزان0]

بحر جدة الله لايهينك عطنا ماعندك عن هذه المعركة ..............ولك الشكر

[العملا111ق]

ونعم ملاييين بالحفااااه

شجاعة وكرم وغيرة وحمية حقيقية ونظافة والمعدن طيب بالحييل

اضف لتاريخ موثق بافعال تشرف كل عتيبي اصيل

وبالنسبة لقصيدة اليابس لاتعلييييق هذا الشعر ولا بلاش

اعتقد اليابس من افضل فحول شعراء نجد اللي مستواهم عالي جدا فوق مستوى العامة او المتذوق البسيط

معركة طلال ونطاق من اعظم المعارك والمفاخر الحقيقية لقبيلة عتيبة الهيلا بخصوص المعارك والاحداث الموثقة والمعترف بها من وجهة نظري

بالاضافة لمعارك قديمة جدا قرات عنها ضد الاشراف وغيرهم

الف مليون شكر لهذا الطرح المشرف للقبيلة

ولا هي غريبة على الهيلا

ونتمنى المزيد

[فهد الحويقل]

ونعم بالأد حافي

[ابن بليهد]

القصيده الموثقه


وقعة نطاق هي وقعه تاريخية كبرى حدثة في عام (1295) كون ابن رشيد على الحفاة من الروقة من عتيبة .
اطلق عليها وقعة نطاق حيث ان الوقعه بالقرب من جبل نطاق جبل نطاق معروف ويقع في وسط نجد في الجنوب الشرقي من وادي الرشاء .
وهذه الوقعه لم يظفر فيها احد الطرفين النصر الكامل ولكنهم اثخنوا بعضهم فيها إلى غياب الشمس
إلا ان الفخر الاكثر كان كان للحفاة من عتيبة لعدة اسباب وكان من اهمها :
1- ان جيش ابن رشيد كان جيش جبار وكبير جداً
2- جيش ابن رشيد كان مدعوم من الدوله العثمانية .
3- جيش ابن رشيد خليط من جميع القبائل

اما النقطه الأهم من هذا كله والتي منحت الحفاه الفخر في هذه الوقعه
هي ان قبيلة الحفاه فخذ من الروقه من عتيبة وعددهم قليل , اما جيش ابن رشيد والمعهود عنه انه جيش كبير جداً وغزواته تكون على القبائل الكبرى بجميع افخاذها .


كما ان هناك قصيدة لشاعر الكبير سعود بن لفاي اليابس
والذي حضر الوقعه ويصف فيها المعركة وما حدث بها وحال الطرفين بعد الوقعه.يقول فيها :

أول كـلامــي طـلـبــت الله وذكــــره ..//.. ابـــدي بـذكــره كـــل بــــادي نــــور
يقـول بـن حـافـي بــدا رأس مـرقـب ..//.. فــي مـرقـب يـبـدي حـجـاه صـقــور
يــرد مــن زيـــن المـثـايـل وينـتـقـي ..//.. مـثـل العـسـل فــي داخـلـي الــدور
كـلامِِ احلـى مـن لبـن شـمـخ الــذراا ..//.. الـيـا روحــت مـــن حـاجــر مـمـطـور
خيـل خيـال طلعـت الشمـس وامطـر ..//.. فعـلـه مــن الــدم الـحـمـر شـخـتـور
وبرقه مـن ايمـان النشامـا سيوفهـم ..//.. ورعــده مــن افــواه الـســلاح يـثــور
قبلـي خشـم انطـاق لاطـقـه الحـيـا ..//.. شـمـال مــن الـعـد الـهـمـاج حـــدور
جـونـا هــلا الـعـادة تـبـارا جموعـهـم ..//.. شـمـر هــلا اللـكـده عـلـى الطـابـور
عــلى راس قــواد الســرايا محمد.. // .. على سرد خــيل وبارق ٍمنشور
وراجو علينا روجت السيل في النحى ..//.. وحـنــا حديـنـاهـم ســـوات الـســور
وزافــو عليـنـا ثـــم رجـعـنـا علـيـهـم ..//.. واقـفـت بـهـم ســرد المـهـار عـبــور
وبـن الغيصـم طـاح منـا علـى الثـرى ..//.. ومــــن طــــاح بـالـمـيـدان مـايــثــور
وصـفــي لقـوتـهـم وحـنــا سـواهــم ..//.. تــقــول نــمــور صــادمــت لـنــمــور
وكسرنـا سـرات القـوم بــأول نهـارنـا ..//.. لــيــن جــانــا الــبـــارق الـمـنـشــور
وردو عـلـيـنـا رافـعـيــن سـيـوفـهــم ..//.. وهـــج الـحــلال وزرفـــل المـظـهـور
وحـاطـو بـنـا قــوم تـهـاذب خيولـهـم ..//.. ولـجـت حـداويـهـم عـلــى الـمـامـور
وتـركـض عليـنـا الخـيـل مــن ومـنــا ..//.. ويطـيـح مــن فــوق الجـمـال بـــزور
ورميـنـا العمـايـم وعتـزيـنـا بـحـافـي ..//.. وثـبـتـلـهـم كـــــل ابــلـــج مـنــعــور
وحـمــو جـوانـبـنـا سـمـيــر و زايــــد ..//.. وعـيـا عـلـى التالـيـن بـــن صـمـعـور
ونفـكـت اللـقـوى مــن كـثـر الـرزايــا ..//.. وكــل خــذا حـقــه مـــن المـيـسـور
جنـايـز الظـفـران حـافـي وشـمــري ..//.. امـسـى بـهـا سـبـع الـخـلا مـسـرور
يـاذيـب يـالـي بيـمـن النـيـر وايـسـر ..//.. هالــحــق جــدايــا الـخـيــل يـامـعـثـور
واكل مـن الصبيـان والجيـش والرمـك ..//.. واليـا ضميـت اشــرب مــن المنـجـور
تلقـى علـى الساقـة حصـان ومهـرة ..//.. وتـلـقـى عــيــال لابـسـيــن كــمــور
وصــوت لـذيـب يـــم حـشــة مـلـيـة ..//.. وخــلــو لـغـيــاب الـسـبــاع جـــــزور
حــــنا نقيـــــصتنا ثمــــــانين لحــــيه.. // .. وهمه ثلاث اميه وعليها كسور
كـم صـاح غـب الكـون مـن شمـريـة ..//.. حـنـاهــا طـنـاهــا حـنـيــة الـبـاكــور
تبكـي علـى اخوهـا وابـوهـا وعمـهـا ..//.. ومعـقـب بـاقـصـى الضـمـيـر حـــرور
علـى مـورد الهيـاض جـرت صياحـهـا ..//.. بـعــد طـــاح مـنــا والـرمــك دعـثــور
اولاد حـافـي لابـتــي طـــاح وانـعـثـر ..//.. اهــل مـاقـف يـــوم الـقــاء مـسـبـور
وربـعـي يـلـي كــل ماقـلـت اظنـهـم ..//.. لـكـن يـهــدم فـــي الـبــلاد قـصــور
عـقــب المـبـانـي والـحـيـاة الــزانــة ..//.. راحـــت مبانـيـهـم خـصــف وخـــدور
أهـل مرحـبـا ونـجـت ليـالـي شـدايـد ..//.. وأهــل الـكـرم ونـجـت لـيـال عـسـور
اليـا قلـت ياقلـبـي تـريـح عــن العـنـا ..//.. يطـري علـى قلبـي سهـل وســرور
وجهـز ولــد هــزاع وعمـيـش قبلـهـم ..//.. وخـــزام شـــوق الـجــادل الـغـنـدور
واحيـسـفـي يـافــرز عـيــد الـقـوايـا ..//.. يــوم الــردي عــن خـاطــره مـثـبـور
واربعـي ياللـي كـل ماجـوهـم الـعـدا ..//.. يـحـطـون فـــي عـيــن الـعــدو ذرور
وجدي عليهـم وجـد مـن بـات ساهـر ..//.. يجـر العـوى مـن عظـمـه المكـسـور
اخـــذ ثـــلاث سـنـيـن وازداد مثـلـهـا ..//.. ومــن عقبـهـا طــاح وطـلـع مـجــدور
والوجـد الاخـر وجــد راعــي شـوايـل ..//.. اخذهـا الذويبـي مــن عـبـل مـجـرور
والوجـد الاخـر وجـد مـن بــاع ذمـتـه ..//.. ولــقــوا عـلـيــه الطـيـبـيـن عــقـــور
والوجـد الاخـر وجــد مــن حـودروبـها ..//.. هــل غــل عــدوان الـقـلـوب كـفــور
اصابـتـه شـكـواه مــن حـاكـم البـلـد ..//.. فــي ســد ظـلـم وجالـهـا سبـسـور
وشـدو كتـافـه مـابـه حــد يسـاعـده ..//.. يــــداه مـكـتـوفـه وهـــــو مـقــهــور
مثـل السمـره اللـي تواخـو منيعـهـم ..//.. الـلــي مـنـعـهـم عــايــش الـطـيــور
اخـــذ بنـادقـهـم وهــمــل رقـابـهــم ..//.. يقـولـونـه الـلــي بالـمـكـان حـضــور
واستغـفـر الله قــدم تـكـتـب عـلـيـه ..//.. ان كــان مــن عـمـري مـاعـد الـــزور
وتمت وصلى الله علـى صفـوة المـلا ..//.. عــــداد مـايـزهــى الــفــلا بــزهــور

منقول