سلطان الجذع اقلط على الطاروق لا هنـت

[عبدالمجيد العطاوي]

سلام الله على اهـل المعرفة والعـرف والأدراك=تحيـّة من ضميري والشـذا والعـود شـاركها
مـن اللّي يالـجـذع سمـّاك بالأسطـورة الفـتـّاك=تـركـّد وانـتـبـه لا تـعـدم العـالـم وتـفـتكـها

[سلطان الجـذع]

هلا يامرحبا ترحيب يجمع علتك ودواك = بحالة يبكي عيونك وفي حالات يضحكها
مسميني فعل يمناي ... وانته وش فعل يمناك = عسى ماهي بمكسورة نشوفك ماتحركها

[عبدالله الجـــذع]

مسميني فعل يمناي ... وانته وش فعل يمناك
عسى ماهي بمكسورة نشوفـك ماتحركهـا

هههـ

كفوو ياابو عبدالله

صح لسانك يالكينق


وصح لسان البادع شاعرنا العطاوي

ننتظر محراف رآئع

محبكم
.,

[عبدالمجيد العطاوي]

الا ياللّه زبنتـك من هـروج الخبـل ابو بـرّاك=وابـو بـرّاك خـبـلٍ هـرجتـه مـا قـد تملّـكـها
فعـل يمناي معـروفٍ مع العالم ولا يخفـاك=لكن خـلّ الجمال الجرب تبـرك في مباركها

[سلطان الجـذع]

ترانا يااخو مره مانبا غمرك ولا حناك = ولكن افصل سلوك المشاكل لاتشبكها
مايخفاني فعل يمناك خابرها مثل يسراك = تبا تبطي عظم بعض المقاصد ماانت مدركها

[عبدالمجيد العطاوي]

انـا مـاني ياسلطـان الجـذع بمشـبـّك الأسـلاك=اعـرف اللّي يقطّعها واعـرف اللي يسلّكها
تغنّي ياحمامة فـوق غـصـنٍ من غصـون الـرّاك=تغنّي باللحـن واهـل الممالـك في ممالكها

[سلطان الجـذع]

هههه الله الله :)




لو أنك ذيب يمدينا سمعنا فالجبال عواك = ولاجابتك للقوم أأطيب الساعات وابركها
لموتك جيت تعدي ياابيض الشارب ترى ماجاك = تعزوى بالحلوم اللي على بالك تفبركها

[عبدالمجيد العطاوي]

انا اشوفـك غلطـت وقمـت تنفخ صدرك وعلبـاك=خشـوم اليوم ودّك فااجرد القيعـان تفركها
انا ماني خشيـرك يااسود الجنـحان في جيفـاك=انـا حـرٍ ولـو طـال المـدى للصـيـد يـدركها

[عبدالله الجـــذع]

اللـه اكبر

طارووق ناري

واصلوا يالربع

متابع

محبكم

.,

[عبدالمجيد العطاوي]

ياسلطاااان الجــذع ان كانــك وصلــت عقـب الغيـبـة ردّ يالغالي تــراها على أشــدّها

[بدر الكريزي]

من اللّي يالجذع سمّاك بالأسطورة الفتّـاك
تركّـد وانتبـه لا تعـدم العالـم وتفتكهـا
....

مسميني فعل يمناي ... وانته وش فعل يمناك
عسى ماهي بمكسورة نشوفـك ماتحركهـا

....

الله الله ..

أبدعتوا والله ..

واصلوا ومتابعين بقوووووووة ..

صحت ألسنتكم ..

[عبدالمجيد العطاوي]

بدرررررر الكريزي تعيــش يالغالي بس عسى الاسطوورة يــرد عقب جاااء