تسجيل الدخول

مشاهدة النسخة كاملة : مرجح الميزان ,, لاهنت

عبدالله حبيٌب الزراقي
23-Aug-2008, 10:49 PM
بعد التحية والاحترام ,, من زمان عن هالحيه الغانمه هههه عسى بس ظروف الاتصال تجمٌل



يامرجح وش اسباب الهجر والغياب = ننشد الناس والاخبار واعلامها
انت ماتجهل السنه وفضل الكتاب = يوم وصى على الاقراب وارحامها
نايف بن ملحق الثعلي
23-Aug-2008, 10:53 PM
عبد الله الزراقي صح لسانك

وصح لسان مرجح الميزان مقدماً

وانا كنت ناوي العب معك ولكن لقيتك منزل بيوتك
عبدالله حبيٌب الزراقي
23-Aug-2008, 10:58 PM
هلا وغلا بنايف ابن ثعلي

اجل ربي اسلمني منك هههه لكن ان شاءلله الايام كثيره ولاحقين على الخير ولو ان ماوراك غير التشريح الله يكفينا شرك :d

صح بدنك شرفت ونرورت يانايف
مرجح الميزان
24-Aug-2008, 12:08 AM
:)

المعذره يابن زراق على التأخير ,, وعساني بتعبي أجمل معك



مرحله كان تنشد ..!! في طريق العقاب=نهجرك لين جنك تعلن إسلامها
أنت لوك مزوجني قبلت العتاب=والعرب من بعضها تكسب اكرامها
مرجح الميزان
24-Aug-2008, 12:09 AM
صح بدنك يا نايف وحياك الله
عبدالله حبيٌب الزراقي
24-Aug-2008, 04:35 PM
ماعليش يامرجح البارح قدام اطلع حدثت الصفحه ماشفت الاسم وطلعت .. انا خابرك ترقد بدري الظاهر انك شايب الله يحسن خاتمتك ههههه



:) :)


ماطلبنا من الاصحاب كشف الحساب = كل همٌي صداقه نوثق لحامها
انت شايب تنام بغترتك والثياب = والبنيه تدٌور فارس احلامهاا
جراح البرقاوي
24-Aug-2008, 04:50 PM
صحت السنت صبيان روووووووووووووووووووق
مرجح الميزان
24-Aug-2008, 05:43 PM
أبك ماني شايب مار ..أستلم ..أستلم :) :mad:




كيف ترمي ودون الصيد حال الضباب=ساعة الوقت قامت تحسب أرقامها
في عقول الشيوخ,, وفي عمار الشباب=درستنا السنين ودورة أيامها
مرجح الميزان
24-Aug-2008, 05:44 PM
مرحبا ياجراح
عبدالله حبيٌب الزراقي
24-Aug-2008, 06:08 PM
الذيابه تراها ماتوصي ذياب = مار خلك ورى الهقوه وقدامها
انت بالذات تسعى للفتن والخراب = كل ديره تشب النار فخيامها
عبدالله حبيٌب الزراقي
24-Aug-2008, 06:09 PM
جراح البرقاوي

صح بدنك لاهنت ولا هان غاليك
مرجح الميزان
24-Aug-2008, 06:19 PM
ما نجي من وراها ياعساك الذهاب=قدمها ,,والمطيه نقضب خطامها
من تسمع علومك قال : مجرم وتاب=ما درى بأن نفسك زايد إجرامها..!1
مرجح الميزان
24-Aug-2008, 06:32 PM
عبدالله .. صح لسانك وأستأذنك ,, ويعلم الله ان وقتي هاليومين مش ولا بد..


لكن على الود نلتقي
عبدالله حبيٌب الزراقي
24-Aug-2008, 06:40 PM
هههههههه



كل واحد يميٌز فالخطا والصواب = انشد المفتي الي يعرف احكامها
يامرجح ترانا فاالقا مانهاب = يوم بعض القلوب تطيح فقدامها
عبدالله حبيٌب الزراقي
24-Aug-2008, 06:41 PM
صح بدنك واذنك معاك يامرجح عزالله اللعب معاك له متعه وفايده

خذ راحتك البساط احمدي والايام كثيره والمعزه فالقلوب