الذيابه تبغى العشا لعيالها ............

[عبدالرزاق القشعمي]

سلامي عليكم عدّ ماهلّ همّال المخيل = برديّة ٍ تبرى السعد والسعد يبرى لها

تهجرست لو الليل روّح وباقي ٍ به قليل = لحيث الذيابه ودّها بالعشا لعيالها

[عبدالله حبيٌب الزراقي]

عبدالرزاق القشعمي

ياسلام ياسلام مبدا ولا اجمل ولا احلا

صح لساانك ياعبدالرزاق وصح لسان قبيلك مقدماا

[عبدالرزاق القشعمي]

عبدالرزاق القشعمي

ياسلام ياسلام مبدا ولا اجمل ولا احلا

صح لساانك ياعبدالرزاق وصح لسان قبيلك مقدماا


صح بدنك أبوحبيّب

والجمال والحلا هو طلّتك

شكرا" لإطرائك الله يطول عمرك

[عبدالرزاق القشعمي]

يالربع وين الشعار ؟

[ذيب الملاعب]

ياسلام ياسلام


هلا مرحبا ترحيبة تشفي القلب العليل = وبعير المحامل لابرك للثقيله شالها

تهجرس مادامك وسط حلة مزبنة الدخيل = وقدمك سباع تجتلد قبل لايعوى لها

[عبدالرزاق القشعمي]

وياذيب انا ادوّرك ياصاحبي لي كم ليل = عيوني تعاين للسما مالقيت هلالها

تقهويت انا فنجال من كفّ رجّال ٍ بخيل = من الدلّه اللي عيبها قلّة ٍ باحثالها

[عبدالرزاق القشعمي]

حياك الله ياذيب الملاعب

وياليت تكون مباشره الليله

هالبيتين تراني حاطهن البارح مير الله جابك الليله

[ذيب الملاعب]

زهابك زهابك ياعميلي ترى المسرى طويل = ولا تحسب الدعوى ملالات مع موالاها

ليا ما لقيت اللي تبي جنّب اللي مستحيل = ولا تكرب ابطان المطيه تراه اشوالها

[معجب العتيبي]

عبدالرزاق


وذيب الملاعب



صحة السنتكم


ومتابعين

[عبدالرزاق القشعمي]

ترى لازمك ما ينقضي وانت لك قلب ٍ ذليل = ولاعوّدت يم المراجل فانا رجّالها

ولكنّ يا ذيب الملاعب تراك انت الوكيل = ولاغبت لا تنشد عن الناس ويش احوالها

[عبدالرزاق القشعمي]

الأخ معجب صح بدنك
متابعتك تهمني

[ذيب الملاعب]

ابا كيف راسي ماتعوّدت شرب الزنجبيل = وراع الصداوي مايحب السفن واحبالها

أخذ مد شوفك وانت راع العقال اللي يميل = وبنت الزناتي ماتبا غترتك واعقالها

[عبدالرزاق القشعمي]

ياراع الشداد اللي معلّق على جنبه صميل = صميلك صغير ومايوصلك الى منزالها

نصحتك ولا طعت النصيحه وذا طبعك ( ... ) = ولكن ّ في مقبل لياليك تاتصحى لها

[ذيب الملاعب]

الا ياخوي الذيب منته ترى الليله خليل = أبرقيك مع طلعت كرا ثم مع محوالها

تزيل الجبال وطبعك الشين عيّا لايزيل = يجفّلك ثوبي لونحطّه على مخيالها

[سلطان العصيمي]

ارحب
صح لسانك المحاوره مفهومه بكل معانيها
و(شعارها)

[عبدالرزاق القشعمي]

ذيب الملاعب


صح لسانك


استمتعت باللعب معك طال عمرك

[عبدالرزاق القشعمي]

ارحب
صح لسانك المحاوره مفهومه بكل معانيها
و(شعارها)




العصيمي سلطان


صح بدنك ولاهنت على هالطله

[ذيب الملاعب]

ذيب الملاعب


صح لسانك


استمتعت باللعب معك طال عمرك



صح بدنك يالقشعمي عز الله انك تنومس اللي يلعب معك واستر ماواجهت