يامداغــــيش برقى يا مصايب روق

[الحر الأشقر]

يامداغــــيش برقى يا مصـــايب روق
..............................إسمعوا وإفهموا قول العضــــــياني
كل من قال إلي عندك طلب وحقوق
...............................لا يطالــــبني بحقــــّه وينســـــــاني

[طلال الثعلي]

الحر الاشقر


ابشر والله بالمداغيش...

بس ماعليك الا الانتظار ...

تحياتي...

[الحر الأشقر]

أخوي طلال أشكر لك مرورك والله لا يهينك

لاكن الإنتظار طول والشعار على قول الشاعر المبدع// حبيب العازمي




غابو الشعار فجأه وأبو فيصل ينوب،،،، وش بلا الشعار والنار من شبابها.

[العتيبي.1]

الحر الاشقر
ياهلا فيك اخوي
والصبر زين
وابشر بسعدك

طلال الثعلي
حياك الله
وانشاء ان ربعك عند هقوتك

خلوووووووها
استلم يالحر
انبسط والعب شويه على الطاروق
......................................واعرف الراس راس وفيه الاعياني
يالعضياني اسمعني.نصيحه روق
.................................... لا تعرض طريق طوال الايماني

[الحر الأشقر]

حياك الله يالعتيبي1 وفرصة سعيده ويا هلا والله

واستلم

خلت نوٍ سرى ليله بنوض بروق
............................... مير عيت تهل نصوب الأمزاني
ما نبى لك نصيحه يالملك فاروق
................................سامع قول أبوي وقول جداني

[وصل العطياني؟؟؟]

الله الله ..
واصلوا لاهنتوا ...
حنا متابعين معكم ..
أول بأول ...
أعتقد أن هذه المحاورة ستكون أكثر حماساً ..
الله يقويكم...




تحياااااتي.

[العتيبي.1]

هلا بالحر الاشقر

واستلم لاهنت

المخايل بدبرة رازق المخلوق
................................... والرسايل ما تاصل دون عنواني
كان بعت النصيحه فالخطا مطبوق
..................................... انت ابن عم ماتحسب من اخواني

[راع الاخبار]

كان بعت النصيحه فالخطا مطبوق
..................................... انت ابن عم ماتحسب من اخواني

[السعيدي]

السلام عليكم كلن بأسمه
انا ماني شاعر بس مشاركه والسموحه



بني العم مابينهم حاق ومحقوق
..................................والنصيحه واجبه ياخواني
حنا عتيبه مطوعت كل عوق
................................ولاطاح واحد يشيله الثاني

[motlak]

المخايل بدبرة رازق المخلوق
................................... والرسايل ما تاصل دون عنواني

صح السانك العتيبي 1
ولأحر الاشقر

[الحر الأشقر]

شكراً لجميع الإخوان المتابعين معنا
واستلم يالعتيبي1


مير بعض المطر ما ينبت الرقروق
............................لو يسمي ثلاث أيام وداني
نظرتي يالعتيبي طول عمري فوق
......................... والشهود إبن ثعلي والعطياني

[العتيبي.1]

هلا بجميع الاعزاء
بدون تحديد
تواجدكم ومتابعتكم شرف لنا
لاهنتم جميعا

واستلم يالحر الاشقر

انت يالحر الاشقر تاجرٍ فالسوق
..................................... بيع واشتر وانا ماني بخسرني
ماعلينا مادام الصرف فالصندوق
.................................... والذهب مايبيعه كــــــل دكاني

[motlak]

ماعلينا مادام الصرف فالصندوق
.................................... والذهب مايبيعه كــــــل دكاني

الله يعطيكم العافيه

وتسلم العتيبي 1

[الحر الأشقر]

يم بعض المراعي ما نسوق النوق
.............................وان نزلنا بفيضه نزلنا باني
خاف مفتاح صندوق العرب مسروق
.............................أو مع الناس مفتاح بعد ثاني