سلام للجبال

[فارس بن روق]

سلام عليكم يالربع

مبدا واللي له مزاج الله يحييه



سلام يدحم جبل واكبر جبل لو يدحمه طااااح
وان طاح دور جبل ثاني وشاله عن مكانه

يقولها الشاعر اللي يبدع الابيات مرتااح
ومطابقن فعله اللي يفعله منطق لسانه

[ناصر العصيمي]

صح لسانك يافارس

وحياك الله

[عاشق المخايل]

يامرحبا ياهلا وان كان لا خوه ومرواح = بالصاحب اللي يهوش اهواش يشبه بيذجانه
يقولها الشاعر اللي شاف برق قبلة لاح = ويرتب البيت بعد البيت والهرجه ضمانه

[فارس بن روق]

دام البقاوانت ياعاشق مابين انياب تمسااح
الموت محتوووم ياعاااشق وعان الموت عانه

وان مت وش عاد لامطلق ولا انته بـ بن شلاح
نرميك من بعد ما نعصرك مثل البرتقانه

[عبدالرحمن الهيلوم]

صح لسانك يافارس

وحياك الله

[كريم سبلا]

صح لسانك فارس





دام البقاوانت ياعاشق مابين انياب تمسااح
الموت محتوووم ياعاااشق وعان الموت عانه



الليل يعاشق الليل

وسلمووووووو

[عاشق المخايل]

خلك قريب


صحيح فارس ولكنه يجر الصوت نباح = ويروغ لاشاف عج الخيل مطلقه عنانه
وان مت ما مت غير بعز بيت العز ماراح= وتعيش عيشتك نعرفها وتسرقها لعانه

[فارس بن روق]

حضرت اربيك ووريك طعن سيوف ورماح
وتصير قصتك فـ حلوق العرب مثل اللبانه

الله رمابك في يد فارس وفارس رجل سفاح
فارس كما الصقر وانته في يده مثل السمانه

[عبدالرحمن الهيلوم]

صحت السنتكم يالغالين

[فارس بن روق]

هلا ياناصر العصيمي وغلا يشرفني تواجدك واسف اني ماقدرت ارد عليه بالخاص لانه مابعد فعل استخدام الخاص عندي



عبدالرحمن الهيلوم ياهلا والله يسعدني متابعتك



كريم سبلا هلا والله وغلا شرفتنا


لاهنت ياعبدالرحمن شرفتنا

[عاشق المخايل]

ياربعنا يوم كثير الهرج ما زود بالارواح = سيري بنا ياسفينه دام عاشق في زمانه
ترى الكلام الذي من دون فعل اليوم فضاح = ولانته بملفي ولا مستور من ناس جويعانه

[فارس بن روق]

عنك ياعاشق مقفل فالحقيقه باب الامداح
والدرب مفتوح قدامك مع باب الاهانه

جزاك يومك تعرض للبحر منته بسباااااح
يجيك شاعر ويدهن لك رويسك من دهانه

[عاشق المخايل]

اضن يافارس الروقي ترى مالك مصلاح = تبا تبين الحقيقه ياشقي كل وشانه
سباح ماهر واجيب الدرر ماني ضمن الاشحاح = احذر من البحر ما بينك وبينه من ميانه

[فارس بن روق]

صح لسانك ياعاشق المخايل ولاهنت

اسعدني المحراف معك

[عاشق المخايل]

ايضا اسعدني المحراف معك

ولنا صولات وجولات غيرها