المساعد الشخصي الرقمي

مشاهدة النسخة كاملة : قصــــيده مــــــدح

عيال وايل
20-Aug-2008, 08:34 AM
السلام عليكم ورحمة الله وبركاته


هذه القصيده مهداة من والدي الشاعر سعد بن جويعد الخمعلي العنزي الى النقيب بدر بن عطالله الحافي العتيبي

وهو يستاهل الطيب لان اللي مثله قلائل واترككم مع القصيده التي اتمنى ان تنال اعجابكم :





الطيب من طبع العرب والحمايل

وللناس على الناس حق ومشاريه

وللمدح في راعيه دايم دلايل

الطيب وهبه والردى حظ شاريه

وراع الوفاء منيات وأي القبايل

فيه افتخر وشوش وفرح بطاريه

أما العتيبي لحال والشك زايل

والطيب بالعتبان محدن يضاهيه

بهم الوفاء والطيب وأيضا الجمايل

طيب العتيبي فرق ماحدن يجاريه

يابدر طيبك ياوفي الخصايل

جانا ووصلنا حافظينه ونطريه

وحنا بنا المعروف ماقيل زايل

به نحتفظ وانحل طاريه نبديه

خذ الكلام وزبدته والصمايل

ماهو كلام السرمدي أو مخاويه

من طويق لك البيض لحدود حايل

بلي فعلته وحافظينه ونديه

وترى مثل شرواك فذ وقلايل

الطيب والمعروف قله مسويه

ياما لكم من ماضيات الفعايل

ماهو غريب الطيب منكم مباديه

وأقبل سلام الخمعلي ابن وايل

بنفحة عبير الورد والمسك شاذيه




عبدالله بن سعد الخمعلي
عبدالرحمن الهيلوم
20-Aug-2008, 10:50 AM
الغالي ابن الغالين // عبدالله بن سعد الخمعلي

صح السان شايبك ولسانك
وانتم ياعنزه اسمكم ينومس
كيف أفعالكم
والطيب لاتستغربه من ها الطيب .................................................. ............... الي لهم في منهج الطيب خبره
اوسع علي الاجواد من فيضة اشعيب .................................................. ....... واضوق علي الانذال من ثقب الابره


ويامرحبا تراحيب المطر ر
والله ياعنزه وياشمر لهم معزه من الله في فلوب الهيلا

دمت بود
جراح البرقاوي
20-Aug-2008, 10:59 AM
يامرحبا تراحيب المطر
والقلوب عند بعضها يالذيب
غازي بن فلاح الربيعان
20-Aug-2008, 11:17 AM
وش أقول وش اخلي !!

والله انكم غالين بالحيل يابعدي
يمراحب تراحيب المطر فاول الوسمي
يزن الهيلوم
20-Aug-2008, 11:22 AM
صح السانك ولسان شايبك
يامال السلامه

هلا وغلا منور يابعدي المنتدي
عيال وايل
20-Aug-2008, 06:20 PM
صراحه شرفني مروركم وردودكم الاجمل لكن



حبيت اقول يستاهل المدح ابو عطالله ويكفيه


فخر انه ينتمي لهذه القبيله العريقه والكريمه



وانتم يشهد لكم التاريخ بالافعال ولاتهون القبايل الثانيه



تقبلوني في ارجاء هذا المنتدى الجميل ولكم مني كل الاحترام



....
عبادي المقاطي
21-Aug-2008, 05:41 AM
ماعليك زود ياولد منبه


والله ونعم بالخماعله فرسان انا اشهد ذباحين الترك وقالبين القطار حق الاتراك


وماخذين المدافع والذهب ومسلمينه لشيخ الايدى


ونعم والله رجال


والنقيب الحافي يستاهل وهو شرف لعتيبه كلها

تقبل مرور المقاطي
إستراحة محارب
21-Aug-2008, 09:52 AM
يستاهل كل خير أبو عطا الله ...

قصيدة رائعة من شاعر أروع وياليت تزودنا بقصائد أخرى لوالدكم ...
سلطان روق
21-Aug-2008, 02:04 PM
صح لسان شايبك ويستاهل الممدوح بلا شك

وبيض الله وجهك على النقل الرائع

وماعليكم زود يا عيال وايل ,,,,,








كلـ الوود
عيال وايل
22-Aug-2008, 10:32 PM
ماعليك زود ياولد منبه


والله ونعم بالخماعله فرسان انا اشهد ذباحين الترك وقالبين القطار حق الاتراك


وماخذين المدافع والذهب ومسلمينه لشيخ الايدى


ونعم والله رجال


والنقيب الحافي يستاهل وهو شرف لعتيبه كلها

تقبل مرور المقاطي





ماعليك زود وانتم بعد مافيكم قصور


والتاريخ اكبر شاهد على افعالكم وبطولاتكم

وشاكر لك على هالكلام الرائع والمرور الاروع

ومافيها شك للاخوان اللي ردو ابو عطالله لو مايستاهل

ماقيلت فيه هالقصيده وانشاء الله راح انقل قصائد

اخرى للوالد اللي اتشرف اني اضيفها في منتداكم الغالي

لكم مني كل الاحترام والتقدير

.......
ابن سقيان التوم
24-Aug-2008, 12:35 AM
حيالله الوايلي بين اخوانه


الطيب ما هو غريب من اهل الطيب

والوفا ما هو غريب من اهل الوفا يا عيال وايل


نيابة عن ابن عمنا النقيب / بدر بن عطاالله التوم الحافي


اشكر الوايلي واقول بيض الله وجهك و وجه شايبك على القصيده


واقول هذا واجب ولد عمي انه ينفع الناس باللي قدره الله عليه


ويشرفنا امثال ابو حسام في عيال عمي من عتيبه من غير قصور في الجميع


وانت يالوايلي تستاهل فعل الطيب واللي يذكر المعروف طيب ويستاهل المعروف

والله يجعل الطيب دايم بيننا

ونطلب منك المزيد من قصايدك وقصايد شايبك وانت بين اخوانك
عيال وايل
24-Aug-2008, 11:19 AM
ابن سقيان الله يسلمك وابيض وجه انت

وابو حسام هذا اقل شي اقدر اعبر

لابو حسام فيه انا اشهد انه راعي

الاوله والله يديم الطيب والمعروف

بين القبايل وهذا ان دل انما يدل

على التلاحم والترابط ونبذ العنصريات

التي نراها وانا افتخر صراحه بمدح

ابو حسام مع اني والله احس

واشعر انه قليل بحق هذا الرجل

وانا نزلت القصيده في منتدانا

الرسمي لمجالس الخماعله وكلي

فخر بأنني امدح ابو حسام بين جماعتي

وقبيلتي والعذر والسموحه اذا قصرت بشي

تقبلوا فائق احترام وتقدير ابن وايل لقبيلة عتيبه

الهيـــــــــــــــــــــــــلا


.....
البريماني
25-Aug-2008, 02:06 PM
صح الله الساانه وابيض وجه يابن وايل
فهد العطاوي555
30-Aug-2008, 02:11 AM
السلام عليكم ورحمة الله وبركاته
بارك الله بك , شكراً أخي الكريم