( معجب ) في مداره

[سلطان الحافي]

صباح الخير

يامعجب

واستلم




ابتدا الطاروق يامعجب وكلن في مداره = وانتبه ياصاحبي للارض قوه جاذبيه

بينا الميدان والاول على رقم الصداره = شد حيلك يالعتيبي ثبت شداد المطيه

[أبو نجر النفيعي]

..

الله الله

صح لسانك وفي انتظار معجب ..

متابع

:)

أخووكم

[سلطان الحافي]

ارحب

يابو نجر


صح بدنك

شرفنا مرورك


مودتي,,,

[معجب العتيبي]

هلا وغلا وصباح الفل

مانتبهت للطاروق كنت العب هههه


كل طير يطير يالحافي ويرجع في دياره=لو تجاهلت السلام ولو تجاهلت التحيه
انتهى الموضوع والترتيب قد جانا قراره=صرت انا الاول وابا قدملك الثاني هديه

[أبو نجر النفيعي]

..

الله الله يا معجب ..

استاذ .. صح لسانك ..

:)

أخوك

[معجب العتيبي]

المنتدى منور بوجودك يابو نجر


صح بدنك

وهلا ورحب

[سلطان الحافي]

ههههههههههه




اثر معجب ياعتيبه يونس بكبده حراره = في زمان العولمه مدري زمان الجاهليه


كان جيت المركز الاول نبا دفع استماره = لاتعجل والمنايا جايتك في مزهريه

[معجب العتيبي]

اشفق بقلبي ليا شفت الغشيم يشب ناره=خص لامن صار من ربعي وانا عندي حميه
المرور السري اللي واقفٍ جنب الاشاره=وده يحرر قسيمه مالقا ذنب وخطيه

[سلطان الحافي]

يا سلام .. يا سلام






ثوبك اللي لابسه بالله من ركب زراره = ابلشك معنا ويمكن تلعنه كل ضحويه

سود الله شاربٍ ماقام ثم رد اعتباره = يوم راع التاليه لاشافنا تقصر يديه

[الشــاهد]

معجب العتيبي,,,,,,,,,,,,سلطان الحافي=ابداع لاينتهي عافاكم الله

[سلطان الحافي]

ارحب

ياجندي


شرفنا مرورك ولابداع تواجدك

والله يعافيك

مودتي,,,

[عبدالله الجـــذع]

صبآح الشعر

طاروق كايف ورآئع
الف شكر لكم ياعمالقه ولاهانت روؤسكم

واصلوا

محبكم

.,

[سلطان الحافي]

عبدالله الجذع

صباح النور والسرور

صح بدنك والله لايهينك

ولاروع حضورك هذه الصفحه

مودتي,,,,

[معجب العتيبي]

ثوب عز وثوب علم وثوب تعليم ووقاره=مايهم ان كان جبته غصب والا جا هديه
ماتضيع حقوقنا ونعيش في عز ونعاره=يوم بعض الناس هل الدمع في صبح وعشيه

[معجب العتيبي]

جندي راعي لضيا



عبدالله الجذع



شكرا لمروركم العذب

[سلطان الحافي]

ما علي من العقارب دستها تحت الجحاره = ولا نبا منكم حصاه ولا نبا منكم عطيه

العلم مرفوع لاكن مستشكن في شعاره = الهوي داره يسار وصار مجهول الهويه

[معجب العتيبي]

الله اكبر ياجماعه شوفوا حروف العباره=صاحبي تحت الثرا يدخل ويذبحله بليه
لاتلف عيونك مع الريح وتصيبك عواره=دامك تراقب علمنا من نحيه في نحيه


انا بروح للدوام يامجرم

[سلطان الحافي]

الله اكبر ياجماعه خاط للدعوى ستاره = مادرى انا نعرف النفس الفقيره والغنيه

الجمل لاناخ يا معجب يحول فوق زاره = لا تعجب كان قلنا معجب بعينه شويه



الله يستر عليك

[معجب العتيبي]

يقتل المقتول ويعوّد يطالبني بثاره=الله اكبر ياجماعه نية الرجال نيه
كان تبغاها سوالف يالعتيبي واستثاره=يمكن الموضوع مايعجبك لاطوّل شويه

[حافي الحافي]

ابن عمي شاعر ومستقبلك مضمون بمشيئة الله
العطاوي شاعر وردودك قويه
تواصلو معنا يالربع

[عيد العازمي]

سلطان الحافي && معجب


صحت السنتكم على هذا الطاروق الجزل


وعوايدكم جزيل الفعل والقول

[سلطان الحافي]

امنية معجب ياتاجر مع هوامير التجاره = مار اعرفه راس ماله عنزتين وبربريه

الله اكبر من زماني كثرو اطفال الحجاره =واين نلقا الشيخ يالعتبان حلال القضيه


معجب العتيبي


صح لسانك

واعتلاشانك


واشكرك على المجاره الطيبه واستفدنا منك

واعذرنا اذا حصل زله

والخاتمه عندك

مودتي

[سلطان الحافي]

الحافي

بيض الله وجهك يابن العم

على المرور والتعليق الطيب

والله يوفق الجميع

لك كل الود

[سلطان الحافي]

العازمي

هلاوغلا

وصح بدنك ولا علاك زود

مودتي,,,,

[معجب العتيبي]

معجب ليامن مشى درب ماغير مساره=لين ينجز ماتمنى بالغصب والا رضيه
الله اكبر والمناضل كيف غيّر في شعاره=علها خيره مدام انه يبا الشغله كذيه

[معجب العتيبي]

الحافي والعاازمي


شكرا لكما وصحة ابدانكم

[معجب العتيبي]

سلطان الحافي


شكرا لك لأتاحة الفرصه لي باللعب معك


صح لسانك

والى لقاء اخر

[عبدالرحمن الهيلوم]

صحت السنتكم ياصبيان روووووق

[معجب العتيبي]

سلطان الحافي

ابتدا الطاروق يامعجب وكلن في مداره = وانتبه ياصاحبي للارض قوه جاذبيه

بينا الميدان والاول على رقم الصداره = شد حيلك يالعتيبي ثبت شداد المطيه


معجب العتيبي

كل طير يطير يالحافي ويرجع في دياره=لو تجاهلت السلام ولو تجاهلت التحيه
انتهى الموضوع والترتيب قد جانا قراره=صرت انا الاول وابا قدملك الثاني هديه


سلطان الحافي

اثر معجب ياعتيبه يونس بكبده حراره = في زمان العولمه مدري زمان الجاهليه

كان جيت المركز الاول نبا دفع استماره = لاتعجل والمنايا جايتك في مزهريه


معجب العتيبي

اشفق بقلبي ليا شفت الغشيم يشب ناره=خص لامن صار من ربعي وانا عندي حميه
المرور السري اللي واقفٍ جنب الاشاره=وده يحرر قسيمه مالقا ذنب وخطيه


سلطان الحافي

ثوبك اللي لابسه بالله من ركب زراره = ابلشك معنا ويمكن تلعنه كل ضحويه

سود الله شاربٍ ماقام ثم رد اعتباره = يوم راع التاليه لاشافنا تقصر يديه


معجب العتيبي

ثوب عز وثوب علم وثوب تعليم ووقاره=مايهم ان كان جبته غصب والا جا هديه
ماتضيع حقوقنا ونعيش في عز ونعاره=يوم بعض الناس هل الدمع في صبح وعشيه


سلطان الحافي

ما علي من العقارب دستها تحت الجحاره = ولا نبا منكم حصاه ولا نبا منكم عطيه

العلم مرفوع لاكن مستشكن في شعاره = الهوي داره يسار وصار مجهول الهويه


معجب العتيبي

الله اكبر ياجماعه شوفوا حروف العباره=صاحبي تحت الثرا يدخل ويذبحله بليه
لاتلف عيونك مع الريح وتصيبك عواره=دامك تراقب علمنا من نحيه في نحيه



سلطان الحافي

الله اكبر ياجماعه خاط للدعوى ستاره = مادرى انا نعرف النفس الفقيره والغنيه

الجمل لاناخ يا معجب يحول فوق زاره = لا تعجب كان قلنا معجب بعينه شويه




معجب العتيبي

يقتل المقتول ويعوّد يطالبني بثاره=الله اكبر ياجماعه نية الرجال نيه
كان تبغاها سوالف يالعتيبي واستثاره=يمكن الموضوع مايعجبك لاطوّل شويه


سلطان الحافي

امنية معجب ياتاجر مع هوامير التجاره = مار اعرفه راس ماله عنزتين وبربريه

الله اكبر من زماني كثرو اطفال الحجاره =واين نلقا الشيخ يالعتبان حلال القضيه


معجب العتيبي

معجب ليامن مشى درب ماغير مساره=لين ينجز ماتمنى بالغصب والا رضيه
الله اكبر والمناضل كيف غيّر في شعاره=علها خيره مدام انه يبا الشغله كذيه

[سلطان الحافي]

عبد الرحمن الهيلوم

صح بدنك

شرفنا مرورك

مودتي,,,,