سعود العصيمي ,, لاهنت

[عبدالله حبيٌب الزراقي]

نبا نتعلم ونستفيد منك ياطويل العمر ,, عسى الاتصال يجمٌلني معاك


ياسعود العصيمي مرحبا ترحيب = ريحها مثل ريح الورد والكادي
شفت قلب العصيمي مثل قلب الذيب = مرة ٍ فالجبل وامرار فالوادي

[سعود العصيمي]

ارحب الساعه المباركه اللي جابتك يابو حبيّب
وانا طلعت وتو رجعت ولاشفت بدعتك الا الآن


استلم:


البقاء من رجال الطيب ياهل الطيب = عد مالاح برق وحن رعادي

كل شارب على ماقيل اله توجيب = سرها وانتبه من رصد الارصادي

[سعود العصيمي]

ابو حبيّب


هل انت موجود؟

ام لا.

[عبدالله حبيٌب الزراقي]

المعذره ترا ماشفت بدعتك مع البخاري مار ان كان جاء البخاري واصل معاه والقاف هذا نخليه وقت ثاني مابنا نشوش عليك.. البساط احمدي على قولتهم



بعد ما راس ابو زيد اتملا بالشيب = كل نفس ٍ لها ياصاحبي مادي
والحياه انت خابر علمهاا فالغيب = ماذخر للبطانه خيل وجيادي

[عبدالله حبيٌب الزراقي]

موجود يابو طايل بس توني انتبه قبل شوي لردك

[سعود العصيمي]

بارك الله ابك مافيه شك وريب = لايهمك لياجاء حرب وجهادي

وابشر ان اله هدافه رمي واتصيب = مثل عنتر وابن غانم وشدادي

[الشــاهد]

على القوة ياشعار متابعين00000

[عبدالله حبيٌب الزراقي]

ماعليك قصور فساحة الحريٌب = نار يحرق لهبها روس الاعوادي
مار لن عوٌدت للفك والتركيب = صايد الذيب مثل الذيب ينصادي

[عبدالله حبيٌب الزراقي]

جندي

الله يقويك لاهنت على المرور

[سعود العصيمي]

مايغيب الجدي لو النجوم اتغيب = السعد من رجاله والسعد بادي

كل جرحٍ علاجه عندنا ويطيب = حظنا معتلي من ماض الاجدادي

[أبو وافي العتيبي]

عبدالله حبيب الزراقي

صح لسانك مبدع


سعود العصيمي

صح لسانك ولاهنت

[عبدالله حبيٌب الزراقي]

مثل ماقلت مار الوضع له ترتيب = التواريخ هجري ثم ميلادي
فعلكم فعلنا مافيه ظلم وعيب = كلنا من خوال محمد الهادي

[سعود العصيمي]

جندي راعي لضياء


قويت



وحييت

[عبدالله حبيٌب الزراقي]

ابو وافي العتيبي

لاشك وجودك ابداع بحد ذاته شرفت ونورت وصح بدنك

[سعود العصيمي]

ابو وافي العتيبي


صح بدنك

وحياك الله.

[سعود العصيمي]

طيب طيب



وضعنا كلنا طيب ولابه عيب = لاتلد النظر واتصيح وتنادي

مانخالفك في علمك بغير دريب = انتبه للسبور اتجيك من غادي

[عايد العصيمي]

الليل الليل


يبوطايل ولايهون عبدالله

[سعود العصيمي]

ارررحب


اررحب


ياعايد




ولاتهون.

[عبدالله حبيٌب الزراقي]

ماحصل بيناا ياصاحبي تخريب = ودٌنا نقلب الموجه من الرادي
المفاعل ترا يحتاج له تخصيب = ساهر الليل مايهنا بمرقادي

[عبدالله حبيٌب الزراقي]

عايد العصيمي

شرفت ونورت لاهنت

[سعود العصيمي]

طيب طيب


البعير الهيم يحتاج اله تأديب = حط اله في يداه ورجله قيادي

والمثل قال من ودى علوم ايجيب = فيه للشعر شاعر واله نقادي

[عبدالله حبيٌب الزراقي]

ههههههه الله الله يابو طايل رادار مشاء الله عليك

عزالله تشرفت باللعب معاك واستمتعت وصح لسانك الي رضاك

لو ماوراي مسراح الصبح كان صابحتك على هذا القاف دوب استوت علومه هههههه

[سعود العصيمي]

هههههههه


لي الشرف طال عمرك بمجارتك ومجارات شرواك


صح لساااانك وبيض الله وجهك

وانا بعد وراي دوام بس شفت لي واحد من العيال . وقلت ابي ارحبه .
وامزح معه شوي.


لنا لقاء اخر وماتشوف شر.

[سعود العصيمي]

عبدالله حبيّب الزراقي=


ياسعود العصيمي مرحبا ترحيـب=ريحها مثل ريح الـورد والكـادي
شفت قلب العصيمي مثل قلب الذيب=مرة ٍ فالجبـل وامـرار فالـوادي




سعود العصيمي=


البقاء من رجال الطيب ياهل الطيب=عد مالاح بـرق وحـن رعـادي
كل شارب على ماقيل اله توجيـب=سرها وانتبه من رصد الارصادي




عبدالله حبيّب الزراقي=


بعد ما راس ابو زيد اتملا بالشيب=كل نفس ٍ لها ياصاحبـي مـادي
والحياه انت خابر علمهاا فالغيب=ماذخر للبطانـه خيـل وجيـادي





سعود العصيمي=


بارك الله ابك مافيه شـك وريـب=لايهمك لياجاء حـرب وجهـادي
وابشر ان اله هدافه رمي واتصيب=مثل عنتر وابن غانـم وشـدادي





عبدالله حبيّب الزراقي=


ماعليك قصور فساحة الحريٌـب=نار يحرق لهبها روس الاعوادي
مار لن عوٌدت للفك والتركيـب=صايد الذيب مثل الذيب ينصادي




سعود العصيمي=


مايغيب الجدي لو النجوم اتغيب=السعد من رجاله والسعد بادي
كل جرحٍ علاجه عندنا ويطيب=حظنا معتلي من ماض الاجدادي




عبدالله حبيّب الزراقي=


مثل ماقلت مار الوضع له ترتيب=التواريخ هجـري ثـم ميـلادي
فعلكم فعلنا مافيه ظلـم وعيـب=كلنا من خوال محمـد الهـادي



سعود العصيمي=


وضعنا كلنا طيب ولابه عيـب=لاتلد النظر واتصيح وتنـادي
مانخالفك في علمك بغير دريب=انتبه للسبور اتجيك من غادي



عبدالله حبيّب الزراقي=


ماحصل بيناا ياصاحبي تخريب=ودٌنا نقلب الموجه من الرادي
المفاعل ترا يحتاج له تخصيب=ساهر الليل مايهنا بمرقـادي


سعود العصيمي=


البعير الهيم يحتاج الـه تأديـب=حط اله في يداه ورجلـه قيـادي
والمثل قال من ودى علوم ايجيب=فيه للشعر شاعر والـه نقـادي