مرزوق حمدان (مصافحه أولى)فنجال دله

[محمد النخيش]

يابن حمدان قرب واستعدا لاتهيب من الطرق الطويلي=انت فالمنتدى شاعر وعاقل تعرف العلم ياشاعر عتيبه
كل واحد يناديك انت يامرزوق واليوم جيتك فوق خيلي=ودنا معك ناخذ ثم نعطي والهدف فالمطلات الرقيبه

[مرزوق حمدان العتيبي]

يابن غازي ليا جيتك تجهز والعتيبي مايعرف مستحيلي = وين ودك نمشي هالوسيمه تبغي الهينه ولا الصعيبه ؟
الليالي لها بالكون ميله وانتبه من قساها ياعميلي = القريبه ترى ماهي بعيده والبعيده ترى ماهي قريبه

[أبو نجر النفيعي]

..

الله الله

يا سلام بدايه مشوقه .. صحة السنتكم يا شعارنا ..


وسجلوني متابع لجمريات الحديث ..


:)

أخوكم

[محمد النخيش]

لاحتمى اللعب يامرزوق زاني صار فالملعبه حط(ن) وشيلي=هات طيبك يابن حمدان قدمي قبل اضوي على راسك مصيبه
الليالي ثلاث ايام بيض ومابقا سود يالوزن الثقيلي=فالمحاريب ماشفتك تصلي ليه وانته مضاريبك عطيبه

[محمد النخيش]

ابو نجر صح بدنك و لاهنت على المتابعه

[زبن الدخيل]

صحت السنتكم وفي صف ابوحمدان دون
قصور في قبيله

[بندر النخيش]

صح لسانكم والله يعافيكم



اخوكم بندر النخيش

[/عبد العزيز الجذع/]

ياسلام ياسلام.

ابداع غير مستغرب من الطرفين.

صحت السنتكم.

متابع:)

[محمد النخيش]

بندر النخيش



زبن الدخيل

عبدالعزيز الجذع



لاهنتو على المرور المشرف

[مرزوق حمدان العتيبي]

لاتفرعن مادم انك قبالي فوق راسك هماليل المخيلي = وان غلبتك تراها شي عادي غلبتي لك ترى ماهي غريبه
احمد الله مكفيني حلالي عن كثير الطمع طاب القليلي = حالت الناس يارجال حاله كم صحيب ٍ تنقد في صحيبه

[مرزوق حمدان العتيبي]

..
.

ابو نجر هلابك يالغالي شرفتنا
..

..

زبن الدخيل مرحبا مليون .. والصف يفخر بك ..
.. لاهنت ...



..

بندر النخيش صح بدنك ... واسعدنا حضورك ..
..


عبد العزيز الجذع لاهنت وصح بدنك .. تشرفنا ..
...

[محمد النخيش]

والله اني سوات النير راسي ماتحرك ولاينهد حيلي=المطر لو يهل الوبل فوقه في ثواني يحدر في شعيبه
لو ماعرفك مرزوق العتيبي قلت يالربع ذا صقر البقيلي =منتدى مالين وسطه حلالك مير في خارجه مثل الذهيبه

[مرزوق حمدان العتيبي]

والله انك كفو يابو مناسب تدعي مير ماشفنا حصيلي = ويش سويت في هاك الليالي عقب حولت من راس الزريبه
الامل فيك ياذيب الغداري لاتسوي مبات ولا مقيلي = لين تاصل مواصيل الذيابه كل رجل ٍ يبا ياخذ نصيبه

[محمد النخيش]

انتبه لاتحوطك المناسب وانشد المورقي ويضا الهذيلي=ابك في كل مرقاب امتعلي واحمدالله ماجيت المعيبه
وقتنا بالسياسه والركاده والحصان المسرج له صهيلي=تاتشوف الوسم فوق المطيه بالرضا ياولد ولا الغصيبه

[الشــاهد]

مرزوق حمدان العتيبي مافيك حيلة=ولا يهون ابو مناسيب

[طارق النفيعي]

الله الله ..

أبداااااااااااااااااااع لا حدود له ..

صح ألسنتهم ..

<<<<<---------( متابع عن قرب )