يابادي المرقاب جر اللحن والحبل ممدود

[بناخي صياف]

يابادي المرقاب جر اللحن والحبل ممدود = جره بيمناك الكريمة وكلٍ في مكانه
العام يوم تذيع الاخبار بين البيض والسود = هات السند ياصاحبي قبل تثبيت الادانه

[مرزوق حمدان العتيبي]

..
العام يوم تذيع الاخبار بين البيض والسود
هات السند ياصاحبي قبل تثبيت الادانـه



ياسلام وصح لسانك ....
وننتظر شاعرنا بادي المرقاب ...
...

[بناخي صياف]

صح بدنك اخوي مرزوق


متابعتك شرف لاهنت

[عمير الثبيتي]

يا مرحبا عداد ما تنبت الاثمار فى عود= لاهل همال الحيا والثمر فى العود زانه


العلم ذايع فى العرب مايبا ياذيب مجهود= ون كان ودك بالبلا قلت لك ياذيب عانه

[بناخي صياف]

ان رحت ولا جيت درب العرب يالذيب مسدود = مير الغنم عندي وعندك محصلةٍ مهانه
لاتجمع العربان بالهرج وانت قلّيل الفود = والبحر الاحمر شوف بحر العرب وافق وزانة

[عمير الثبيتي]

الترك قالوا ف العرب قول عان القول مشهود= ماعاد يبغاله شهوداً ولا حتى ضمانه


لن كان شبت نارها نعرف أهل النقص والزود= ونته لحالك ياحريبي ولا عندك حصانه

[بناخي صياف]

انا ادري ان الترك تمدح رجال الخير والجود = وتذم راع السيف الاملح ليا شافت حصانه
ارتاح منته يالعتيبي مع الايام مطرود = والداب دون الجحر والذيب يا مااجنن جنانه

[بناخي صياف]

بيض الله وجهك

انست وشرفت

شكرالك وشكرالكل متابعينا


وفمان العزيز

[عبدالرزاق القشعمي]

الله الله


صح لسانك يابناخي صياف على هالجزاله

وصح لسان بادي

موفقين ..........

[بناخي صياف]

صح بدنك اخوي عبدالرزاق


والله لايهينك