سلام تسليم الوفاء قبل الصـوادر والــورود !!! أقرب يامعجب لاهنت

[أبو وافي العتيبي]

سلام تسليم الوفاء قبل الصـوادر والــورود = أما تكــون بدايته ولا تكـون نهايته
البرق يبرق فالسماء والناس تسمع للرعود = وكلٍ تعب في دنيته من شان ياصل غايته

[بندر المرشدي]

الله...الله



صح لسااااااانكــ




وفي انتظار ابو سلطان وصح لساااااانه مقدما

[حمود الحمود]

ياسلام ياسلام يابو وافي صح السانك على الطاروق الناري

وصح السان معجب مقدماً والليل الليل ياشعار

[عبدالله حبيٌب الزراقي]

الله الله ابداع مو غريب عليك يابو وافي

وبدون شك معجب اذا صار طرف فيها راح يكتمل الابداع


صح لسانك يابو وافي

وصح لسان معجب مقدماا

ومتابع الي خط النهاية ,,

[معجب العتيبي]

يامرحبا ترحيبةٍ يفرش لها زل وورود=بالصاحب اللي نيته ياوضحها فبدايته
لا لاحلك برق وسمعت رعود قم وارقا سنود=السيل لاياطاك خلك فالجبل وحمايته

[معجب العتيبي]

بندر المرشدي<<<<<<<<<<<<< صح بدنك وشرفنا وجودك



حمود الحمود<<<<<<<<<<<<<هلا ورحب نورت المحاوره



عبدالله حبّيب<<<<<<<<<<<<< حورك يعطي المحاوره تميز اخر




شكرا لكم جميعا

[أبو وافي العتيبي]

دام البقاء ياصاحبي وأنته المرحب بالوفود = وأبوك وصاك الوفاء ماأنته بناسي وصايته
رش المطر ياصاحبي والماء توفر فالعدود = والناس تشرب من مواردها ولاهي مايته

[أبو وافي العتيبي]

بندر المرشدي

صح بدنك وشرفنا وجودك



حمود الحمود

مرورك شرفنا لاهنت



عبدالله حبّيب

صح بدنك ولاهنت على المرور



تحياتي

[معجب العتيبي]

نمشي على سلم العرب والمعرفه دايم تزود=وابوي وصاني وابوك اوصاك وارفع رايته
شهادةٍ بالحق منكم والحسود اعطيه عود=ماسرنا في ضحكته ماضرنا بوشايته

[أبو وافي العتيبي]

ماني بجاحد فعلكم وأنته لا تجحد يالجحود = الراس راسي والعلوم الغانمات أعصابته
شهادةٍ بالحق منكم مايسود اللي حسـود = ماضرنا في كلمته ماسرنا بدعايته

[معجب العتيبي]

نور القمر مايحبسه ياصاحبي طول النفود=والطالب اللي مانجح يمكن بلاه قرايته
المجد للي مايهاب من الخطر..والا الشرود=يعيش طول العمر مافكر يكب غوايته

[أبو وافي العتيبي]

السيل واصل للعرب ماردته ذيك السدود = والطالب اليومه نجح ماهمته محايته
ياللي تعرف بنودها وشلون غيرت البنود = مادام فاتت وش لكم ياصاحبي فالفايته

[معجب العتيبي]

السيل لامنه وصل هو فيه فود او ماش فود=يالطالب اللي ماتعلم من فنون هوايته
مانتبع المقفي يابو وافي وجعله مايعود=وليا رجع يحكم على نفسه بطول شقايته

[معجب العتيبي]

ابو وافي

طال عمرك وحسن عملك


شكرا لأتاحة الفرصه لي


واعذرني على كثرة العوارض اليوم ههههههههههه

شكرا شكرا

[معجب العتيبي]

أبو وافي العتيبي

سلام تسليم الوفاء قبل الصـوادر والــورود = أما تكــون بدايته ولا تكـون نهايته
البرق يبرق فالسماء والناس تسمع للرعود = وكلٍ تعب في دنيته من شان ياصل غايته


معجب العتيبي

يامرحبا ترحيبةٍ يفرش لها زل وورود=بالصاحب اللي نيته ياوضحها فبدايته
لا لاحلك برق وسمعت رعود قم وارقا سنود=السيل لاياطاك خلك فالجبل وحمايته


أبو وافي العتيبي

دام البقاء ياصاحبي وأنته المرحب بالوفود = وأبوك وصاك الوفاء ماأنته بناسي وصايته
رش المطر ياصاحبي والماء توفر فالعدود = والناس تشرب من مواردها ولاهي مايته


معجب العتيبي

نمشي على سلم العرب والمعرفه دايم تزود=وابوي وصاني وابوك اوصاك وارفع رايته
شهادةٍ بالحق منكم والحسود اعطيه عود=ماسرنا في ضحكته ماضرنا بوشايته


أبو وافي العتيبي

ماني بجاحد فعلكم وأنته لا تجحد يالجحود = الراس راسي والعلوم الغانمات أعصابته
شهادةٍ بالحق منكم مايسود اللي حسـود = ماضرنا في كلمته ماسرنا بدعايته


معجب العتيبي

نور القمر مايحبسه ياصاحبي طول النفود=والطالب اللي مانجح يمكن بلاه قرايته
المجد للي مايهاب من الخطر..والا الشرود=يعيش طول العمر مافكر يكب غوايته


أبو وافي العتيبي

السيل واصل للعرب ماردته ذيك السدود = والطالب اليومه نجح ماهمته محايته
ياللي تعرف بنودها وشلون غيرت البنود = مادام فاتت وش لكم ياصاحبي فالفايته


معجب العتيبي

السيل لامنه وصل هو فيه فود او ماش فود..؟=يالطالب اللي ماتعلم من فنون هوايته
مانتبع المقفي يابو وافي وجعله مايعود=وليا رجع يحكم على نفسه بطول شقايته

[طحطوح نجد]

صحت ألسنتكم جميعن الف شكر على المحاوره الطيبه

[عبدالرزاق القشعمي]

حيّ والله ابو وافي على هالابداع والجزاله

وصح لسان معجب

عز الله مبدعين بحق .......