من يعرف هذه القصيده . . . تكفون يالربع

[سامي123]

اخواني اعضاء منتدى عتيبه

اولا انا فخور جدا بهذا الموقع الذي يحمل اسم قبيلتي الغاليه على قلبي . . . من بلاد الغربه اسعد دائما بالدخول الى هذا الموقع لارى الادب على اصوله والشعر في احسن احواله . . .

وبعد هذه المقدمه لي طلب صغير وهو انني منذ مده ابحث عن قصيده للشاعر الكبير غازي بن عون اللي مطلعها:

انا مالقيت اللي يشاركني الاحساس . . . . من الساحل الشرقي ليا الساحل الغربي

ارجو ممن يعرف هذه القصيده ان يتحفنا بنشرها وله منا خالص الشكر

[سامي123]

تكفون ياالربع لاتنسوني مع زحمة المشاركات تراني مازلت في الانتظار :rolleyes:

[سامي123]

يرفع الموضوع لعل الله يجيب بن الحلال الي يعرف القصيده

[ابو وعيل]

ابشرررر والله يا ياسامي بلي تبيه ....

واصبرررر ان شاء الله بجيبها لك في اسرع وقت .

[سامي123]

ونعم والله يا ابو وعيل . . . . قدها وقدود عساك على القوه . . . وابشر مني بدعوه تسرك ان شاء الله

[ابو ضيف الله]

سامي وانا اخوك ما شاء الله عليك

انا اشهد انك مصمم تلقا القصيدة
ويعلم الله اني لو اعرفها ماني بكتمها عنك
بس ابا اقترح عليك اقتراح :

في المنتدى عضو اسمه بن عون ودائم ما يشارك بقصيد ذي عون
( عبدالله وغازي ) اما انك تنتظر حتي يدخل المنتدى وهو بالعادة ما يطول
او ارسل له رساله خاصة عن طريق المراسله

وهذه احد مشاركات بن عون اذهب الى المربع المكتوب فيه [المراسلة]
واضغط عليه ثم بعدها اكتب له الرساله التي تريد

-اخوي سامي - اسف ان كنت زودتها شوي في الشرح
واخاف والله انك تكون اعلم مني وان اتفلسف عليك

[سامي123]

ابو ضيف الله

اشكرك على اهتمامك, وانا مصمل ومصمم ان شاء على الحصول على هذه القصيده الرائعه لانها تعني لي الكثير وتصور معاناه عشتها. وقد سمعتها في شريط عندما كنت في وطني الحبيب اخر مره ولكن للاسف ضاع الشريط . . . وانا في هالديره القشرا لا ابن عون ولاغيره من الاجواد مغير من مايكل جاكسون (الله يكرمكم ويكرم السامعين) ودون ! ! !

وسانتظر وسانتظر وساحتري

تحياتي لك يابو ضيف الله وللقراء الكرام

[ابو وعيل]

الاخ العزيز سامي تأكد ان القصيدة لغازي بن عون

لاني مالقيتها في ديوانه ...

واذا كنت متأكد من ان القصيدة لغازي بن عون ولانشرت في ديوانه فأنا اعرف ولد

غازي بن عون وبطلب القصيدة منه بس قبل تأكد ان القصيدة له .


تحياتي

[سامي123]

اخوي ابو وعيل . . . انا متاكد ان هذه القصيده لغازي بن عون فقد سمعتها بصوته في احد الاشرطه (واظنه صوت من الصحراء) . . وهو بالعاده مايلقي الا قصائده . . .

تكفى انشد ولده ورد لنا خبر الله يرحم والديك

[مجد]

والله اني يكاد يغمى علي من الضحك الله يسعدك ويوفقك مبطي ماضحكت
ادفع عمري وأعرف وش الطاري اللي يخلي القصيدة تشغلك، بس ولا يهمك اذا ما جابوها الريجيل اجيبها ولو بعد عام
تحياتي

[وصل العطياني؟؟؟]

أخوي ...
أولاً :
الله يعينك على غربتك ...
ويردك سالماً...

ثانياً :
أنا قرأت موضوعك من أول يوم نزلته...
ولكن أحببت ألاّ أرد إلاّ بطلبك...
وللأسف لأم أتحصل على هذه القصيدة حتى اللحظة...
متى ماوجدناها فسنوردها هنا ..




تحيااااتي.

[سامي123]

الاخ مجد/ سلامتك من الاغماء وزادك الله ضحكا وسعاده, سبق واشرت ان القصيده تحكي معاناه خاصه جدا ولست مظطرا لشرحها لكم حفظكم الله ! لكن اذا جبت القصيده فاعدك ان افكر في البوح بها . . . وسلامة عمرك

الاخ وصل العطياني . .. اشكرك على اهتمامك وحرصك وانا عندي احساس ان القصيده سوف تنشر هنا هذا الاسبوع . . . سوف نرى

الظاهر اني ابا احط جائزه تشجيعيه للي يجيب القصيده !!