الشاعر الكبير /كديميس بن صالح العصيمي

[ربعي عتيبه]

][ كديمس بن صالح العصيمي العتيبي



شاعر قل نظيره في هذا الوقت فهو يمتلك طاقات شعريه خارقه للعاده تجعل منه وسيله اعلاميه مؤثره ومرجحه لميزان تعادلت كفتاه
ويمتازباجادته لجميع أغراض الشعر فالمديح والرثاء والفخر والهجــــــــــــــــاء
وهو غالباً مايصيب مبتغاه في مقتل وايضاً بارع في تخريم اذاني الخصم
وهذا مما اعجز اغلب الشعراء عن مواجهته فشاعرنا كديميس استطاع ان يتصدى لسبعين شاعر من قبيله واحده لوحده واعجزهم جميعاً وهذا التصدي الذي قام به هو من باب الولاء والحب المترسخ في اعماقه لقبيلته


حنا عتيبه محمتين المخلين = بعنا بسوق الطايلات وشرانا





حنا مراجلنا على هبة الريح = لاخالف الواجب عيال الرخومي





اليا زعزعوا عتاب كل ابلجٍ ملحوم = يخلون حذف الروس كنه حصا الحره




وعندما ياتي ذكر كديميس فالمجالس غالباً ما تنقسم الى قسمين قسم يمجد هذا الشاعر ويشيد بشعره وقسم لا يريد ان يسمع ذكره البته ولا يريد ان يسمع له بيتٍ واحد والسبب معروف طبعا

سوف اورد لكم في هذا الموضوع بعض قصائد الشاعر / كديميس

[ربعي عتيبه]

اول قصيده نضعها لكم هي مرثيه قالها شاعرنا في المرحوم الشيخ سلطان بن جهجاه بن حميد




الوقت يمضي بين يومٍ وليله = والآجل مكتوبٍ على صفحة كتاب
واليا انتهى المكتوب مافيه حيله = مهما يقولون الاطباء فالاطباب
مرحوم يامن لارضينا رحيله = لكن لا جف القلم جات الاسباب
رحل عن الدنيا زعيم القبيله = وترك فراغٍ من يسده بعد غاب
شيخٍ تبا تتعب دروبه بديله = لا كثرت الابواب بابٍ ورا باب
حمله قليل اللي يبا يرتكيله = يبا يعجز له شبابٍ وشياب
ما كل من يبرك لحملٍ يشيله = ولا كل من شال التفق للهدف صاب
رجال صعبات المواقف قليله = لكنهم يرجع لهم حل الانشاب
سلطان ابن جهجاه رمز الفضيله = نزه الجناب مسكتٍ كل مغتاب
نعم الامير ونعم من ينتمي له = ابناه وابنا العم واحفاد واقراب
ذوي حمد لاشتب راس الفتيله = مهوب عن حوض المنايا بهياب
يوم العرب مابين عيله وميله = ومابين نهابٍ ومابين غصاب
لامن كلٍ قام صاعه يكيله = ولا عاد عن وجه المعادين مجناب
وتناوشو سرد المهار الاصيله = وتواعدوا فالمعركه قطع الارقاب
تعرف مواقفهم خلاف الذبيله = لاجت من بين القبيله والاجناب
تطلع مواقفهم كبار وجليله = تشهد بها الاجناب من قبل الاصحاب
ولهم قبيله فالمعارك ثقيله = يفرح بها المضيوم في حزم كلاب
عتبان اهل سمر البيوت الضليله = يامن بهم المطلوب من كل طلاب
اهل الكرم واهل السلوم الجميله = قومٍ لها صطوه وهيبه وتنهاب
نعم القبيله فالامور المهيله = ونعم الزعامه لا غشا الزمل ضبضاب


والقصيـــــده اطول من ذلك بكثيـــر

[

[ربعي عتيبه]

انتقد جماعة من الناس الشاعر كديميس عندما تدخل فالقصايد التي جرت بينه وبين شعراء حرب وقالوا ان الشي الذي حصل لايعنيه وانه مخطي بتدخله فالموضوع ولو انه يستعمل قصيده فالمديح احسن له من الدفاع عن القبيبله لانه يمكن يعود عليه بمدخول مادي

فقال كديميس هذه القصيده ردٍ على عليهم [/COLOR]


هات القلم ياللي تجيد القرايه = واكتب على الصفحه بيانن بتفصيل
للي حذف له هرجتن في قفايه = والهرج له سامع وراوي وتسجيل
وللي يبا رايي تبيعٍ لرايه = يقول برنامجك يحتاج تعديل
قله ترى مانيب شاعر دعايه = ولا اخذ على نظم القوافي محاصيل
مالي بترويج القصايد هوايه = ولا هدف في كثرة القول والقيل
الا لازادت علوم خصمايه = وكثرت بصندوق البريد المراسيل
والحذف من دوني وشيٍ ورايه = وغنتبها فوق الجريد البلابيل
رفعت لي من بين الاعلام رايه = وللبيت عمدانه وللحرف تحليل
وضربت مابين العيون بعصايه = لابان غيض هل القلوب المغاليل
واليا ركب فوق المحاله رشايه = يبا يدلن الجمال الجواديل
والمجتمع يحكم على مستوايه = لا جاء المجال وميزوه الريجيل
وفالناس شاياتن وانا في شايه = ماني عن واجب هل الواجب بخيل
اقوم بالواجب بمعنى العنايه = واعرف مقام البدر والجدي وسهيل
واعرض عن المعرض وراع الوشايه = ولاني باصد عن الوجيه المقابيل
ولا يشتكي مني رفيقي خطايه = وصديقي اصدق معه لو طول الطيل
مدام واف لي يحصل وفايه = رفقة شرف ما يعتريه عراقيل
قومي هل المعروف واهل الرعايه = الواجبات اللي عليهن دواليل
عتبان يزبنهم كبير الجنايه = لا مالقى عند القبايل مداخيل
يوم الحرايب يحكمون الرمايه = لا جاء المفاهم من خشوم المفاتيل
يوم القبايل عندهم نجد غايه = ولا امتداده معتلج قرح الخيل
وسنه نسنه مثل شمس المرايه = بهجنٍ مشاويحٍ وخيلٍ مشاويل
اخذوا على المثناه صك الولايه = من محكمة حدب السيوف المصاقيل
وصارو لها عن كل طامع حمايه = ومن دونها شربوا رهيب الفناجيل

والقصيده اطول من ذلك

[ربعي عتيبه]

وقال هذه القصيده في احد اصحابه اللذين يعتمد عليهم فالامور الصعبه


وين ابا القى لي طويلٍ فيه اعدي = ضايقٍ صدري عسى فالامر خيره
بالروابع ويش اوخر ويش ابدي = من هواجيسٍ تجاذبني كثيره
ريس المركز نقل ماهوب ودي = جعله من حيث وجه له سفيره
وله عليها دين مبطي ومتعدي = ولا طلبنياه مستغنن بخيره
يوم تشكيل المشاكل صار ضدي = وصارت الدعوه على مثلي كبيره
شال حملي وانته لا يردي = كل ماشافه على متني يديره
قبل لابدي له عبارات التجدي = عارض لي فزعته قبل استشيره
لا قريب لي ولا جده بجدي = كل منا يتمي له لا عشيره
مار رجلٍ للمشاكل مستعدي = مايهاب المشكله لو هي عسيره
لو حظر وقت المغازي والتعدي = كان يثني خلفهم لا جت كسيره
الرجل يقدر يداحم فالتحدي = له نظر فالمعضلات وله بصيره
من حداه اللال والعزم متردي = وان حصل بين البصيره والقصيره
يزبن اللي عن لزومه ما يصدي = ينقذه لاصار منحاسٍ مريره
وعادة الصنديد يثبت للتصدي = ماتزعزعه الامور المستطيره
له تحيات الوفا مني وبدي = وانشريها بالجزيره يالجزيره

[ربعي عتيبه]

قال كديميس هذه القصيده حينما سمع كلامٍ يدور حوله من جماعة من الناس اتهموه بعد ما انتهت القصايد التي جرت بين شعراء الحروب وشعراء العتبان بانه سرق بعض قصايد تركي بن حميد وعند سمع الشاعر بالخبر قال هذه القصيده وهي تحكي عن نفسهاااااااااا


أنا قالي من قال ووحيت بعض علوم = تذيع اجهزتها من حولي للصره
نميمه ومن يمشي بها فالعرب مذموم = هوى النفس والشيطان غره ولا سره
انا صار لي مع بعض الاجناب بحث سلوم = شرينا وبعنا والخساره تجي مره
ثلاث سنوات وكل واحد يزيد السوم = انا اجر راس الحبل والخصم يجتره
عقب ما انتهى المشوار واحببت حلو النوم = لحقني طلب يركض ورايه مع الجره
لحقني مدقق السوالف بدون رقوم = لا شد واحدهم طرف كلمةٍ دره
يقولون لك قافٍ لتركي عليه وسوم = علامك عقب ما مات راعيه تجتره
علامك سرقت المنهل العيلم المعلوم = تحسب ان عنك عيون الارصاد منصره
وانا كيف ابا اطمع واختلس قايد العموم = اليا جت دقلات الاجانيب منجره
يجيه الخبر مختوم ويرجعه مختوم = تجيه النجايب بالمكاتيب كم مره
واليا درهم المندوب والعلم فيه علوم = ورحا الحرب من بين الحفيفين مفتره
يدوس المنايا ماحسب يومه المحتوم = ويلوذ بذراه اللي تجددتبه الحره
غزا نجد بالهيلا وثبت رسم مرسوم = وبسط ديرته من باب مكه اليا البره
بنا ديرتن يامن بها المجرم المضيوم =ولا يزال البنا ماجود والعين مستره
ولا صار له نجد المسمى بحب خشوم = الا عقب حذف الروس والارض محمره
الا عقب ضرب السيف والزحف والهجوم = وكراديس خيلٍ تلحق الكره الكره
اليا زعزعوا عتاب كل ابلجٍ ملحوم = يخلون حذف الروس كنه حصا الحره
تمكن ومكن لابته من ديار القوم = وتخير سنام الدار والصدر والغره
ورحل واستدمنا فالبلد والعدو مهزوم = ولهدنا الكبود اللي من الغيض محتره
لاغاب نجم من سمانا يبين نجوم = يهتدي بها المنجوم والسما مغبره
وعقب ما تقدم يتهمني عيال البوم = تشدق باشاعاتٍ مع الناس منشره
وانا اليا بغيت اجرح عرف امسك البلعوم = لكن اتغاضا عن وجع علة السر ه
انا مسهمي فالشعر ماهوب المثلوم = اعرف الكلام وكيف حاليه من مره
واعرف انقض المبرم واجازيه بالمبروم = وبافتك المزرور ويموت ما زره
واليا غزا النيشان والجو فيه غيوم = الي بندقٍ فالمعترك تلقط الذره
ولاني بحاجة قاف من قيل له مرحوم = ولاني بحالي اللي بالاخبار مغتره
هذا ما جرا واللي سرا يتبع الجاثوم = لعله يواصل رحلته كل ما مره
حتى ينتبه من ضاع ويعلم المنجوم = وتفرق عصابتهم ويرضون بالفره

[ربعي عتيبه]

هذه القصيده قالها الشاعر كديميس في مكتب الاحوال المدنيه ( احوال ثادق ) وذلك بسبب تعطل معاملته دون سبب لاكثر من شهرين حتى ان صادف احد الموظفين هناك واتمم المعامله له

قال كديميس بهذه المناسبه


صار لي شهرين عند احوال ثادق = ماصدق من قال سيرتهم حميده
المكاتب عندهم مثل الخنادق = وشغلة الكتاب صفحات الجريده
والمدير مريب يبحث عن سوابق = والنظر لازم يعيده ثم يعيده
والامير من التحفظ مايصادق = يذكر له زود انظمةٍ جديده
والنفاق لا دخل قلب المنافق = يعتقد له منهجٍ غير العقيده
ومن بغى التعليق بفطن للبنادق = ومن بغى درب السلام الله يزيده
ولو تجنبني سهم نجل المحادق = كان ماسويت فالطرقه قصيده
اعترض لي واحدٍ مخلص وصادق = وصادني من حسن ذاته قبل اصيده
بان لي بين العماير والصنادق = ولا عرفت اسمه ولا وسم البديده
بديرتن فيها المساجد والفنادق = وشجرة الانساب عبده من عبيده

[ربعي عتيبه]

ارسل الشاعر نايف بن غازي المورقي هذه القصيده لكديميس

يقول نايف




هات القلم واكتب كلامٍ على الراء = واكتب على القرطاس واضح مقالي
هاجوس طاريلي وفيه اتطراء = ببيوت شعر والمعاني ثقالي
هديتن مني بمعنى يسرا = مني لابو سلطان ذيب العيالي
ولعلها تقبل بعد ما تقرا = وترضيك يالصاحب كريم السبالي
واليا قريت رسالتي لا تزرا = حيث ان معناها على اللي طرالي
واللي طرالي كثر وقتي يمرا = تفكير بالدنيا وكثر انشغالي
واعرف ترى الدنيا حلاها مضرا= لو ساعفتك اليوم باكر تزالي
محدن صفت له قبلنا واستقرا = تلف الاجيال مثل المحالي
وانا احمد الله من عناها مجرا = اضربها الحيطان جالٍ بجالي
والزرق عند الله على ما يورا = مقسمن بامره على كل حالي
والفرق باللي يحفظ الخمس مرا = لا بد عنها يابن ادم تسالي




رد كديميس على نايف



يالله ياللي منك خيراً وشرا = رحمتك عندي منتهى راس مالي
من لا سترته ياكريم يتعرا = حيثذك على كل الامور متعالي
ياللي قريت الشعر مدري تقرا = وجهت محالك لا تواجه محالي
انت وانا في وسط بيتٍ مذرا = ينلاذ به عن ضيم سود الليالي
من هيبته عنا الزهوف يتدرا = حيث ان باركانه رجالٍ مدالي
وكان انت في نظم القوافي تجرا = وتقدر تحل مشربكات الحبالي
أسمع صريخ اقلام الاختام برا = اطلع لهم كان انت حامي توالي
لين العميل من عميله يتبرا = جرد حسامك دون جالك وجالي
مدام انا متحيزمٍ فوق غرا = ومحاصرن خيل الحفيف الشمالي
من بين اخو ساره وبين اخو سرا = ومن بين خيال البكار الغوالي
مره نسريهم ومره نسرا = ومن بينا زرق الرماح متوالي
اما انطح السربه وسل المزرا = ولا انتظر حتى يبين الهلالي

[ربعي عتيبه]

ارسل الشاعر كديميس هذه القصيد الغزليه للشاعر ذياب العصيمي

يقول كديميس



ياذياب سلم لي على الربع ياذياب = اسلم وسلم لي على من تواجه
انا بدارٍ كل سكانها اجناب = والقلب هاجوس الغرابيل داجه
خيلت برقٍ في دجا الليل شباب = يشوق مكوي الضمير التعاجه
من عقب ما خلته غدالي تقلاب = من ضيقة الخاطر تقول بزجاجه
البارحه ياذياب عقب القمر غاب = الدمع من عيني سريع اندلاجه
على وليفٍ تل قلبي بكلاب = عليه قلبي ساير الهم ساجه
عليه قلبي تقول يكوى بمشهاب = مشهاب لحامٍ فتح زر تاجه
ماني من يركض على الدبك نصاب = طرد القفا للرجل عيب وسماجه
مشفوح انا في حب تلعات الارقاب = واشرب قراح المي واترك هماجه
وادري عن الطرف الخفي حدر الاسلاب = رمز الهوى ماهوب هرج ولجاجه
الصاحب اللي صافيٍ لي بالالباب = اعرف مواري غايته من حجاجه
واتعب وراه ولو تعرضت الانشاب = وارجيه مثل الي يحسب لخراجه
كني سجينٍ مقعده من ورى الباب = ولحدن سمع في حجته واحتجاجه
مصوبن مني وانا منه منصاب = والكل منا ما حصل له علاجه
الكل منا من مشاكيه ما طاب = جداه تلت ونته من خلاجه
ياراكب اللي للعباعيب جذاب = فرتٍ على اول طلعته من كراجه
لانحنا الخط التوى كنه الداب = واسبق من الصاروخ وقت انزعاجه
فوقه غلامٍ للمهمات لولاب = معايشن بقعا بعدل وعواجه
يلفي لقرمٍ للمواجيب قضاب = يفهم طريق المرجله واندراجه
لا شاف وجه قال حيه وما جاب = يقوم بالواجب على كل حاجه




ارسل جواب الشاعر ذياب على القصيده




ياراكب اللي يصفط الميل بحساب = من وارد السبعه وشد الخواجه
يلحق ولا يِلحق ويطلب وطلاب = ما احسن مع العبله دوي انزلاجه
واليا عطا مع رقرق الحزم ينساب = تقول حرٍ كاسرٍ من رواجه
سواقه اللي يقطع الدرب ما هاب = داس ابنصه وبيديه ماجه
مافوقه الا عدة الدرب وكتاب = حيث ان كتب الخط نصف المواجه
مني كتبت كتاب لخيار الاقراب = كتاب مثل المسك في وسط عاجه
ياللي تودي الخط فكاك الانشاب = بلغ سلامي له نهار التواجه
قوله اليا جيته هلا مع ترحاب = يفرح اليا جيته ويضحك حجاجه
يقوم بالواجب لو انه بمطلاب = نشريه لو يغلي المحرج حراجه
كديميس يشكر ويذكر ولو غاب = قرمٍ من اللي يقطعون الزراجه
وبعض العرب لا جاء نها ر ام غصاب = يصير كنه نعجةٍ من نعاجه
ياعنك ما تلام في حب الاحباب = والود شرع الناس تمشا فجاجه
راع الهوى مايترك الود لو تاب = يشيل شيل مرحلات الحداجه
وراع الهوى قلبه كما الباب بضباب = والود باقصى القلب ساجه ولاجه
الصبر زين وراعي الصبر ماخاب = والضيق من عقبه تصير انفراجه
وكم واحدٍ يرمي الهدف مار ماصاب = هذاك ضيع صيدته في عجاجه

[ربعي عتيبه]

وقال كديميس هذه القصيده عندما كان في مركز قنه



سكنت البحر لاني غيصٍ ولا سماك = لكن الليالي عرفني جبل قنه
الا يااله الكون يامجري الافلاك = تدير الفلك للي همومه يقزنه
تلاطم هواجيسي كما الموج بالمضناك = وجداي اتجلد والحق الونه الونه
الا ياقمر خامس عشر ليت من خاواك = كما انك تمر اللي عيوني يودنه
علشان محدن يطلع كود انا وياك = على وصلة اللي بالهوى مااختلف ظنه
صافي وانا صافي مار البلا مناك = عرض لي معاريضٍ حدني وحدنه
وانا حالفٍ يامدمج الساق ماننساك = مدام الحرم عند العرب عمرته سنه

[ربعي عتيبه]

هذه القصيده قالها احدى رفقاء الشاعر كديميس عندما سمع كلامٍ قيل ان كديميس هو راويه


قال :


ربعت في ديرة هل الحب والنوط = في ديرة راع الهوى ماتغيضه
راع الجديل اللي على المتن ممشوط = اللي طراد الهوى يستهيضه
مايسكن الشيهان في عش شبوط = وعين تصوم عن المعاصي حضيضه







رد كديميس على صاحبه بهذه القصيده


جانا من الفاهم مكاتيب وخطوط = ونصايحٍ في المعاني عريضه
المسك فيها وازرق العود مخلوط = وانكار المعنى يعود نقيضه
يبا يعاتبنا على ديرة النوط = سرا القلم والكف عند غليضه
يقول ناسبلك الدار مضبوط = وان زان مرباعه تحرا مقيضه
هو مادرا عن جدول الحب مصفوط = بريت مكاوينا وصارت نجيضه
بطلت من طرد الهوى وانتهى الشوط = وصبرت من عقب التعب بالغميضه
وسحبت من بحر الهوى جملة خيوط = من عقب ما جربت سوده وبيضه
لا تسحبني يوم ما رحت مبسوط = لاوالذي حط الشهاد فريضه
القلب كنه بالخفا يلسعه صوط = والكبد من كثر التجلد مريضه
مار العمل يبغى قوانين وشروط = والدرب يبغاله جواز وحفيظه

[ربعي عتيبه]

أرسل الشاعر كديميس هذه القصيده للشاعر الكبير زيد بن عضيب


أنا وش اسوي بالهواجيس يابن عضيب = أنا في هاجوسٍ مع الليل يسريبي
كما انك فهيمٍ فالمعاني برايٍ مصيب = ومشيت المعاني كلها بالتجاريبي
حليم وفهيم وبادين فيك رمس الشيب = نبا الراي يابن عضيب ياماكر الطيبي
أنا صاحبي يازيد يذكر حوال مغيب = على عقلةٍ مدهال شقحن حنازيبي
يتل الضماير تل دلوٍ من القليب = غدالي نحيه عن جميع الرعابيبي
وانا فالبحر ما اقدر على وصلة الحبيب = ولا تاصله رجلي وكلت مناجيبي
تحاموا علي اللي مشوا خطة التعقيب = مخاليبٍ طالت وقصرت مخاليبي
خبيثٍ نجسين يغصون بحر العيب = مساكين نجسين شذب العراقيبي
لا قابلوا صدقان وان دبروا تخريب =يحطون عدلات المعاني عذاريبي
لاكن انت يومنك على منهج التهريب = لامن تاطلت تبتل علىوجهن مغيبي
وعطنا سوالف نجد واللي يرش الجيب = تبخص وبخصني على كل ترتيبي







مردود زيد


هلا بالجواب اللي لفاني وانا باجيب = ارحب عدد نبت الفياض المعاشيبي
تحيه نقيه صافيه عن جميع الريب = على الشاعر اللي يبدع القاف ومصيبي
الا يافهد نرجي الله الوالي الرقيب = يوفق سعدكم في جميع ا لمطاليبي
جزيل العطايا من ترجاه ما يخيب = ولا نرجي الا عالم السر والغيبي
عسى من سعالك بالنحاسه يجيه الهيب = بكبده ولا يشفيه طب الاطابيبي
ترى الزرق مايذكر لها بالعرب حبيب = ولا حدن ذكر صيد النسور المحاقيبي
وترى الصبر زين ونفعة الصبر للغريب = وراع الصبر يربح بكل التجاريبي
انا اخذت عشر وستة اعوام بالتدريب = عرفت الوفاء واللي عليهم عذاريبي
درسنا امورٍ من فهمها يصير اديب = وصبرنا على الرقعي ولفح اللواهيبي
تقول ان لك عشقه وترسلها خطيب = ولا ظني ينفعك كثر المناديبي
تقبلك تحياتي عسى حظكم يطيب = وذي عادة الدنيا بروس وعراقيبي

[ربعي عتيبه]

وايضا ارسل كديميس هذه القصيده للشاعر زيد


يازيد وصلتنا المكاتيب يازيد = يامرحبا بكتابكم يابن غازي
ليلة لفانا كنها ليلة العيد = لو كان ما وضح دروب المغازي
يازيد جنبت المحاله عن السيد = مدري علامك ياثقيل المرازي
أشرح لك المعنى بوصفٍ وتحديد = وتصير مثل اللي يخايل خزازي
يازيد جددت المكاتيب تجديد = وجنبت عن درب الوعر بانحيازي
وانا مضالي فالعمل كل تنكيد = وراك ماتفزع لمن صار قازي
بلاي من طول الليال السراميد = حالي مثل حالة عليل النحازي
يومن عندك رخصةٍ تطرد الصيد = وعندك وينتاتن تذب النوازي
ورايك براسك ماحدوك المقاريد = وفي يدك من نص النظام اعتنازي
وربعك عيالٍ من خيار الاجاويد = وش عذركم عن واجبي يابن غازي
طالبك تاصلي عشيري ورى الحيد = في ماقع مدهال ريم الجوازي
وتخبره عني ابخصٍ وتوكيد = حتى يصير بمنهج الحب لازي
ماني غاوي دارهم والمواريد = ودي لكن مجودلي حجازي
من دونه اللي ينقلون البواريد =ربعٍ حماهم دايمٍ ما يهازي
وانته تفصلي معانن بتحديد = ولاحدن ذكر من كثرة الهرج فازي
وتذكر لي الحبل الحمر والتفاريد = ماني معتازٍ عن الناس عازي
يازيد حنا للمعاني بواليد = ولا قلت لك يازيد عطني غوازي
ابغاك تطرش يمهم بالمسانيد = يوم انت عندي بالدبادب تنازي
انته زولك مثل زول المفاريد = وعيونك اللي كن فيهن ترازي
سويت نفسك فارسٍ مثل ابو زيد = وسافرت من غير تمضي جوازي
سوالفك يضحك بها زيد وعبيد = مغلوث مايشفيك دم البرازي
الحر ماياكل مثان العجاريد = وهرج القفا خازي وراعيه خازي
وانا على المله ابفقهن وتوحيد = ولاني من يشري توال القزازي
ماني من اللي يدهلون القواويد = اللي على الغرفه يجي بالاعازي






مردود زيد على القصيده


قولٍ لفاني فيه عدل وهرابيد = ولاني بياع الذهب بالبيازي
يافهيد لا تخطي على زيد يافهيد = وانته عزيز ومن رجالٍ عزازي
اللي يريد الماء يدل المواريد = والا انت فاتت شبتك وانت جازي
من نجد ماظني تحصل مقاصيد = انحر جبل لبنان ولا شرازي
تجيك عضات البني المناهيد = اللي هواهن دايمٍ للرهازي
وخل الافاعي في شمعها ملابيد = من طاول اطول منه ماقيل فازي
اخذ الكلام وخل عنك التصاديد = وترى عيوني ما مشت بالمخازي
عاشت وشامت عن دروب المناقيد = وتاريخها ماسجلو به حزازي
قولي مع هل القول جد وتماجيد = سمن وعسل مافيه ديزل وقازي

[ربعي عتيبه]

ارسل الشاعر / ذياب بن عبود هذه القصيدة إلى الشاعر كديميس




الله من قلبٍ همومه تلاطم = مسيل سيلٍ سال من عقب ديمه
تقفي وتقبل به تفرق وتلتم = تفرحه مره ومره تضيمه
موجٍ تدافع فوق مع غبة اليم = عوجٍ تولج القلب مع مستديمه
اصبر على الحسرات ياكم وياكم = واللي يكن الصدر ربي عليمه
واليا بدر مني خطاي اتندم = ومن خلقتي والله مااحب النميمه
ولا امدح الممدوح وابعد عن الذم = واربوا بنفسي عن دروب الذميمه
واليا دعاني داعيٍ قلت له سم = احب هقوات النفوس العظيمه
احب سمح الطبع والراي الاسلم = احب سمحين النوايا السليمه
ولا اقول للي يمشي التايعه تم = ولا صغير رايٍ من عقولٍ سقيمه
ولا بان لي بعض الجفاء من ولد عم = ادمح له الزلات واذكر قديمه
والشمل لابده كما قيل يلتم = مدام حانن والليالي مقيمه
مني لابو سلطان اللي تقدم = فالماقف الغصاب وارغم خصيمه
شعره كما البلسم ومره كما السم = وياقف مواقيف الرجاال العديمه
من الصخر ينحت ويجذب من الجم = وبالصدق تبين له فعولٍ قديمه
بين العرب مفهوم ماقال قد عم = ويشهد على ماقاله الكل قيمه
والنور بان وساج بالليل الاظلم = والصدق يقهر كل راعي ظليمه
وماكنه الخاطر يبين من الفم = ويبين لك نوا الفتى من نديمه
ويضيع معنى العلم في مجمع اللم = وتبين بارقاب البكار الوسيمه
وسلم على من شيف للقرم واسلم = سلامي ياللي توصل العلم تيمه





مردود الشاعر / كديميس


ياذياب جاني منك خطٍ منظم = وقصيدةٍ فالوقت هاذا يتيمه
خطٍ على شتى القوافي مترجم = ومعناه ينبي عن شهامه وشيمه
فيه الكلام اللي على اهداف ومهم = واعز واشرف من كلامه زعيمه
اللي بجزلات القوافي تكلم = واعوج من عسرات القوافي يقيمه
مهيب بدعه لك بالاعلام مسهم = وانته حفيد اللي يجندل غريمه
ياذياب جدك راعي الغوج الادهم = اللي لاركبه يفك الزعيمه
اللي لا حثه على الخيل واسهم = مايسنح الكردوس يضرب صميمه
بشلفاٍ مضريها على نثرة الدم = دمٍ عزيز من صدورٍ حشيمه
من الآد عاصم فاللقا والمهاجم = يرخون لأرقاب المهار الشكيمه
لا جاء النهار اللي جموعه تلاكم = حريبهم يصبح تناعا حريمه
قومٍ لهم عادات وسلوم وشيــم = ويلوذ بحماهم كبير الجريمه
ركنٍ من الهيلا هل الصيت الافخم = اللي بنوا في منبر المجد خيمه
يوم القبايل والقبايل تزاحم = حريبهم يصبر بغبن الهزيمه
حريبهم باحلى المنام يتحلم = يشوفهم بالقلب والعين نيمه
مركاضهم فيه الفقير يتغنم = لاحضر تقسيمهم للغنيمه
ويشبعبها السرحان والطير الازقم = كلٍ ينادي صاحبه للوليمه
يا ما نحوا عن نجد من جمعٍ ارخم = وتجرع الذله وكبر الثليمه
وياما انكسر من دونها سيفٍ اعسم = عقب علج بمتون خطو الصتيمه
وعندك خبر يوم الثلاثه تحاشم = والكل منهم ضربوه الخريمه
عسى السحاب اللي قنوفه تهاشم = يضفي على مثناة نجدٍ هديمه
جعله على مثناة نجد يترزم = وتسيل وديانه ويحيي هشيمه
من ظلم لأطراف البلاد الموشم = ومن المخامر للصراديح ديمه
يسقي الديار اللي بها الجار يحشم = ولا طالت ايامه يزود اتحشيمه
ولا هوب لا يظلم ولاهوب يهضم = ويقلط على راس وفقار العزيمه
والضيف في لوذات الاسعار يكرم = لامن كلٍ قام يكرب بريمه
لا من بعض المجتمع قال له قم = نصا الديار اللي بااهلها كريمه
دارٍ بها الهيلا تحكم وتنعم= بالامان والايمان يالله تديمه
مدحتني ياذياب عقب المساوم = وعقب انتهى صبر العقول الحليمه
عندي خبر كشف المغطى محرم = ولاني بحلل حرمته وتحريمه
لكن بعض الناس قام يتطشم = وصلت مكاتيبه وشفت اتعميمه
كتبت له مكتوب قبل الملغم = وعلمت من لا سر فيه اتعليمه
قال ادخل الميدان والبادي اظلم = ومن مات يذبح له وليه تميمه
ويومن مقباس المشاكل تضخم = وصارت علاقات قصارنا وخيمه
حطيت لي في منبر الحذف مرجم = وشاركت في نسف الهدف واتحطيمه
الرجل لا نابه من النايبه هم = يضرب على سيم المحاله بسيمه
والبيت له بيبان والثوب له كم = والسيل منبع قوته من يديمه
وانا ورثت الشايب الذيب الاسحم = مودع معاشير الدعاوي عقيمه
دحيم لا قامت ركبهم تداحم = مثل الجمال اللي على الماء محيمه
يدحم بجنبٍ لا تزعزع ولا اهتم = جنبه متين وحجته مستقيمه
لو كان حبل الخصم مبرم ومحكم = لدحيم حجه فالمحاكم حكيمه
وان جاه محتاجٍ جداه يتهضم = وهذي فالوقت الاشهم جسيمه
كم واحدٍ لاضامه الوقت ينضم = لدحيم حيث انه يزيل الهضيمه
ماني مثل دحيم مار اتعلم = اخذت لي من بحر عرفه قسيمه
اليا طرالي ماقفٍ فالمخاصم = يزود عندي فالعزيمه عزيمه
هذا الجواب وبالتحية مختم = مسك الختام ازكى السلام اتختيمه

[ابن مشيب]

اخي/ ربعي عتيبه


عزالله انك ماقصرت , بيض الله وجهك على نشر هذة القصائد القوية لشاعر كديميس , والردود التي حصلت بينة وبين بعض الشعراء...............



تقبل تحياتي........

[داهية عتيبة]

لاهنت
تسلم يالغالي ولا عدمناك على هالمشاركة الجميلة
وصح لسان الشاعر كديميس

[(-العتيبي-)]

لاهنت / وبيض الله وجهك
تسلم يالغالي ولا عدمناك على هالمشاركة الجميلة
وصح لسان الشاعر كديميس

[خالدالعصيمي]

ربعي عتيبه

وفيت وكفيت بيض الله وجهك

حسن الاختيار

وكما نتمنى المزيد من قصايد

الشاعر كديميس القديم والجديد

لك خالص تحياتي
خالد العصيمي

[روقاوي]

اذا وصلت الكلمات الشاعر كديميس تقف وهي منحنية إجلالا. وحدثونا عن البحر. تحياتي

[@عريب الساس@]

ربعي عتيبه مجهود اكثر من رائع تشكر عليه لشاعر بل علم من اعلام شعراء

الهيلا فلك مني جزيل الشكر وعظيم الامتنان,,,,,,,,

والا الامام دائما ،،

[صـويب الرمـــش*]

الله يعطيك العافيه,وماقصرت عزالله اوفيت وكفيت يالذيب, تسلم ويسلم غاليك
ويسلم الشاعر كديميس,ويسلم الشعراء الباقين والله ونعم فيك وفيهم...

[حسان]

ربعي عتيبه

بيض الله وجهك وما قصرت

وصح لسانك ولسان شاعرنا الكبير أبو سلطان

[ربعي عتيبه]

عزيزي ابن مشيب

مشكور على الرد ولا هنت

وانشاء الله عن قريب سوف اضع بين ايديكم قصائد اجتماعيه لم تنشر للشاعر كديميس

[ربعي عتيبه]

أخوي داهية عتيبة

مشكور على المرور والتعليق الجميل

تحياتي لك

[ربعي عتيبه]

اخوي (-العتيبي-)


تسلم ومشكور على الرد

تحياتي لك

[ربعي عتيبه]

أهلا بك اخوي خالدالعصيمي

لا هنت على التعليق يالغالي

وابشر انشاء الله بالمزيد والمزيد

[ربعي عتيبه]

اخوي العزيز روقاوي

مشكور على ماسطرته اناملك من كلمات جميله

تحياتي لك

[ربعي عتيبه]

عزيزي @عريب الساس @

مشكور اخوي

ولاهنت على المرور والتعليق

تحياتي لك

[ربعي عتيبه]

صـويب الرمـــش

اهلا بك صويب الرمش تسلم وماقصرت يالغالي

تحياتي لك

[ربعي عتيبه]

حسان العزيز

تسلم وصح بدنك اخوي

ولا هنت

تحياتي لك

[براق]

كفيت ووفيت وبيض الله وجهك وكديميس شاعرغني عن التعريف وتكفيه قصيدة ( المحدار) المعروفه والتي ذكر فيها تاريخ عتيبه ونزولهم من الحجازالى نجد

[ربعي عتيبه]

اخوي براق

الله لا يهينك على الرد الجميل

وتقبل اجمل تحياتي

[راع الاخبار]

وذكرني

عند قراتي ال هذا البيت قصيدة الشاعر بندر بن سرور في الشيخ تركي ابن ربعان
حملـه قليـل اللـي يبـا يرتكيـلـه
يبـا يعجـز لـه شبـابٍ وشـيـاب
ما كـل مـن يبـرك لحمـلٍ يشيلـه
مشكور مره اخر

[ربعي عتيبه]

حياك اخوي راع الاخبار

ومشكور على الرد وماقصرت

تقبل فائق تحياتي

[العديم]

تسلم يمناك ياالناقل
مع اني اطمع منك بنشر اكثر لقصائد هذا الداهيه خصوصن لشاعر بحجم كديميس العصيمي يحمل لقب شاعر عتيبه
تحياتي لك وسوف اكون في انتضارك

[الـبـتــار]

يعطيك العافيه يالعتيبي
ومن اجمل قصائد شاعر عتيبه قصيدت المحداربقيادت تركي ابن حميد

[ربعي عتيبه]

اخوي العديم لاهنت المشاركه فالموضوع ومشكور

وابشر باللي تبي بس اصبر علي لأن كتابة مثل هالمواضيع تحتاج وقت

[ربعي عتيبه]

الله يعافيك اخوي البتار

ولا هنت على المرور والتعليق

تحياتي لك

[البرقاوي نت]

هل فيه تسجيل صوتي لقصيدة كديميس في مدح عتيبه
ارجو ان كانت عند احد من الاخوه وضعها لنا هنا

[البرقاوي نت]

كي نجعلها في موضوع واحد ارجو تثبيتهاالشاعر الكبير كديميس بن صالح العصيمي العتيبي غنى عن التعريف ، شاعر كبير وله العديد من القصائد الرائعة والمتميزة ، وقد بعث بهذه القصيدة العصماء الى شعار حرب الذي كان بينه وبينهم منازعات .

القصيدة :




سر يالقلم ننقض كلام المحامين= لصارت الدعوه حمايا حمانا

نقض الحجج لابد له من براهين=ومعنا شهادة الوفا لدعانا

ومن مدنا بالصاع نجزاه صاعين=واللي ياعادينا عليه اعتدانا

كان الحميدي(1) وازملاه متصافين=على الحكي فيما ما تقدم حكانا

تلحقوا غارات ناسٍ قديمين=واخطوا وحنا من خطاهم خطانا

ودام الشريعه تاخذ العين بالعين=حنا ما تقضي الشريعه قضانا

حنا بميزان المعاني ثقيلين=وعلى مماشينا بعيدٍ مدانا

هيهات لو حولت عكس الموازين=قضا القضا فيما مضى وانتهانا

ياحرب لو حطيتم البيت نصفين=ماهوب موصلكم ليا مستوانا

انتم رجال بالمعارك غثيثين=لكن ما تلحق اخطاكم اخطانا

حنا عتيبه ملحقين المخلين=بعنا بسوق الطايلات وشرانا

قومٍ على صولات الايام ضارين=لو عضنا ناب الدهر ما قوانا

يهابنا الطماع لو قلبه اذهين=نبطش محلات الطمع لاغزانا

لنا سلوم غاليات المثامين=سلومنا محدن حملها سوانا

في سلم لوماء الوجه عام وشهرين=وابخيلنا مامون داخل حمانا

ثلاثماية يوم تزداد ستين =تنحا المنايا عنه هيبة لحانا

ومن حده الموت الحمر والديايين=تخير الحصن الحصين ونصانا

وبالحين نملى فارغات الموازين=جيب الصحون ومكرمات الصيانا

للضيف والجيران والمستحقين=إليا من وهاب العطايا عطانا

ابيوتنا للضيف مثل البساتين=يفرح به الملهوف ليلة ضوانا

نجود بالماجود بالعسر واللين=وضحك الحجاج وما حلا من نبانا

حنا على حفظ المواجيب حرّصين=مانعطي الطرقي قراطيع مانا

والجار له واجب وحنا وفيين=ندعيه للكرمه ولو ما دعانا

جيرانا دايم حشام وعزيزيين=وندرا شرفهم عن كلام اسفهانا

حنا بوجه الجار دايم جديدين=يزيد مع زايده اثنينه وفانا

وان جاء نهار المعمعه واللغا الشين=نبيع غلا الروح دون اقصرانا

وان راح نشدق قفاه بسكاكين =نحمي مجاله عقب عنه انتحانا

وخوينا لو هو من اللي معادين=يأمن بنا في كل درب مشانا

ليا عودة عشر اكثر الناس ثنتين=وصاروا بغرات الخوي عقربانا

ولصرنا مع الخوي بدرب متخاوين=نرعى الحقوق ولانخون خويانا

وحنا منازلنا ورا حضن ويمين=هاذيك ديرتنا فيها نشانا

وجينا نبا المرباع عند القحاطين=يوم الزمان بحد سيفه حدانا

وقالوا لنا ما تاسع الدار شيخين=ونجد العذيه تحت فيت عصانا

وتشاوروا طلقين الآريا الحكيمين=احدٍ ومر بالحرب واحدٍ نهانا

واحتار من يختار بين الأمرّين=اما الدهر ولا سيوف اقبلانا

وتقرر المحدار بالخط والقين=نمراً فأولها يرفرف لوانا

وندري ما قدامنا مزرعة تين=لكن على روس الافاعي وطانا

زحنا قبايل نجد عن نجد قسمين=وجينا بمثنات البلاد وبنانا

ابيوتنا كالقور بين الحديثين=وعلى السنام من البلاد استوانا

وأعداينا ما هم عنا براضين =لكن هابونا جميع احددانا

لشبت الهيجا بصوت المثارين=صديق عينك مايجي في نحانا

وليا ركبنا فوق مثل الشياهين=تكره صناديد القبايل لقانا

عاداتنا نخلي سروج المسنين=وأول موردت السهوم اومرانا

ليا اقبلوا من الخيل قدم المغيرين=وليا اقبلوا صاروا حماه لقفانا

حمّاية الساقات فالمقلين =باموالهم يرفون فقر فقرانا

وليا جاء الامر بين القبيلة حليين=حلوا مشاكلنا وحازوا رضانا

وان جاء الامر دولي زحول وميامين=عند الدول فالمعضلات اسفرانا

ومن كان ذا شانه يشيل الثقيلين=لو مات حي في قلوب حربانا

لو مات قالوا حرب ذا فيه روحين=يمكن قحص من وسط قبره وجانا

وبعض أُمراكم فالملاهي مغنين=على الوتر والعود دانا لدانا

مر مغنين ومر مساجين =وظهورهم ميدان للخيزرانا

متخلفين ينقلون العناوين=وركن التعارف سجلوا له ديانا

ولو سمعوا لعذال يقول غادين=قالوا نموت ولانبيع اخدنانا

الفرق واضح لاتقولون متساوين=ومصادر التاريخ منها ارتوانا

اذا ازعلكم التاريخ نكون راضين=يصبح زعلكم شعبةٍ من رضانا

ومناخ عرجا كان عنه متغاضين=حنا لتاريخ القبايل قرانا

قبيلتين لحربنا مستعدين=وحنا ليا زلزل رعدهم رسانا

وطبان وصنيتان(2) شفقوا شرهين=وحنا قبل يبدون فينا بدانا

وبعد مناخٍ دام خمسة وعشرين=احدٍ سرى بالليل واحدٍ احترانا

واللي قعد سوى سوات ام ظرفين=ويقول لو إنا درانا سرانا

يقول خلونا بعرجا وحيدين=ياليت هاديهم كذلك هدانا

دون المعقل كافحوا مستميتين=لكن في هم بالمهند سطانا

وخفوا وهفوا وادبروا مستخيفين=وحنا لما تملك ايديهم حوانا

اللي حضر من حرب باتوا ذليلين=واللي ربض عن لابته وش علانا

اللي هرب واللي لجى مستجيرين=واللي جضعناهم وراحوا عشانا

واميرهم ينخى بتالي المقفين=ويقول رده لاتخلوا نسانا

وعقب ما شاف انه كسير الجناحين=ألقى السلاح وصار ضمن أمنعانا

وبيته جلسنا فيه بين الصلاتين=وعلى اشداده باليسار اتكانا

وكشف قمرهم وسجدوا مستغيثين=وطبوا من السلم وحنا رقانا

صارت عليكم مثل نكبة فلسطين=من نار(3) قال الحمدلله نجانا

وابن نحيت حجاب بين المثارين=ثارت عليه بمعتلجهن رحانا

ينخى بني سالم وهم عنه مقفين=وخاب الرجا فيهم وعود نخانا

وجسمه تشارك فيه شلفا ورمحين=وشلناه وسقان نحيت في دوانا

وحزّن على ربعه وربعه حزينين=عليه يوم انه ألتوى في ذرانا

والحرمليه كونها يالمساجين=منتم في هاك النهار اقبلانا

لكن قابلنا صعوط المجانين(4) =الضيغمي جمع علينا عدانا

رخم الجموع اللي تسوق الملايين=وانتم عدتوا فزعته ياحلفانا

نفذ على كل القبايل قوانين=وانتم خضعتوا له وحنا عصانا

هدر جمل شمر وقلتوا مطيعين=ويوم إن حنيتوا للامر ما انحنانا

لنا عزايم تفدح الخصم وتهين=طنا الطنايا مانقص من طانانا

حصل لنا صولات وايام وسنين=نسقيه بالسم الذحاح وسقانا

وكم راس شيخ طاح بين الفريقين=نحط من فوق اذبحاه اذبحانا

وأنكف عقب ماشاف في جلده البين=هو مأيسن منا وحنا اكتفانا

وممكن قضيتوا من بعض دينكم دين=وحنا عقب عدة ليالي اقتضانا

وعبدالعزيز اللي رفع راية الدين =اللي ليا خم النشيط يتوانا

اللي تخاضع له رقاب الفراعين=من هيبته كلٍ يريد الأمانا

بالسيف صارعناه وسط الميادين=وانتم تخامرتوا سوات السمنا

ماعمرنا نذعن لحكم السلاطين=ألا بيومٍ ينتصر به حدانا

انتم كما شغل الهنوف ام وجهين=اللي لها مع كل عاشق ضمانا

توعد ولا توفي بوعد المحبين =ودايم تشبرق للجديد وتدانا

ليا شفتوا الحاكم نهضتوا خفيفين=وقلتوا ترانا ياسندنا ترانا

اسمع كلام الضيغمي وافهمه زين=فالحربي اللي نار عنه ونصانا

منتم بذمه والحميري مخيفين =من حرب نار والتقوا من ورانا

ماجالهم من حرب فزاع ومعين=كلٍ يقول من الضياغم بلانا

وحنا حميناهم بحدب العرانين =وشالت حمولن ضاهدتم ايدانا

وعن مانقوله حرب سمعوا دارين=ميرٍ فيهم من يحب المشانا

وان كان غاوٍ البنيدر وابوعين =الشرق الاوسط معترف ماغوانا

اخبارنا قد هزت الهند والصين=ولا همنا الهيس العور لو هجانا

ولو كان فالاعلام ضمن المذيعين=الباع قاصر والطويل اللسانا

عن الدعاية يا الحميدي غنيين=افعالنا تشهد عليها اعدانا

وقولٍ نقوله ثابتٍ بالدواوين =وتاريخ نجد المعتمد مانسانا

ايام عرجا قد عطتنا نياشين=وفي ايام معتق يشهدون اعتقانا

العفو عند المقدره للكريمين=وحنا ليا منا قدرنا عفانا

وكان الحميدي جاء مطية شياطين=لو يشعبونه ما لحق منتهانا

وان كان له خمة رخومٍ ملبين=حنا عن انصار الحميدي ما درانا

هذا كلام يفّحم المستحقين =وعاداتنا نقطع لسان طّلبانا

1

المعــــاني :
(1) الحميدي بن حمد بن نفجان الحربي
(2) وطبان الدويش المطيري ، وصنيتان الفرم الحربي
(3) نار أي هرب
(4) صعوط المجانين يطلق ايضا على اخو هملا الشيخ هذال بن فهيد داهية عتيبه

مع خالص الشكر ومزيد من قصائد الشاعر الكبير كديميس بن صالح العصيمي

[ربعي عتيبه]

مشكور على الرد يالبرقاوي نت

[سلطان الكريزي]

تسلم ياالذيب والله يبض وجهك


وصح السان شاعرعتيبه ابوسلطان الله يطيل في عمره

[راعي الحيلا]

اخي/ ربعي عتيبه

بيض الله وجهك على نشر هذة القصائد القوية لشاعر كديميس


تقبل تحياتي........

[أبو فيصل]

بيض الله وجهك ياذيبان ياربعي عتيبة

عز الله انك ماقصرت

والف شكر لك على هالمجهود الرائع

لاهنت ياخوي

[دريد بن الصمة]

تسلمون يالغالين ..
ولله در كديميس ... وبمناسبة أخو هملا وورود اسمه وذكره ياليت من يدون لنا تاريخ هذا القائد الفذ ..
هذال بن فهيد ياله من بطل ...
تحياتي ..

[أبو مرحبا]

لاهنت
طال عمرك على القصايد الرائعه

[النووي]

الاخ ربعي عتيبه



تسلم يالغالي


وبيظ الله وجهك



تقبل تحياتي

[الحاير]

يعطيك العا فية ما قصرت ولكن أريد منك قصيدة اللي مطلعها
سر ياقلم واكتب كلام المحامين لا صارت الدعوة حمايا حمانا

[مرزوق حمدان العتيبي]

....
قصائد ينبهر منها القارئ
شاعر عملاق لديه مقدره شعريه غير عادي
صح لسان شاعر عتيبه ابو صالح..
وسلمت يداك ياربعي اعتيبه... على هذا النقل المميز...
اخوك.

[جزاء العتيبي]

اخي/ ربعي عتيبه


عزالله انك ماقصرت , بيض الله وجهك على نشر هذة القصائد القوية لشاعر كديميس , والردود التي حصلت بينة وبين بعض الشعراء...............



تقبل تحياتي........

[مدباس]

ربعي عتيبه











الله لايهينك على هالمجهوود الرائع





اتحفتنا بروائع هذا الشاااعر









تقبل تحياتي

[الفراهيدي]

لاهنت
تسلم يالغالي ولا عدمناك
وصح لسان الشاعر كديميس

[العنيد]

صح لسان الشاعركديميس شاعر القبيله ولاهنت ياخوي ربعي عتيبه والشاعر حفظه الله غني عن التعريف والمدح
وتسلم يالغالي ولا عدمناك على هالمشاركة الرئعة من نوعها

[ابو قلبً عطيب]

ربعي عتيبة


تشكر يالغالي على المجهود الذي بذلته لطرح قصائد شاعرنا الكبير/ كديميس العصيمي .... وياليت الأخوان القائمين من مشرفين واعضاء ان يثبتو قصائد شاعرنا كديميس العصيمي لانه هذا يستحق ان نخدمه ولو قليلاً لانه خدم بشعره قبيلة عتيبة ولاأحد ينسى هذا

[الشيباني1]

اشكر منتداى عتيبه الهيلاء على عرض قصيدة الشاعر الكبير كديميس بن صالح العصيمي العتيبي وهذه القصيدة هي عن الف الف الف الف الف الف الف الف الف الف الف الف الف قصيدة وسميتها اناء بالقصيدة الذهبيه الغاليه

اخوكــــــــــــــــــــــــم الشـــــــيبـــــــــــــانــــــــــــــــــــــي (1)

[العسكري]

بيض الله وجهك على هذا الموضوع الرائع

ملاحظه ـ أرجو التكرم علينا بقصايد الاخ العزيز

نجر العصيمي أبوحجرف
خصوصاً قصائده مع سعود الغريبه ((الكويتي)) ولك مني جزيل الشكر والعرفان

[الأمــير]

والنعم والله بالشاعر المعروف

[أبن مكرز]

مشهور ومعروف ويستحق الشهره والعرف

فلاتقول كديميس بن صالح العصيمي الى عرفه البعيد والقريب


فهو شاعر عتيبه ويستاهل ان يطلق عليه فكم فلج من قبيله

بشعره الذي يقف عنده المرء اعجاب وتامل

[خالد اوصاهب]

الله لا يهينك وماقصرت

واشكرك جزيل الشكر يالغالي بانيابه عن جميع اعضا المنتدى

وتقبل تحياتي.........

[العسيلي @]

يعطيك العافيه اخوي
وكديميس شاعر معروف
بس ياشباب في مشكله في تنسيق القصايد والكتابات الانجليزيه الي مالها اي معنا

[متعب العصيمي]

صح لسان الشاعركديميس شاعر القبيله ولاهنت ياخوي ربعي عتيبه والشاعر حفظه الله غني عن التعريف والمدح
وتسلم يالغالي ولا عدمناك على هالمشاركة الرئعة من نوعها

[أبن ريمان]

بسم الله الرحمن الرحيم

اخوي الغالي احيي فيك هذا النقل الرائع

وهذا الاسلوب المميز

حيث جعلة الموضوع شبه ديوان مصغر

ولكن اعتب على المشرفين والمراقبين

لعدم تثبيت هذا الموضوع

واتمنا ان اعرف ما سبب عدم التثبيت؟

اخوكم

ابن ريمان العصيمي

[عجاج الليل]

على الرغم من ان لقبه (شاعر القبيلة)

انا اضيف له لقب وهو مستغني عني لكني ابي اضيفه

كديميس بن صالح العصيمي (اسد الشعر) بدون منازع . لاحد يجيني يجب شاعر ثاني يقول اسد. لالالالالالالا (اسد الشعر) (كديميس بن صالح العصيمي) .

[الينوفي1]

نشكرك وماقصرت على هذا النقل لبعض شعر شاعرنا أبوصالح ونرجو المزيد من قصائد الشاعر الذي فضله سارت به الركبان على مستوى القبيلة فنعم الشاعر

[النبعاني]

لا هنت وبيض الله وجهك
وابو سلطان غني عن التعريف والله يطول عمره ويخليه انا ذخر
تحياتي،،،

[الجزل]

أخوي ربعي عتيبه مشكور على نقل قصايد الشاعر كديميس
و أتمنى تثبيت الموضوع
تقبل مودتي .

[مخاوي العتبان]

اخوي ربعي عتيبه

سلمت يداك يالغالي على هذه الروائع لشاعر عتيبه في النظم كديميس العصيمي

وموضوع اكثر من راااااااااااااااااائع


تحياتي

العضياني

[راعي المعاميل]

تسلم يالغالي على القصيده وصح لساان كديميس

[$الوافي$]

لا هنت اخوي






ربعي عتيبه

[ابن قرناس]

كديميس شاعر مافيه كلام


بس سقط سقوط مدوي عقب دخل بالفتنه

وشكرا لكم

[يوسف عبيد]

بيض الله وجهك وصح لسانك ولسان الشاعر الكبير/ كديميس

[بجاد علي]

كديميس بن صالح العصيمي ( شاعر علم / شاعر عتيبه الأول بدون منازع رضينا أم أبينا / يعني غصب على الراضي والزعلان ) يقول في احدى قصائده : يوم جينا فوق الهذيب = كنهن هملول صيف من سحاب

[بجاد علي]

يوم جينا فوق عجلات الهذيب = كنهن هملول صيف من سحاب

[هـلـيـل الـعـصـيـمـي]

صح لسان


ابــو ســلـــطــــان


مشكور ربعي عتيبه

[ابوبندرالشيباني]

اخوي ربعي عتيبه
الله يعطيك العافيه على طرح القصائد الرائعه
لشاعر الكبير كديميس العصيمي
والشكر موصول لكل من اضاف له قصائد
وتسلم يمناك يالغالي
ونطلب من الاداره تثبيت الموضوع
مع تحيات اخوكم ابوبندر الشيباني

[مندوب عتيبه]

الله يبيض وجهك وكثر الله من امثالك.

[علي عتيبي]

مشكور على هذه النبذه الرائعة عن شاعر من اعظم شعراء الوطن العربي واتمنى المزيد من شعره ولك الشكر

[عبدالعزيزالعصيمي]

مشكور اخوى على قصائد الشاعر كديميس العصيمي اللى قدمتها ويعطيك العافية

[نفيع العتيبي]

بيض الله وجهك يالذيب

[مايكبرني لقب]

بيض الله وجهك وصح السان الشعار


ولاهنت يا بعدي

[الغيث العتيبي]

كديميس شاعر قدير وإن كان له سلبيات فغاصت في بحر ايجابياته

[آل رداد]

مشكور على النقل الجزل
وصح لسان الشاعر الكبير كديميس العصيمي
اللذي دافع عن قبيلة عتيبة ضد اي شاعر من القبائل التي حاولت الانتقاص منها بشعرها
وهو شاعر دفاعي بارع له صولات وجولات تبيض وجهه
نشكره ونكن له الاحترام والتقدير

واتمنى تكريمه في مزاين عتيبة

[الرتوعي]

مشكور يا ابن العم مشكور

[ابن الأجـواد]

صح لسان قايلها وناقلها

بدون قصور في الشعراء يكفي كديميس قصيده المعروفه ومنها :

ندري ان ماقدامنا مزرعة تين ,,,, لكن على رؤوس الافاعي وطانا

اللي لو ماقال إلا هي تكفيه طول عمره وهذي ملحمة لازم كل عتيبي يحفظها .

[راع العوجا]

الشاغر كديميس مايحتاج وقصائده تتحدث عنه

[البعيـد النـايف]

ممكن سوال يا ربعي عتيبه ليش في اول صفحه من موضوعك طولت في كلمت الهجـــــــــــــــــــــــاء ليش ماخليتها نفس طول المدح والفخر والرثاء


اذا كان تقصد انه اشتهر بكذا ففعلاً انا اوافقك الراي ما فيه عتيبي ويمر عليه اسم كديميس العصيبمي إلا يتبادر لذهنه قصائد الهجاء لانه اشتهر بها


وإذا كان قصدك انه يبدع في الفن هذا فانا لا اوافقك لان له قصائد اخرى في الرثاء مثل القصيده اللي اوردتها وهي جزله

وارجوا منك التوضيح لانه يهمني شخصياً



مع تحياتي

[سعد بن مطلق المقاطي]

سر يالقلم ننقض كلام المحامين= لصارت الدعوه حمايا حمانا

نقض الحجج لابد له من براهين=ومعنا شهادة الوفا لدعانا

ومن مدنا بالصاع نجزاه صاعين=واللي ياعادينا عليه اعتدانا

كان الحميدي(1) وازملاه متصافين=على الحكي فيما ما تقدم حكانا

تلحقوا غارات ناسٍ قديمين=واخطوا وحنا من خطاهم خطانا

ودام الشريعه تاخذ العين بالعين=حنا ما تقضي الشريعه قضانا

حنا بميزان المعاني ثقيلين=وعلى مماشينا بعيدٍ مدانا

هيهات لو حولت عكس الموازين=قضا القضا فيما مضى وانتهانا

ياحرب لو حطيتم البيت نصفين=ماهوب موصلكم ليا مستوانا

انتم رجال بالمعارك غثيثين=لكن ما تلحق اخطاكم اخطانا

حنا عتيبه ملحقين المخلين=بعنا بسوق الطايلات وشرانا

قومٍ على صولات الايام ضارين=لو عضنا ناب الدهر ما قوانا

يهابنا الطماع لو قلبه اذهين=نبطش محلات الطمع لاغزانا

لنا سلوم غاليات المثامين=سلومنا محدن حملها سوانا

في سلم لوماء الوجه عام وشهرين=وابخيلنا مامون داخل حمانا

ثلاثماية يوم تزداد ستين =تنحا المنايا عنه هيبة لحانا

ومن حده الموت الحمر والديايين=تخير الحصن الحصين ونصانا

وبالحين نملى فارغات الموازين=جيب الصحون ومكرمات الصيانا

للضيف والجيران والمستحقين=إليا من وهاب العطايا عطانا

ابيوتنا للضيف مثل البساتين=يفرح به الملهوف ليلة ضوانا

نجود بالماجود بالعسر واللين=وضحك الحجاج وما حلا من نبانا

حنا على حفظ المواجيب حرّصين=مانعطي الطرقي قراطيع مانا

والجار له واجب وحنا وفيين=ندعيه للكرمه ولو ما دعانا

جيرانا دايم حشام وعزيزيين=وندرا شرفهم عن كلام اسفهانا

حنا بوجه الجار دايم جديدين=يزيد مع زايده اثنينه وفانا

وان جاء نهار المعمعه واللغا الشين=نبيع غلا الروح دون اقصرانا

وان راح نشدق قفاه بسكاكين =نحمي مجاله عقب عنه انتحانا

وخوينا لو هو من اللي معادين=يأمن بنا في كل درب مشانا

ليا عودة عشر اكثر الناس ثنتين=وصاروا بغرات الخوي عقربانا

ولصرنا مع الخوي بدرب متخاوين=نرعى الحقوق ولانخون خويانا

وحنا منازلنا ورا حضن ويمين=هاذيك ديرتنا فيها نشانا

وجينا نبا المرباع عند القحاطين=يوم الزمان بحد سيفه حدانا

وقالوا لنا ما تاسع الدار شيخين=ونجد العذيه تحت فيت عصانا

وتشاوروا طلقين الآريا الحكيمين=احدٍ ومر بالحرب واحدٍ نهانا

واحتار من يختار بين الأمرّين=اما الدهر ولا سيوف اقبلانا

وتقرر المحدار بالخط والقين=نمراً فأولها يرفرف لوانا

وندري ما قدامنا مزرعة تين=لكن على روس الافاعي وطانا

زحنا قبايل نجد عن نجد قسمين=وجينا بمثنات البلاد وبنانا

ابيوتنا كالقور بين الحديثين=وعلى السنام من البلاد استوانا

وأعداينا ما هم عنا براضين =لكن هابونا جميع احددانا

لشبت الهيجا بصوت المثارين=صديق عينك مايجي في نحانا

وليا ركبنا فوق مثل الشياهين=تكره صناديد القبايل لقانا

عاداتنا نخلي سروج المسنين=وأول موردت السهوم اومرانا

ليا اقبلوا من الخيل قدم المغيرين=وليا اقبلوا صاروا حماه لقفانا

حمّاية الساقات فالمقلين =باموالهم يرفون فقر فقرانا

وليا جاء الامر بين القبيلة حليين=حلوا مشاكلنا وحازوا رضانا

وان جاء الامر دولي زحول وميامين=عند الدول فالمعضلات اسفرانا

ومن كان ذا شانه يشيل الثقيلين=لو مات حي في قلوب حربانا

لو مات قالوا حرب ذا فيه روحين=يمكن قحص من وسط قبره وجانا

وبعض أُمراكم فالملاهي مغنين=على الوتر والعود دانا لدانا

مر مغنين ومر مساجين =وظهورهم ميدان للخيزرانا

متخلفين ينقلون العناوين=وركن التعارف سجلوا له ديانا

ولو سمعوا لعذال يقول غادين=قالوا نموت ولانبيع اخدنانا

الفرق واضح لاتقولون متساوين=ومصادر التاريخ منها ارتوانا

اذا ازعلكم التاريخ نكون راضين=يصبح زعلكم شعبةٍ من رضانا

ومناخ عرجا كان عنه متغاضين=حنا لتاريخ القبايل قرانا

قبيلتين لحربنا مستعدين=وحنا ليا زلزل رعدهم رسانا

وطبان وصنيتان(2) شفقوا شرهين=وحنا قبل يبدون فينا بدانا

وبعد مناخٍ دام خمسة وعشرين=احدٍ سرى بالليل واحدٍ احترانا

واللي قعد سوى سوات ام ظرفين=ويقول لو إنا درانا سرانا

يقول خلونا بعرجا وحيدين=ياليت هاديهم كذلك هدانا

دون المعقل كافحوا مستميتين=لكن في هم بالمهند سطانا

وخفوا وهفوا وادبروا مستخيفين=وحنا لما تملك ايديهم حوانا

اللي حضر من حرب باتوا ذليلين=واللي ربض عن لابته وش علانا

اللي هرب واللي لجى مستجيرين=واللي جضعناهم وراحوا عشانا

واميرهم ينخى بتالي المقفين=ويقول رده لاتخلوا نسانا

وعقب ما شاف انه كسير الجناحين=ألقى السلاح وصار ضمن أمنعانا

وبيته جلسنا فيه بين الصلاتين=وعلى اشداده باليسار اتكانا

وكشف قمرهم وسجدوا مستغيثين=وطبوا من السلم وحنا رقانا

صارت عليكم مثل نكبة فلسطين=من نار(3) قال الحمدلله نجانا

وابن نحيت حجاب بين المثارين=ثارت عليه بمعتلجهن رحانا

ينخى بني سالم وهم عنه مقفين=وخاب الرجا فيهم وعود نخانا

وجسمه تشارك فيه شلفا ورمحين=وشلناه وسقان نحيت في دوانا

وحزّن على ربعه وربعه حزينين=عليه يوم انه ألتوى في ذرانا

والحرمليه كونها يالمساجين=منتم في هاك النهار اقبلانا

لكن قابلنا صعوط المجانين(4) =الضيغمي جمع علينا عدانا

رخم الجموع اللي تسوق الملايين=وانتم عدتوا فزعته ياحلفانا

نفذ على كل القبايل قوانين=وانتم خضعتوا له وحنا عصانا

هدر جمل شمر وقلتوا مطيعين=ويوم إن حنيتوا للامر ما انحنانا

لنا عزايم تفدح الخصم وتهين=طنا الطنايا مانقص من طانانا

حصل لنا صولات وايام وسنين=نسقيه بالسم الذحاح وسقانا

وكم راس شيخ طاح بين الفريقين=نحط من فوق اذبحاه اذبحانا

وأنكف عقب ماشاف في جلده البين=هو مأيسن منا وحنا اكتفانا

وممكن قضيتوا من بعض دينكم دين=وحنا عقب عدة ليالي اقتضانا

وعبدالعزيز اللي رفع راية الدين =اللي ليا خم النشيط يتوانا

اللي تخاضع له رقاب الفراعين=من هيبته كلٍ يريد الأمانا

بالسيف صارعناه وسط الميادين=وانتم تخامرتوا سوات السمنا

ماعمرنا نذعن لحكم السلاطين=ألا بيومٍ ينتصر به حدانا

انتم كما شغل الهنوف ام وجهين=اللي لها مع كل عاشق ضمانا

توعد ولا توفي بوعد المحبين =ودايم تشبرق للجديد وتدانا

ليا شفتوا الحاكم نهضتوا خفيفين=وقلتوا ترانا ياسندنا ترانا

اسمع كلام الضيغمي وافهمه زين=فالحربي اللي نار عنه ونصانا

منتم بذمه والحميري مخيفين =من حرب نار والتقوا من ورانا

ماجالهم من حرب فزاع ومعين=كلٍ يقول من الضياغم بلانا

وحنا حميناهم بحدب العرانين =وشالت حمولن ضاهدتم ايدانا

وعن مانقوله حرب سمعوا دارين=ميرٍ فيهم من يحب المشانا

وان كان غاوٍ البنيدر وابوعين =الشرق الاوسط معترف ماغوانا

اخبارنا قد هزت الهند والصين=ولا همنا الهيس العور لو هجانا

ولو كان فالاعلام ضمن المذيعين=الباع قاصر والطويل اللسانا

عن الدعاية يا الحميدي غنيين=افعالنا تشهد عليها اعدانا

وقولٍ نقوله ثابتٍ بالدواوين =وتاريخ نجد المعتمد مانسانا

ايام عرجا قد عطتنا نياشين=وفي ايام معتق يشهدون اعتقانا

العفو عند المقدره للكريمين=وحنا ليا منا قدرنا عفانا

وكان الحميدي جاء مطية شياطين=لو يشعبونه ما لحق منتهانا

وان كان له خمة رخومٍ ملبين=حنا عن انصار الحميدي ما درانا

هذا كلام يفّحم المستحقين =وعاداتنا نقطع لسان طّلبانا

[محب الهيلا]

مشكور على ماقدمت

[البعيـد النـايف]

لا هنت على الأبيات يا المقاطي وصح لسان قايلها


تقبل مروري

[عبدالرحمن الهيلوم]

لا هنت على الأبيات يا المقاطي وصح لسان قايلها


تقبل مروري

---------------------------------------------------------------------
لازلت يانايف !!!!!!!! تدور حولك الشكوك !!
صح السان اكديميس ( شاعر هل العوجا ) واقسم برب السماء
لواقابله لحب راس خشمه ابن عاصم اقطم المحزم فديته وفديت اعتيبه كلهم . البعد

[سعد بن مطلق المقاطي]

---------------------------------------------------------------------
لازلت يانايف !!!!!!!! تدور حولك الشكوك !!
صح السان اكديميس ( شاعر هل العوجا ) واقسم برب السماء
لواقابله لحب راس خشمه ابن عاصم اقطم المحزم فديته وفديت اعتيبه كلهم . البعد القصيده نسقتها لعجابي بها ولالي نيه ثانيه
وحسن الظن يالهيلوم 1383 وهذي قصيدة المحدار ماحد يجهلها ولكن شفت الكتابه غير واضحه وجددت الكتابه والنايف قال صح لسان قايله
يعني وارده الراعيها فى لماذا الشكوك
وصح لسان كديميس وبيض الله وجه وكل قبيله فيها حقها من ارجالها والطيب ماهوب ملكن لحد ونعم بالاد عاصم ونعم باعتيبه كلها
وكديميس دافع عن القبيله بالقصايد ولاحد ينكر موقفه ولايغط النور رجلآ فيه غير
لك تحيتي