اكرام نفسك هواها

[السيحاني]

اكرام نفســك هـواهـا
تعال لاتستحي من شرهة احبابك"=" ادري (ن) لي شرهة (ن) منت بقادرها
تعال ماودي ازعل منك باسبابك"=" دنيا (ن) لوانك تكابرها اتصاغرها
ان جيت؟ فنجال عذرك يسبق عتابك "=" لعيونك اطول الدعوا واقصرها
هذا خفوق يهيجن وايتقهوابك "=" من دلة (ن) كن بيدينك تبهرها
وهذا قصيد (ن) تحرا نبرة اعجابك "=" هذي عيون (ن) مكانك فى محاجرها
ان جيت ماحولك الا خلبة اصحابك "="هذي وجيه الهموم اللي انت خابرها
وان رحت؟ بيدين خلاقك هو ادرابك "=" الناس ماهي حرار فى ضمايرها
اخير من صحبتك هذي تجنابك "=" عمرتها مير ماربي بعامرها
لاتحسبني علي فرقاك ابشقابك"=" ماعاد به حاجة (ن) عندي وابخسرها
ليا عشقتك؟ عشقتك ما تلهابك "=" وليا نويت القطاعه جيت بااخرها
ماني بعاشقك عشق(ن) كنه اخضابك"=" ليا انتهت نقشة الحنا تغيرها
الله ولي النوايا والله اولابك"=" اكرام نفسك هواها وانت دبرها

وســـلامــتكم

[طلال الثعلي]

السيحاني


الله الله

روعه روعه


صح لسانك مليون

تحياتي...

[الراااااسي]

صح لسااااانك يالسحياني


رااااااااااائعة


وصح لساااااااانك مليونين >>> غاير


وتــقــبــ تحياتي ــلــــوا

[وصل العطياني؟؟؟]

السيحاني ...

صح لسانك مليار....
جزل , جزل , جزل ...
بيض الله وجهك...
نرجوا ألآ تحرمنا من إبداعاتك...




تحياااااتي.

[السيحاني]

الاخ
طلال الثعلي
صح بدنك وانت دايما تخجلنى بكلامك الاروع من ما اكتبه
واشكرك على متابعتك المستمره
تقبل تحياتى
=============================
الاخ
الراااااسي
صح بدنك اكثر مما قلت
وبعدين تعال ليه غاير:)
اشكرك على مرورك
تقبل تحياتى
===========================
الاخ
وصل العطياني؟؟؟
صح بدنك دبل لى قلته بصراحه وبدون اى مجامله انت وطلال الثعلي
الذى يحرجوني بعذوووبه كلامكم الذى يدفعنى بان اقدم الكثير والكثير
واتمنى ان اقدم ما يرضي الجميـــع
تقبل تحياتى واحترامى

[ابو وعيل]

صح لسانك يا السيحاني يامبدع

ولاهنت ....

نتظر جديدك ،،،،،،،

[السيحاني]

الاخ
ابو وعيل
صح بدنك... اشكرك على مرورك والابداع لا يكتمل لا بمرورك ومرو الاخوه الذى اعتز بهم كثيرامثالكم ..واشكرك على المتابعه
والسموحه على ردودى الذى تاخرت فيها سابقا.
تقبل تحياتى

[فيلسوف الصحراء]

صح لساااااانك

بيض الله وجهك.... قصيدة رائعه

[السيحاني]

الاخ
فيلسوف الصحراء

صح بدنك

وشكرا للمتابعه يا فيلسووف

تقبل تحياتى