البنت قولولها

[علي الثبيتي]

يامعجب الطائره بين السماء والسحاب= شوف السماء فوقها والسحب من دونها
البنت قولولها لا عاد تلبس حجاب= دام العرب كلهم حبو يشوفونها

[ابو لمار]

يامعجب الطائره بين السماء والسحاب= شوف السماء فوقها والسحب من دونها
البنت قولولها لا عاد تلبس حجاب= دام العرب كلهم حبو يشوفونها


الله الله الله
صح لسانك يابو فهد


طاروق طائر مع السحب


وصح لسان مشرفنا العزيز معجب مقدما





وااااصلواااااااااا متاااابع عن قرب

[علي الثبيتي]

يالله حيه
وصح بدنك ياجار

ومتابعتك شرف للجميع
ويسعدنا تواجدك

[معجب العتيبي]

مدامها ياوسيع العرف فوق الضباب=يصعب على الناس يابن الناس يلقونها
الشرع بيّن لنا درب الخطا والصواب=وناسٍ تلد العيون نكحل عيونها

[علي الثبيتي]

الله الله
استلم

الراس شايب وانا ياخوك توي شباب= والروح مالومها لو باح مكنونها
اليا مشينى على السنه ونهج الكتاب= جابولنا عولمتهم مايريدونها

[معجب العتيبي]

ابو لمار هلا وغلا


نورت المحاوره

[معجب العتيبي]

ان كان مكسبك فالدنيا طعام وشراب=ان كبرت السالفه ماقلت ياهونها
ريش الغرانيق لو تخلط بريش الغراب=للأوله لونها ولثانيه لونها

[ناصر المرشدي]

الله الله الله



النشمي وابو سلطان


اجباري اقرأ البيت اكثر من مره

واتابع حتي اخر حرف من اخر بيت



واصلوا صحت السنتكم

[ناصر المرشدي]

ان كان مكسبك فالدنيا طعام وشراب=ان كبرت السالفه ماقلت ياهونها
ريش الغرانيق لو تخلط بريش الغراب=للأوله لونها ولثانيه لونها




لله درك يابو سلطان




بيت شاعر عملاق

[معجب العتيبي]

ناصر المرشدي


هلا وغلا نورت المحاوره وساحتها


وين الغياب يارااااااااااااجل

[علي الثبيتي]

طيب طيب
جاك البيت

الي يبون الفضيحه جعلهم للذهاب= هذولي الناس قلي وش تسمونها
والله ما من وراهم غير شين وخراب= وعلاهم اللعنه اللي يستحقونها

[معجب العتيبي]

اللي يحب السوالف في ظهور الغياب=يولع الجمره الحمرا بغليونها
تبين سود القلوب اللي عليها الثياب=لو حاولوا بالثياب البيض يخفونها

[فواز السعيدي]

طيب طيب



على القوة يالربع



متابع



لاهنتو

[علي الثبيتي]

انا عطيتك سوال ولا لقيت الجواب= يالي تعذبت مع ليلى ومجنونها
خل البساط احمدي وشعب مع اهل الركاب= وعط العرب حسب مذهبها وقانونها

[معجب العتيبي]

ياللي تعاتب ترا ماهيب حزة عتاب=امانةٍ تحتويها كف مامونها
اعز نفسي كرامه ياعزيز الجناب=واهل الخساسه تعيش الوقت بغبونها

[معجب العتيبي]

السعيدي فواز


هلا وغلا


شكرا على الاطراء والحظور

[علي الثبيتي]

انته من اللي يحلون الامور الصعاب= مار السفينه بلاها في دركسونها

البنت جابولها لبساَ قصير ونقاب= ماباقي الا ملابسها يشيلونها

[علي الثبيتي]

مشرفنا العزيز وشاعرنا الكبير معجب
الليل سرى وباكر صلاة الجمعه
وتصبح على خير
ونشكر الاخوان المتابعين
اخوكم
ابوفهد

[الذيب الثبيتي]

الله الله

محاورة من العيار الثقيل

لاهنتووووا ....

[معجب العتيبي]

حاسب ضميرك قبل يوم البعث والحساب=والناس بالمخطيه لاعاد ترمونها
غض البصر واحتسب بالمغفره والثواب=والا احتم البنت لاكدت لك قرونها

[معجب العتيبي]

مشرفنا العزيز وشاعرنا الكبير معجب
الليل سرى وباكر صلاة الجمعه
وتصبح على خير
ونشكر الاخوان المتابعين
اخوكم
ابوفهد


استاذي النشمي

صح لسانك يامبدع


اسعدني اللعب معك والاستفاده منك

والصلاة

[معجب العتيبي]

الذيب الثبيتي


شكرا لك

[معجب العتيبي]

النشمي

يامعجب الطائره بين السماء والسحاب= شوف السماء فوقها والسحب من دونها
البنت قولولها لا عاد تلبس حجاب= دام العرب كلهم حبو يشوفونها


معجب العتيبي

مدامها ياوسيع العرف فوق الضباب=يصعب على الناس يابن الناس يلقونها
الشرع بيّن لنا درب الخطا والصواب=وناسٍ تلد العيون نكحل عيونها


النشمي

الراس شايب وانا ياخوك توي شباب= والروح مالومها لو باح مكنونها
اليا مشينى على السنه ونهج الكتاب= جابولنا عولمتهم مايريدونها


معجب العتيبي

ان كان مكسبك فالدنيا طعام وشراب=ان كبرت السالفه ماقلت ياهونها
ريش الغرانيق لو تخلط بريش الغراب=للأوله لونها ولثانيه لونها


النشمي

الي يبون الفضيحه جعلهم للذهاب= هذولي الناس قلي وش تسمونها
والله ما من وراهم غير شين وخراب= وعلاهم اللعنه اللي يستحقونها


معجب العتيبي

اللي يحب السوالف في ظهور الغياب=يولع الجمره الحمرا بغليونها
تبين سود القلوب اللي عليها الثياب=لو حاولوا بالثياب البيض يخفونها


النشمي

انا عطيتك سوال ولا لقيت الجواب= يالي تعذبت مع ليلى ومجنونها
خل البساط احمدي وشعب مع اهل الركاب= وعط العرب حسب مذهبها وقانونها


معجب العتيبي

ياللي تعاتب ترا ماهيب حزة عتاب=امانةٍ تحتويها كف مامونها
اعز نفسي كرامه ياعزيز الجناب=واهل الخساسه تعيش الوقت بغبونها


النشمي

انته من اللي يحلون الامور الصعاب= مار السفينه بلاها في دركسونها

البنت جابولها لبساَ قصير ونقاب= ماباقي الا ملابسها يشيلونها



معجب العتيبي

حاسب ضميرك قبل يوم البعث والحساب=والناس بالمخطيه لاعاد ترمونها
غض البصر واحتسب بالمغفره والثواب=والا احتم البنت لاكدت لك قرونها

[سعود العصيمي]

النشمي

يامعجب الطائره بين السماء والسحاب
شوف السماء فوقها والسحب من دونها
البنت قولولها لا عاد تلبـس حجـاب
دام العـرب كلهـم حبـو يشوفونهـا



معجب

مدامها ياوسيع العرف فوق الضبـاب
يصعب على الناس يابن الناس يلقونها
الشرع بيّن لنا درب الخطا والصـواب
وناسٍ تلـد العيـون نكحـل عيونهـا







معجب
ريش الغرانيق لو تخلط بريش الغراب
للأولـه لونهـا ولثانـيـه لونـهـا


النشمي
والله ما من وراهم غير شين وخراب
وعلاهم اللعنـه اللـي يستحقونهـا



النشمي
انته من اللي يحلون الامور الصعاب
مار السفينه بلاها فـي دركسونهـا





معجب

حاسب ضميرك قبل يوم البعث والحساب
والنـاس بالمخطيـه لاعـاد ترمونهـا





ياسلام على البداااع الرائع


صحت السنتكم وبيض الله وجيهكم ياعتيبه


محاورة قمه في معناها والفتل والنقض كذالك.

[محمد العتيبي]

ماشاء الله
ابيات تروي العطشان ..

صح لسانكم ياعمالقه ..

تحيتي

[معجب العتيبي]

سعود العصيمي


هلا وغلا


مرورك هو العذب والروعه الحقيقيه في تواجدك


شكرا لك

[معجب العتيبي]

محمد العتيبي

سقاك الله من حوض نبيه(صلى الله عليه وسلم) حتى تروا


شكرا لمرورك الكريم

[مرزوق حمدان العتيبي]

..

ابو فهد ...


.. ابو سلطان ..

..
فعلا ً طاروق فاخر ... وبالجزاله وقوة المعاني زاخر ....
.. مبدعين ولا غرابه ....

[رعد الروقي]

ياسلام علاكم





صحت السنتكم

[معجب العتيبي]

مرزوق الابداع والتميز


شكرا لمرورك واطراءك


وصح بدنك


العــــــــــــــــــــــــــــــــــــــــــــمده


شكرا لمرورك

[السميــــــري]

[size=4]بصراحة ..
محراف ...كايف .. يابو سلطان ويالنشمي ..
مبدعين .....!!]



أخوكم[/size

[معجب العتيبي]

السميري


بصراحه مرورك مميز


شكرا لك

[قادح شرار]

طاروووق حلوووووووو.

صحت ألسنتكم يا عتابه .

محاورة قمة في الجمال .

وياليتني أصيد المعنى حول من وحول أيش .


تقبلوا مروري .

[معجب العتيبي]

قادح شرار


صح بدنك

وشكرا على الكلام الحلو بس فيه كلمه غيرناها هههههههه