نايف ابن حديد
13-Aug-2008, 07:36 AM
قصيدة من الجديد موجهه( للوضح ) اتمنى ان تعجبكم
ذبي سهاف الجرد يانقوة القود=لاتلفت انظارك حساس الشواوي
لوقام يزعج لك حنيظل وابا الدود=تقول من تاسع لعاشر بداوي
شيخان زود المال وسهود ومهود=ويش انت معهم يابخيت العطاوي
تعلقت فيهم وراعت بلاقود=واقفت عن اللي يخلفون الهقاوي
يالوضح وخشومك عرانينها سود=وقلوبك صخيفه وقلبي هواوي
بيني وبينك عالمٍ ماله حدود=ومواقفٍ صارت حلوم وحجاوي
يدري بها اللي يعرف النقص والزود=ويجهل بها الهلباج كلب القهاوي
لاتلحقيني يام الاولاف منقود=اونس بكبدي مثل نار الفراوي
ملهود لو ماني من الوقت ملهود=انا بما جاني به الله غناوي
لاشك اشوف الوقت جاحد ومجحود=تبدلت فيه السيّر والدعاوي
يوم ان حظك بين حاوي ومردود=واهل الظفر دونك تعط العزاوي
اليا تنادوا بالمحازم هل الذود=والماص غادٍ له حفيف وتعاوي
اهلك هاك الوقت ماحصلوا فود=ثومن عدمها والوجود متساوي
والله يلولا الدين ثم حكم آلسعود=مايضوي بمرحانهم منك ضاوي
ذبي سهاف الجرد يانقوة القود=لاتلفت انظارك حساس الشواوي
لوقام يزعج لك حنيظل وابا الدود=تقول من تاسع لعاشر بداوي
شيخان زود المال وسهود ومهود=ويش انت معهم يابخيت العطاوي
تعلقت فيهم وراعت بلاقود=واقفت عن اللي يخلفون الهقاوي
يالوضح وخشومك عرانينها سود=وقلوبك صخيفه وقلبي هواوي
بيني وبينك عالمٍ ماله حدود=ومواقفٍ صارت حلوم وحجاوي
يدري بها اللي يعرف النقص والزود=ويجهل بها الهلباج كلب القهاوي
لاتلحقيني يام الاولاف منقود=اونس بكبدي مثل نار الفراوي
ملهود لو ماني من الوقت ملهود=انا بما جاني به الله غناوي
لاشك اشوف الوقت جاحد ومجحود=تبدلت فيه السيّر والدعاوي
يوم ان حظك بين حاوي ومردود=واهل الظفر دونك تعط العزاوي
اليا تنادوا بالمحازم هل الذود=والماص غادٍ له حفيف وتعاوي
اهلك هاك الوقت ماحصلوا فود=ثومن عدمها والوجود متساوي
والله يلولا الدين ثم حكم آلسعود=مايضوي بمرحانهم منك ضاوي