((الرشيدي)) هلا ورحب

[معجب العتيبي]

مرحبا بالرشيدي يوم مر وتعنّا=جيته عندنا تسوا ثلاثين جيّه
شاعر ويفهم الاشعار من كل فنّا=كان وده ندردش يعتبرني خويه

[نواف العازمي]

الله الله
صح لسانك يابو سلطان
وبيض الله وجهك
وصح لسان الرشيدي مقدما

[فهد النفيعي]

صح لسانك يامعجب

قواك الله

[بندر المرشدي]

الله ...الله




صح لسااااااانك يابو سلطان


وفي انتظار الرشيدي

[الرشيدي]

البقا فيك ياصوتٍ على اللحن غنا=لحن مايتصل بالعود والسمسمية
اعتبرني خويك وانتبه لاتثنا=الفشق في حزامي والرسن في يديه

[معجب العتيبي]

قبل شهرين مكتوبك وصل في وطنا=كل من شاف حرفه قال وش هالبليه
التثني ماهوب النا.. وخطاكم تثنا=طبعا العفو يارجال والمقدريه

[الرشيدي]

استلم كل مايصلك مكتوب منا=وانتبه للحروف البينة والخفية

التثني ماهوب الكم ولاهوب لنا=لكن المعركة تنسى بها المرحمية

[معجب العتيبي]

ذيب العوازم



بندر المرشدي


فهد النفيعي



هلا وغلا وصحة السنتكم

[معجب العتيبي]

استلمنا وكلٍ شاف يااابو مهنا=والعرب تدري انا مانحب الخطيه
الكلام ان بدابه صدق لااا ماشحنا=لكن الظلم يارجال ظلم البريه

[علي الثبيتي]

الله الله
صح لسانك يامعجب

وصح لسانك يالرشيدي

[الرشيدي]

يدخل الشك بقليب الضعيف المعنا=كل ماأوحى مذمة قال هذي عليه

يوم صدام في روحه وربعه تجنا=يحسب إنه يبا يحتل نجد العذية

[الرشيدي]

ذيب العوازم



بندر المرشدي


فهد النفيعي


النشمي


هلا وغلا وصحة السنتكم

[سهم الليل]

صح لسانك يامعجب ويا الرشيدي

[معجب العتيبي]

حملتن فوق ظهرك شيلها ياجملنا=مالها عندنا يا صاحبي قابليه
اخذوا العلم منا ردوا العلم عنا=عن حما الفقر ترفعنا النفوس الغنيه

[الرشيدي]

يامهنا تحاول تدرك اللي تمنا=والعواصيف ماهزت طوارف طمية

الله اللي وهبنا العز من يوم كنا=ماخضعنا لغير الله وسنة نبيه

[معجب العتيبي]

يالرشيدي لأمانينا وصلنا وطلنا=وانت ماجبت لا هذي ولا جبت ذيه
ماحدٍ شاف ساس بيوتك اللي تبنا=وصمة العار في وجهك من الجاهليه

[الشــاهد]

يالرشيدي لأمانينا وصلنا وطلنا=وانت ماجبت لا هذي ولا جبت ذيه
ماحدٍ شاف ساس بيوتك اللي تبنا=وصمة العار في وجهك من الجاهليه





معجب الله عليك 000000انا بصفك ولايهون الرشيدي

[معجب العتيبي]

جندي راعي لضيا



صح بدنك


والصف يفخر بوجودك

[الرشيدي]

أنت معجب واعدك من عجايب زمنا=كم يوديك درب الأمنية للمنية

ردها في صحنك وكفها عن صحنا=قبل أخليك تنقلها صباح وعشية

[سهم الليل]

الليل يامعجب تفكا ياولد عمي



الصف حي ونا معهم

[الرشيدي]

وين رحت يامعجب

[معجب العتيبي]

العجب يوم احدك للطريق وتونا=انت ماتدري ان الحق مافيه زيه..؟
انت دورتها مابين نابٍ وسنا=خلها يالرشيدي وانتبه للوصيه

[معجب العتيبي]

والله كأني لمحت اسمك غير موجود بين الاسامي واحسبك طلعت

[الرشيدي]

حدر اللقمة أم السم جعلك تهنا=يمكن الله يجعلها شفا الباطنية

أنته اللي دنيت الها وحظك تدنا=لا تسب الرجال وعلتك داخلية

[معجب العتيبي]

دام رمحي رميته في قفاك وتطنا=لازم يبين في نيتك وتصير نيه
مانسب الرجال ولانشوه عملنا=لكن نعلم الغاوي ليا بان غيه

[معجب العتيبي]

الله الله
صح لسانك يامعجب

وصح لسانك يالرشيدي



صح بدنك

اقول وراها الصفحه منوره

[الرشيدي]

صح لسانك يامعجب ولا هنت

[معجب العتيبي]

الرشيدي

شاعر يستحق ان يطلب ليلعب معه

ويسعد من قام هو بطلبه


شكرا لك ععلى شاعريتك

وشكرا على رحابة صدر


وشكرا على اتاحة الفرصه لأخيك

وصح لسانك


وسبحانك اللهم وبحمدك اشهد ان لا اله الا انت استغفرك واتوب اليك

[الرشيدي]

ماعليك زود يامعجب

وسبحانك اللهم وبحمدك اشهد ان لا اله الا انت استغفرك واتوب اليك

[معجب العتيبي]

معجب العتيبي

مرحبا بالرشيدي يوم مر وتعنّا=جيته عندنا تسوا ثلاثين جيّه
شاعر ويفهم الاشعار من كل فنّا=كان وده ندردش يعتبرني خويه


الرشيدي

البقا فيك ياصوتٍ على اللحن غنا=لحن مايتصل بالعود والسمسمية
اعتبرني خويك وانتبه لاتثنا=الفشق في حزامي والرسن في يديه


معجب العتيبي

قبل شهرين مكتوبك وصل في وطنا=كل من شاف حرفه قال وش هالبليه
التثني ماهوب النا.. وخطاكم تثنا=طبعا العفو يارجال والمقدريه



الرشيدي

استلم كل مايصلك مكتوب منا=وانتبه للحروف البينة والخفية

التثني ماهوب الكم ولاهوب لنا=لكن المعركة تنسى بها المرحمية


معجب العتيبي

استلمنا وكلٍ شاف يااابو مهنا=والعرب تدري انا مانحب الخطيه
الكلام ان بدابه صدق لااا ماشحنا=لكن الظلم يارجال ظلم البريه


الرشيدي

يدخل الشك بقليب الضعيف المعنا=كل ماأوحى مذمة قال هذي عليه

يوم صدام في روحه وربعه تجنا=يحسب إنه يبا يحتل نجد العذية



معجب العتيبي

حملتن فوق ظهرك شيلها ياجملنا=مالها عندنا يا صاحبي قابليه
اخذوا العلم منا ردوا العلم عنا=عن حما الفقر ترفعنا النفوس الغنيه


الرشيدي

يامهنا تحاول تدرك اللي تمنا=والعواصيف ماهزت طوارف طمية

الله اللي وهبنا العز من يوم كنا=ماخضعنا لغير الله وسنة نبيه



معجب العتيبي

يالرشيدي لأمانينا وصلنا وطلنا=وانت ماجبت لا هذي ولا جبت ذيه
ماحدٍ شاف ساس بيوتك اللي تبنا=وصمة العار في وجهك من الجاهليه


الرشيدي

أنت معجب واعدك من عجايب زمنا=كم يوديك درب الأمنية للمنية

ردها في صحنك وكفها عن صحنا=قبل أخليك تنقلها صباح وعشية


معجب العتيبي

العجب يوم احدك للطريق وتونا=انت ماتدري ان الحق مافيه زيه..؟
انت دورتها مابين نابٍ وسنا=خلها يالرشيدي وانتبه للوصيه



الرشيدي

حدر اللقمة أم السم جعلك تهنا=يمكن الله يجعلها شفا الباطنية

أنته اللي دنيت الها وحظك تدنا=لا تسب الرجال وعلتك داخلية


معجب العتيبي

دام رمحي رميته في قفاك وتطنا=لازم يبين في نيتك وتصير نيه
مانسب الرجال ولانشوه عملنا=لكن نعلم الغاوي ليا بان غيه

[الصقر العبدلي]

صح السانك


يالرشيدي....


وصح السانك يامعجب



قمة الفتل والنقض

لاهنتوووووووووووووا