بندر المرشدي << نبا نضحك علاه

[أبو نجر النفيعي]

..


يا ساحة الشّعار وين المرشدي بضحك علاه = في ساعةٍ وحده نبا ناخذ ونعطي مع بعض !!
السر من تحت الثرا والنجم ثابت في سماه =و يوم المطمّه دقّرت له ليته اليوم اتّعض !!

[محمد النخيش]

ياعجايب ياعجيب الله الله يابو مفلح


يوم المطمّه دقّرت له ليته اليـوم اتّعـض !! خخخخخخخخخخخخخخخخخخخخخخخخخ


من يناحيك يابو نجر





ابداع ابداع غير مستغرب من شرواك





في انتظر ابو سلطان


اكيد هالمحاوره غيييييييييييييييير

[أبو نجر النفيعي]

..

هلا ومرحبا يابو مناسيب ..

ومشكور على هالكلام الرائع .. والاهم وجووووووودك

لاهنت يالغالي

:)

أخوك

[طارق النفيعي]

هههههههههههههههههههه


أرفف أرفق يبو نجر ههههههههه

عفاك الله وصح لسانك ..

[أبو نجر النفيعي]

..

اررررحب ياطارق ..

وصح بدنك يالغالي .. وشاكرك على المتابعه

:)

أخوك

[النخيــــــش]

الله الله يابو مفلح


وصح السانك



في انتظار المرشدي


ويعطيك العافيه

[بندر المرشدي]

..


يا ساحة الشّعار وين المرشدي بضحك علاه = في ساعةٍ وحده نبا ناخذ ونعطي مع بعض !!
السر من تحت الثرا والنجم ثابت في سماه =و يوم المطمّه دقّرت له ليته اليوم اتّعض !!












الله...الله



إذا تواجدت يابو نجر نكمل الطاروق بإذن الله

[مرزوق حمدان العتيبي]

...
.
المرعب ابو نجر
..
والبرنس ابو سلطان ..
..
وفي انتظار دربي عالمي :) >>>> الله يذكرك بالخير يارمضان المنتشري .

[حمد بن جوباح]

.
..

يا سلام يابو نجر

صح لسانك طال عمرك

وصح لسان الغالي بندر المرشدي مقدما ًَ

بإنتظار طاروق حماسي

:)

.
.
.















تحياتي لكمـ ،،

[بندر المرشدي]

ابو نجر دامك موجود ... أقرب نكمل الطاروق




آخر سنين الذيب صار يخاف له من ظل شاه=ما به غرابة لو طلع للشاة نابيناً تعض
المرشدي هرجه معك ماهوب رافع مستواه=لانك سوات الحصني اللي كلما ردد جعض

[محمد النخيش]

الله الله يابو سلطان متابع بشغف هههههههههههههههههههه

[بندر المرشدي]

مرحبا بالأخوان اللي شرفونا في هذه الصفحة


رمضان منتشري .... آها عرفته يابو محمد


ابو مناسيب شكر خاص على المتابعة

[طارق النفيعي]

الليل يا ولد الليل

[عيد العازمي]

صراع المشرفين هههههه


كبار في كل شئ


ابو نجر && ابو سلطان التحدي


صحت السنتكم يامبدعين

[أبو نجر النفيعي]

طيب طيب



يا زين زولك يا بنيدر وانت مشقوق العباه = الذيب حدّك للقصا لاهاب منك ولا ربض !!
الظاهر أن المرشدي بيلد لي وألعن ثواه = مدري غبا والا ذكاء والا جهل والا مرض !!

[أبو نجر النفيعي]

..

جميع من سجل مشاركته على هذه المحاوره ..

انتم الحافز الاول والاخير لاتمامها .. وصحة ابدنتكم .. والله لا يهينكم ..

:)

أخوك

[معجب العتيبي]

الله الله

عليكم يابو نجر ويابندر


مبدعين دائما بس لو تكون محاوراتكم لو لمره واحد مباشره


صحة السنتكم


فعلا تستحقون المتابعه

[أبو نجر النفيعي]

..

معجب العتيبي ..

حياك الله يالغالي .. وصح بدنك .. وحضورك حافز مشجع لي ولاخوي الكبير ابو سلطان ..

وضروف الوقت هي اللي ما اجمعتنا في محاوره مباشره ..

والله لا يهينك يالغالي ..

:)

أخوك

[محمد النخيش]

يا زين زولك يا بنيدر وانت مشقوق العبـاه
الذيب حدّك للقصا لاهاب منك ولا ربـض !!

خخخخخخخخخخخخخخخخخ الله يرجك يابو مفلح



واصلو ياذيابه

[أبو نجر النفيعي]

..

أو مناسيب :)

لاهنت على المتابعه المتواصله ..


:)

أخوك