أبو وافي العتيبي..أقرب جاي..

[احمد الزايدي]

سلام يا شاعر قدمي مهيله=راع طــواريــق جــزلات جــدادي


الآآدمي مادرى وش هو حصيله=والهادي الله والهمنا الرشادي

[أبو وافي العتيبي]

يامرحبا شاعرٍ راعي جزيله = سيفٍ مجرب من سيوفٍ حدادي
اللآآدمي ماش شئ(ن) يستويله = لكن جهاد ولله الجهادي

[احمد الزايدي]

دام البقا وانت رجال دليله=فارس وراكب عل ظهر الجوادي


والأ آدمي غره أخيال يخيله=وحيات الأنسان جدا واجتهادي

[أبو وافي العتيبي]

لو تقبس النار في خشم الفتيله = تأكل رجول العرب ويا الأيادي
كان المطر مايجي راس المسيله = ماأسقى بلادك ولا يسقي بلادي