ليلة عن ألف ليله ... !! <<< السميري

[أبو نجر النفيعي]

:)

السلام عليكم ..




يالسميري لي علاك ملاحظه فآتلا زمانك = ليلٍ تشيل الحمل والليل الآخر ما تشيله !!
مير طعني لا تخلّي لازمك وانت بمكانك = وكل وادي يابيض الشارب نعرفه من مسيله !!

[عبدالله هادي ناشي الفليت.]

ول ول ول ول ول
شاااااعر النفعه القااااااادم

ماشاءالله عليــــــــك

وانا بصفـــــك يالسنايدي من غيرررررر قصور في السماري

[مرجح الميزان]

أبك أبك أبك



أبو نجر النفاعي وليله عن ألف ليله :) :rolleyes:




صح لسانك يابو نجر وصح لسان المبدع السميري مقدما




متابع عن كثب




أأ

[طارق النفيعي]

يا كبيييييييييييييير يبو نجر النفاعي ..

سلمت وصح لسانك ..

وليلة عن ألف ليلة ..

في أنتظار السميري

أخوك / طارق النفيعي

[السميــــــري]

وعليكم السلام ..
وتوي شفت بدعتك يالمرعب ..


ودي أقول للك حاجه لا تورّط من لسانك = ثم تعرف ويش معنا ( ليلةٍ عن ألف ليله )
مانكب اللازمه ..ياصاحبي وسعّ بطانك = والسماري يعطي الصاعين .. والكايل يكيله !

[السميــــــري]

الفليت ..
مرجح الميزان ..
طارق ..

حيا الله كلٍ باسمه ..

أنتم نكهة المحاورة .. شكرا لحضوركم ..

[أبو نجر النفيعي]

طيب طيب





لو تقول اللي تقوله مبْردت حَرَّت كيانك = والمثل زد قال .. عدّ الماء ما تغطاه النثيله !!
انت رجّالٍ وزاني يوم انا جالس وزانك = يالسماري ليش ما تعنا على بيت الجليله !!

[معجب العتيبي]

الله الله

ابو نجر مبدع

صح لسانك

وصح لسان السميري

[عبدالله الجـــذع]

الله عليكم ياعمالقتنا

طاروق جميل جدا

لاهنت

ننتظر اتمام المحاوره

محبكم
.,

[محمد النخيش]

الله الله ياعجايب ياعجيب احرق يابو مفلح



صح لساااااااااااااااانك ملايين



السميري علاك بالرجال ههههههههههههه وصح لسااااااااااانك ملايين



على العموم واصلو يامبدعين >>> ملزق راسه فالشاشه يتابع:eek:

[السميــــــري]

طيب طيب





لو تقول اللي تقوله مبْردت حَرَّت كيانك = والمثل زد قال .. عدّ الماء ما تغطاه النثيله !!
انت رجّالٍ وزاني يوم انا جالس وزانك = يالسماري ليش ما تعنا على بيت الجليله !!



يالنفاعي دام هذي هرجتك جب لي ضمانك = ويش يدور حجته رجال ما يملك دليله
لو تخون بهرجتك ..صاحبك يدري عن خيانك = ما أنا عندي دواها كان لك نفسٍ عليله

[حمد بن جوباح]

.
..

يا سلام يا سلام

طاروق يجمع ابو نجر والسميري !!

أكيـد غيـر :)

صحت ألسنتكم يا النشاما

و

متابع بين الصفوف

.
.
.


















تحياتي لكمـ ،،

[أبو نجر النفيعي]

الله الله

دوك .



لو تذاكر يالسماري منت مجتاز امتحانك =أبك انا ارد الرسايل وانّت ردّاتك قليله !!
عاود ألمركزك وسط ادغيبجه واركب حصانك = قبل أشب النار يا رجّال في خشم الفتيله !!

[أبو نجر النفيعي]

..

جميع من مروا على هالمحاوره ..
^
^

عبدالله الفليت .. مرجح الميزان .. طارق النفيعي ..معجب العتيبي .. عبدالله الجذع .. ابو مناسيب .. حمد بن جوباح ..

..

صحة ابدانكم جميع ,, وتشجيعكم يزيد من حماسنا ويرفع من معنوياتنا ..

والله لا يهينكم ..

:)

أخوكم

[السميــــــري]

:)


وأنت ماتضمن بعد .. عشرتك ترجع في ثمانك = مار وش رايك برجلٍ شال جمره في شليله ؟!
ياطويل العمر خلك دوب نفسك دوب شانك = مايشب النار فوق النار بيّاع البليله !!

[مرقاب]

ابونجر النفيعي & السميري


شعار اكبار ... والكبير الله

صحت السنتكم وامتعتونا





تقبلوا مروري