$$شاركـ بابيات شعرية عن الــقــهــوة$$ ::موضوع متجدد::

[/عبد العزيز الجذع/]

السلام عليكم ورحمة الله وبركاته

هنا فكره بسيطه ولانستغني من حضوركم ومشاركتم معنا لنجمع أشهر ماقيل في القهوه من أشعار وذلك لما لها من أهميه بالغه جداً عند العرب قديماً وحديثاً ولنكن سبّاقين في هذا الصرح الى تكوين مايشبه الموسوعه في قصائد القهوه التي تعد من عيون الشعر الشعبي مشاركتكم وتفاعلكم يكفل لنا النجاح بإذن الله .






في إنتظار مشاركاتكم .

حفظكم الله

[/عبد العزيز الجذع/]

وأبداء بهذه القصيده المشهوره في القهوه للشاعر المرحوم بإذن الله / محمد القاضي .







يامـن لقلـبٍ كـل ماالتـمّ الاشفـاق=من عام الاول به دواكيـك وخفـوق
يجاهد جنودٍ في سواهيـج الاطـراق=و يكشف له أسرارٍ كتمها بصنـدوق
إلى عنّ له تذكار الأحبـاب واشتـاق=باله وطف بخاطـره طـاري الشـوق
قربت له مـن غايـة البـن مـالاق=بالكف ناقيها عـن العـذف منسـوق
إحمس ثلاث ٍ يانديمـي علـى سـاق=ريحه على جمر الغضا يفضح السوق
حذراك و النيـة وبالـك والإحـراق=واصحى تصير بحمسة البن مطفـوق
الى اصفرّ لونه ثم بشّـت بالاعـراق=وصارت كما الياقوت يطرب له الموق
وعطّت بريـح ٍفاضـح ٍفاخـر ٍفـاق=لا عنبر ٍ ريحـه بالانفـاس منشـوق
دقـه بنجـر ٍ يسمعـه كـل مشتـاق=راع الهوى يطـرب ليـادق بخفـوق
واحشه بدلـة مولـع ٍ كنهـا سـاق=بلـورة ٍ منصوبـة ٍ تقـل غرنـوق
خلّه تفوح وراعـي الكيـف يشتـاق=الى طفح له جوهرٍِ صـح لـه لـوق
أصغراقمـوره كالزمـرد بالأشـعـاق=وكبارها الطافح كمـا صافـي المـوق
زلّه على وضحا بها خمسـة ارنـاق=هيل ٍ و مسمار ٍ بالأسبـاب مسحـوق
مع زعفرانٍ والشمطري الى انسـاق=ريحه مع العنبرعلى الطـاق مطبـوق
إلـى اجتمـع هـذا وهـذا بتيفـاق=فصبه كفيت العوق عن كـل مخلـوق
بفنجال صين ٍ صافي عنـه الارمـاق=تغضي وكرسيـه غـدان ٍ لمعشـوق
الى صب فابصر جوهره تقل شبـراق=رنق ٍ تصور بالحمامة علـى الطـوق
شكل غَرَا الفنجال صبغـه كمـا راق=دمّ الغزال الى امّـزع منـه معلـوق
خمر ٍ الـى منـه تساقـى بالاريـاق=وعليه من ماء صافي الورد مذلـوق
راعيه كنـه شـارب ٍ ريـق تريـاق=كاس الطرب واسرور من ذاق له ذوق
يحتاج من خمرالسكـارى الـى فـاق=طفل ٍ يشف شفاه والعنـق مفهـوق
عبث ٍ يعيل ابحُبـة ٍ منـه مـا مـاق=وهو يباهـي باهـي البـدر بشعـوق
في وجنتيه الى غنـج بـارق ٍ حـاق=عجل ٍ رفيفه بالطها الغـرق بطبـوق
سحر ٍكتب مـن حبرعينيـه بـاوراق=خديه صادين ٍ و نونيـن مـن فـوق
كن العرق بخدودهـا حـصّ ارنـاق=نثر على صفحـات بلـورة الشـوق
إلى تبسـم شـع و أشـرق بالآفـاق=نور ٍ يفوق البـدر سحـار منطـوق
والعنق كن المسك والـورس بـراق=ما مشخص ٍ في صدره الشاخ مدفوق
يمشي برفق ٍ خايف ٍ مدمـج السـاق=يفصم حجول ٍ هزه الثقل مـن فـوق
الى صفت لك ساعة ٍ و أنت مشتـاق=فاقطف زهر مالاق و العمـر ملحـوق
فالى حضر ماقلت عنـدي فـالارزاق=بيـدي كريـم ٍ كافـل كـل مخلـوق
والله لو يمشـي شقـاق ٍ بالأسـواق=من الملاء مايمسط الخمـس مخلـوق
هذا و صلوا عـد مـا نـاض بـراق=أو ماشكى الفر قا شفيـق ٍ لمشفـوق
على النبي مـا زج زاج ٍ بـا لأوراق=و آله و صحبه عد ماسيق مسيـوق

[ضاامي وفااا]

لاهنت يالذيب .. ويعطيك العافيه

[/عبد العزيز الجذع/]

اله يعافيك...بس وين مشاركتكـ..


.................................................. ..........................................



يقول أحدهم :




ياريـف قلبـي للمساييـر قـم شـب=وحط المناره فـي طويـل الضلالـي
عقب تشق لها لجزل الحطـب جـب=وهات النجر وأحضر جـداد الدلالـي
ثلاثن الهـن راعـي الكيـف يطـرب=وسوطهـن ضمـر والآخـر جلالـي
وبطونهن ماخذن اسبوعن عن الـرب=وجنوبهـن صفـرً تــلالا تـلالـي
والرابعـه ملقامـةٍ لونهـا أصـهـب=حيـث إنهـا للنـار دايـم تصـالـي
ولاجبت كل شروطهـا اللـي تطلـب=إجلـس عليهـن يازعيـم العيـالـي
وإحمـس لنـا بريـة ٍحبهـا أشهـب=وبهارهـا هنـدي ومـاهـا زلالــي
وإعـرف تـرى قانونهـا مايخـرب=وندارهـا ينقـى ومـاهـا يكـالـي
تـراه مايصلـح لهـا كـل مـذهـب=ولاتقبـل الراضـه ولا الاعتجـالـي
وليا حمست إحرص على حمسة الحب=واعرف ترى الحمسه تبي وسع بالـي
تاخذ على ادنى الجمـر فتـره تقلـب=لين العـرق يطلـع سـوات اللوالـي
ومن يوم يطلـع فالمبـرد لهـا كـب=ليـن النـدار ان كـان فيهـا يشالـي
وليـا خـذت مقـدار للنجـر قـرب=ودنه بصـوتٍ يسمعـه كـل غالـي
دنـه وخـلـه للمسايـيـر يـجـذب=لاقـام صوتـه للنشـامـى يـلالـي
يوحونـه الجيـران لاقــم يقـنـب=ويجيك الاقصى والقصيـر الموالـي
وعقـب تـدق البـن لقـم وركــب=ليـن انهـا تسمـح مـن الاجتوالـي
وقبـل تبهرهـا عـن النـار تجـذب=وتركد شويه ليـن يصفـى الحثالـي
وبرويد في أحـدى المباهيـر تسكـب=من عقب غـال الهيـل فيهـا يهالـي
واعـرف ليـا بهرتـهـا يالمشـبـب=تـراه يكفيهـا مـن النـار صـالـي
ثم اجذهـا مـن يـوم بالهيـل تقلـب=ومن يـوم تركـد صبهـا للرجالـي
حتى يجـي الفنجـال منهـا لياصـب=بيـن الشقـار وبيـن لـون الشعالـي
يطرب لها من كـان للكيـف يشـرب=كيف النشامى اللي من العيـب خالـي
واعـرف تراهـا عـادةٍ ماتسـيـب=ولاينتقدهـا إلا قصـيـر الحبـالـي
احرص تخلـي عـادة الجـد والاب=ما هم عليـه اول عليـه انـت تالـي
تـراك مـن كـل المناسـب معـرب=مابيـن جـدان وعـمـام وخـوالـي
وابيـك عـن منهاجهـم مـا تجنـب=ان كـان فكـنـك بـنـات الليـالـي

[السبيــــعي]

الله عليك يابوعزة

فكرة جميلة ورائعه

ولي عوده مع الابيات

ابهدها عليك كالسيل هههه

عجبني الموضوع

[السبيــــعي]

يقول خلف بن دعيجا

يا شارب الكيف الحمر سو فنجال ..... ترا المراجل ساسها نية الخير
فنجال خطو الغشمري يشرح البال ..... وقت الضحى لا قربت حومة الطير
صبه على شيالة الحمل لو مال ..... زمل الصخاني ما تهاب المخاسير

[فيصل المسعودي]

مووضع جميل يالغالي

تشكر عليه

وهذي المشاركة

قصيدة للشيخ مشاري بن ربيعان:


ماني بهلبـاجٍ علـى النـوم نعّـاس=همـه طعامـه ليـن كرشـه ملاهـا
أدرّج الدنيـا بالأفـعـال وقـيـاس=نسعد عيون وعيـن نسحـن دواهـا
لي ضاق صدري جبت نجرٍ ومحماس=ودلال بيـضٍ غـالـيٍ مشتـراهـا
قم سو فنجالٍ على خمسـة أجنـاس=إحذر تجـي حرقـة وبالـك نياهـا
خلك لها من كل عـذروب حسـاس=قيّس لها الطبخـة علـى قـد ماهـا
حتى يجي فنجالها يجـل الاعمـاس=عقب الصلف والسهر مكبـر غلاهـا
خصص مشاكيلٍ على النار جـلاس=حبوس الرجال اللـي بعيـد مداهـا
بـدّوا بـه اللـي للمعاديـن نطّـاس=مودع سمـان الهجـن يثلـع حفاهـا
والثاني اللي يثني العصـب بالـراس=في ربعةٍ يشبـع بهـا مـن نصاهـا
والثالث اللي يحتمـي دن الأفـراس=لي روحـت خيـلٍ بخيـلٍ حماهـا
وباقي الملا لـو ماتقهويـه لابـاس=هـذارة المجلـس قلـيـلٍ حـلاهـا
لانافـعٍ ربعـة ولا حـاش نومـاس=ضبّـاط مـال، ولايـذري ذراهــا

[السبيــــعي]

البن كيفه عنـد مـن يشترونـه=الطيب اللي جابها مـن بلدهـا
يا حامسين البـن لا تحرقونـه=داروا على الحمسه يعدي صمدها
حتى يجيك محمـر تقـل لونـه=بزة جرادة طالعة مـن جسدهـا
عده على اللي لابتـه يدهلونـه=له ربعة من قام منهـا حمدهـا
وأثنه على اللي بينات أطعونـه=الخيل يركبها الوعر مع سندهـا
وصبه على اللي لابته يتبعونـه=مع دربه الخلفاء تضيـع ولدهـا
وعده عن اللي واقف وسط شونه=ليا باع شاته حافظلـك عددهـا
وسط الجماعة طايرات عيونـه=في كل يومن يحتسب في وعدها

[/عبد العزيز الجذع/]

السبيعي , فيصل المسعودي.

الف شكر يالغالين على المشاركة الرائعة.





يقو محمد الاحمد السديري (رحمه الله)



يا بجاد شب النار وادن الدلالـي=وأحمس لنا يا بجاد ما يقعد الراس
ودقه بنجر يـا ظريـف العيالـي=يجذب لنا ربع على اكوار جـلاس
وزله الى منه رقـد كـل سالـي=وخله يفوح وقنن الهيـل بقيـاس
وصبه ومده يـا كريـم السبالـي=يبعد همومي يوم اشمه بالانفـاس
فنجال يغدي مـا تصـور ببالـي=روابع تضرب به أخماس وأسداس

[/عبد العزيز الجذع/]

@

يقول دغيم الظلماوي


يا كليب شب النار يا كليب شبة =عليك شبة والحطب لك يجابي
وعلي انا يا كليب هيلة وحبة =وعليك تقليط الدلال العذابي
وادغث لها يا كليب من جزل حبة =وشبة ليامن غفى كل هابي
باغ ليا شبيتها ثم قبة =تجذب لنا ربع سرات غيابي
بنسرية يا كليب صلف مهبة = لانسنست لياكن به سم دابي
سراة بليل وناطحين مهبة =متنكفين وسوقهم بالعقابي
خطو الولد لوله زبون وجبة = ياتي عليهم من حساب الزهابي
لاباطن الهلباج خطو الجلبة =يا حلو خبط عصيهم بالركابي
اطمر لهم وابدي سلام ومحبة =لاجو على هجن يديهن خرابي
بسلام احلى من شخاليل جبة =واحلى من السمن الجديد العرابي
مع كبش مصلاح لك الله نجبة = لا دبر الهين كبير العلابي
الوالمة يا كليب عجل بصبة = والرزق عند اللي ينشي السحابي

@@

[ابو براك]

مشكور ياأخوي عبدالعزيز على الموضوع الرائع


وهذي مشاركتي :


قم يا المقهوي دن نجـر ومحمـاس
واحمس لنا من حب صنعـا نماهـا
وصب لمرور على الخيـل مدبـاس
تقفي عنه صـم الرمـك لانصاهـا
من فوق ما تاخذ على الخيل مرواس
لا جدعت خبيثات الانفـس حذاهـا
واثنه لمن حوله على الزبن جـلاس
اهل السمـوت اللـي بعيـد مداهـا
ابن عبيكه هرجته مـا بهـا بـاس
تطرب لها كرام اللحى مـن حلاهـا
طول الجدار وقصرت الرجل نوماس
لا صار مـا للرجـل داع دعاهـا
تصير بعيون الرفاقه معـك بـاس
لا صـار تدعـي مــن عنـاهـا
يصير به قالات ويصيـر لـولاس
ونوب مـن الادنيـن ياتـي بلاهـا
قلبك يصد ويضرب القلب عومـاس
والنفس تقدح عقـب زايـد غلاهـا
خلك على بابك تقل لـون حـراس
لا جـوا عليهـا محتريـن عشاهـا
لا جن من الخل الشمالي لها اضراس
والكل تشكي رجلهـا مـن حفاهـا
نرحب لهم من قبل تجـدع الالبـاس
نقلط لهم تمـر الحـلا مـن نماهـا
ونذبح لهم كبس مربـع الاطعـاس
نقلطـه مـن قبـل يقـرب مساهـا
هذي سلوم جدودنا قبـل مـن راس
واللي بعدنـا كـان ربـي هداهـا




للشاعر :: مبارك بن عبيكه الرمالي الشمري

[ابو براك]

وهذي قصيده أخرى :


امل الوجار وخـل البـاب مفتـوح
خوف المسير يستحي مـا ينـادي
نبغي الى جاء نازح الدار مفتـوح
وشاف البيوت مصككه جاك بـادي
يقلط لديوان به الصـدر مشـروح
ورزقه على رازق ضعاف الجرادي
يا نمر ما في صكه الباب مصلوح
ولا هيب فينا يـا مضنـه فـوادي
تصلح مخلوق يبي يستـر الـروح
ناشي عليهـا معتمدهـا اعتمـادي
يا نمر لو المرجله سـدو مسـدوح
كـل نقزهـا حـر والا بــرادي
لكنها من دونهـا المـر مطـروح
وارض تبي من بذر فعلك سمـادي
رجال تقصره مع الناس مسمـوح
لحيث ماله فـي القديمـه شـدادي
ورجال تقصره مع الناس مفضوح
وكل يقول النـار تخـرج رمـادي

للشاعر .. محمد بن شلاح المطيري

[ابو براك]

وأخيراً القصيده المشهوره للشاعر الفارس راكان بن حثلين العجمي


التي قال فيها :




يا محلا الفنجـال مـع سيحـه البـال
في مجلـس مـا فيـه نفـس ثقيلـه
هـذ ولـد عـم وهـذ ولـد خــال
وهـذا رفيـق مـا نــدور بديـلـه
ياليـت رجــال يـبـدل بـرجـال
و ياليت في بـدلا الرجاجيـل حيلـه
يا بو هلا طير الهـولا خبّـث البـال
طبعـه خبيـث والحبـاري قليـلـه
يا الله يا للي طالبـه مـا بعـد قـال
يا اللي من الضيقـات ينجـي دخيلـه
افرج لمـن قلبـه غـدا فيـه ولـوال
والنـوم مـا جـا عينـه الا قليـلـه
لامن ذطرت رموس عصر لنـا زال
شوف الفيـاض وفقـد عـز القبيلـه
يـا زيـن شدتهـم اذا روح الـمـال
يتلـون بــراق تــلالا مخيـلـه
يتلون بـراق سمـر يشعـل اشعـال
تلقا التريبـي فايـض عقـب سيلـه
يسقي خصيفا والثمان ارضهـا سـال
مرتـع معطـره السيـوف الصقيلـه
من جـو ساقـان الا السيـف همـال
وينـوش حسنـا والرديفـه هميـلـه
فإن قادنـا مـن يمـه القفـر خيـال
يصبح شـدش البـدو عجـل رحيلـه
قاد السلف واستجنبـوا كـل مشـوال
وبالقصر يـا محـلا تخبـط مزيلـه
فإن شرف البادي على روش الاقـذال
والمال كثر الـزوال مخمـي جفيلـه
تلامحت مـا بينهـم شهـب الاذيـال
ومن ضيـع المفتـاح واعزتـي لـه
وكبوا علـى طوعاتهـم كـل عيـال
كـل ابلـج يحـري بكـب الثقيـلـه
تغـازو بفـراغ ذربيـن الافـعـال
من قبل سبـق غارتـه تنشنـي لـه
يبغون طوعه روسهم حيـن الارمـال
تغـزو والخـلـق كثـيـر هجيـلـه
إن جا الحكي من دون عطرات الاجهال
مـرو ولحقـو مقحمـيـن الذبيـلـه
واللـي نثنـوا كلهـم تلبـس الشـال
ومـن صنـع دواد لبـوس ثقيـلـه
لـزم عليهـم علـه عقـب الانهـال
ومـن غارتـه لـزم يضيـع دليلـه
والدم من قحص المـك يثمـل اثمـال
يزعج علـى اوراك السبايـا وشيلـه
من وقع كل مقرنس قـد لـه افعـال
وفـروخ صـادن الحبـاري فضيلـه


وسلامتكم

[وافي الخماش]

مشكور يا عبدالعزيز على الموضوع الرائع ..

\

\


هاذي ابيات للشاعر / بدر الخالدي


مجلس من دون كيف العرب كيف أروقه =لو معازيبـه عيـال القايـد السلطانـي
أح يـا وجـداه يالمحموسـة المدقوقـة = تو جيبت من وراء حد اليمـن بقطانـي
مضمدت راس العروبي ليا اوجعته فلوقه= ريحها من قبل صبتها هوى الضرمانـي
و ان شرب فنجالها ضرم فتـح غالوقـه= وقام كنه مـن سرايـا هتلـر الالمانـي
للعرب تنسب و ترمز للكـرم وطروقـه = قدرها قبل الشحم و العـود للضيفانـي
و كل بيت بلا قهوة ناقص فـي ذوقـه = كنه اللي صـك بيبانـه بوجـه العانـي

[/عبد العزيز الجذع/]

ابو براكـ , وافي الخماش.

الف شكر يالغالين على المشاركة الجميلة.

..................


يقول الشيخ راكان بن حثلين:



يا محلا الفنجال مع سيحة البال = في مجلس مافية نفس ثقيلة

هذا ولد عم(ن) وهذا ولد خال= وهذا رفيق ماندور مثيلة

[السبيــــعي]

الشاعر محمد القحطاني يوصي ابنه ....


يابو محمد شب واقضب مكاني=في غيبتي قهو الرجال المشاكيل
وفل الحجاج لكل من جاك عاني=وابدا التحيه قبل سوق الفناجيل

[السبيــــعي]

احمس ثلاث يانديمي علـى سـاق
ريحه على جمر الغضى يفضح السوق
وياك والنيـه وبالـك والأحـراق
واصحى تصير بحمسة البن مطفوق
الى اصفر لونه ثم بشت بالأعـراق
صفرا كما الياقوت يطرب لها الموق
وعطت بريح فاخر فاضـح فـاق
ريحه كما العنبر بالأنفاس منشـوق
دقه بنجر يسمعـه كـل مشتـاق
راع الهوى يطرب لي دق بخفـوق

[عبدالله هادي ناشي الفليت.]

مشالله موضوع رااااائع



ومدام كل الاعضاء حطو كل القصااايد القهوه ماندري وش بقى...!!


فاقلت بحط قصيده لأحد اجدادي..

وهي من روائع جدي طلق بن مبارك ابو زعبه الفليت


قال الفليت اللي طروقه تعاجيب =والنجر يعجبني بصوته ليـادن
وأفرح ليا صكو عليه الشواريب =وأقول للحماس لاتحـرق البـن
و لاوا شواهاتي تعشاهن الذيب =ثنتين من فرقي نقـاوة وأكلهـن
تكفون يا سموا الرماة المعاطيب= تقعدوا لذيـب ثـم أنصروهـن
تقـعدولـه مـع طـــوال المراقـيـب= وإلا مع الارواع يـوم يتلاقـن
وإلا ليال القيض فوق المـغــاريب= والجف تـراه يلاقـى علاهـن
ولا يشب النار كود المــشاهيـــب= والساف والجلة تارهن يطفـن



وسلامتــــكم...

[مساوط نجد]

ياسلطان قم شب النار شبها***********وحط دلتن شقراء وبهرها

ولياخرم العود صب من الدله لافنجالها*****وخل الدله للفنجال حاديه

[سلـطـان]

يقول الشاعر المبدع : بندر المحيا

عن الراس يا مشعل ما يطرد عماس الراس ... سوى شرب خولانيه بهرت بالهيل

حمسها الفطين الي عيونه على المحماس ... وعبق ريحها يرد المناكيف تال الليل


بيوت جزله من شاعر جزل

تحياتي لكـم

[/عبد العزيز الجذع/]

كل الشكر لجميع من شارك في هذا الموضوع.

والله يعطيكم العافية.

....................


قم سو فنجال على خمسة اجناس=احذر تجي حرقه وبالـك نياهـا
خلك لها عن كل عذروب حساس=قيس لها الطبخه على قـد ماهـا
حتى يجي فنجالها يجلي الاعماس=عقب الصلف والسهر مكبر غلاها

مشاري بن ربيعان

[عبدالمجيد النفيعي]

مشكور يالجذع ع الفكره الطيّبه

وفيه بيتين في القهوه مشهوره لخلف بن هذال


سوولي الكيف وارهولي من الدله=البن الأشقر يداوي الراس فنجاله=
كيفٍ لنا نحرقه بالنار ونزله=ولياإنقطع لو ورى صنعا عنيناله

http://toraath.jeeran.com/old015.JPG

[محمد النفيعي511]

يامسوي الفنجال عجّـل بسوقـه
خصّ الشيوخ وبدّ ناسٍ على ناس
خصّ الشجاع اللي تخلى طروقه
فكّاك ربعه يوم الارياق يبّـاس