خالد الحربي... تفضل

[بندر المرشدي]

من ضمير الشاعر اللي يعشق الجزل ويقوله=مرحبا بالحربي اللي جرته ياطا علاها

خالد أقرب ودي آخذ معك فالميدان جولة=بندقك في ساحة الميدان ما نعرف مداها

[المجهولـ]

في خلل في الوزن في البيت الثاني















ههههههههههههههه

امزح معك صح الله لسانك

وبيض الله وجهك

تقبل مروري

[عبدالرحمن الهيلوم]

صح الله لسانك

وبيض الله وجهك

تقبل مروري

[عيد العازمي]

ابوسلطان المرشدي


صح لسانك مدد بلاعدد


سوف نرى طاروق ابداعي بالفطره هنا


خالد الحربي صح لسانك مقدماً

[بندر المرشدي]

الجهول





شكرا على المرور

[بندر المرشدي]

عبدالرحمن الهيلوم


الله يبيض وجهك انت


وصح بدنك

[بندر المرشدي]

ابو طلال مرحبا ومسهلا



الابداع وجودك



والرجال كان موجود وطلع الظاهر ماشاف الطلب

[ناصر الجلاه]

..

بندر المرشدي

..


سلااام يابوسلطان

خالد أقرب ودي آخذ معك فالميـدان جولـة
بندقك في ساحة الميدان ما نعـرف مداهـا


صح لسانك وننتظر الحربي ليكمــل الطارووق

واصلووووا متابع :)

..

[خــالد الحربي]

هلا ومرحبــــــــا ..

استلــــــــــم لا هنت ..


البقا بك من ضمير (ن) يعشق الصعب ويطوله = واكثر العربان تدري جرتي تمشي وراها
ابتدى ليلي وليلك وابتدت جولة وصولة = بندقي تاصل هدفها مير لا تقرب سماها]

[معجب العتيبي]

الله الله


بندر التحدي


صح لسانك مبدع كايف



خالد الحربي


صح لسانك


متابع

[خــالد الحربي]

أشكـــر الجميـــع علــى المــرور



وبيــض اللـــه وجيهكـــــم



تقبـــــــــلوا تحيـــــــــاتـــــــي

[بندر المرشدي]

كلمتك هاذي تدينك معك للسارق عمولة=والحرامية نقصّ اثارها .. نلعن ثواها

الولد لو بس فكر... في خروجه من دخوله=كان يدرك كلمتي لا قلتها ويش مغزاها!!

[خــالد الحربي]

[

كم واحد يالعتيبي يعجبه عرضــه وطـولـه=ثـم تطغيه اللعينة لين ياقع في هــواها

الحريب ألي يشب النار و يقرقع طبوله= يظهـر أنه ما يميز وجـه بقعا من قفاها

[بندر المرشدي]

استلم ولا تطول في الرد






انت تسبر قمة الضلع الذي ترجي وصولة=مار رجلك ترتعد ما انته موصلها مداها

المراجل يالحريبي ماتجي لك بالسهولة=والليالي لا تغرك.. تحسبه دايم رخاها

[خــالد الحربي]

هيه ياراع الذلول اللي على الدار معقوله = سرَها قدام ذيب الضلع لا يوحي رغاها



لو تبي كاس البطوله ماحصل كاس البطوله = لا تكحل عينك العورا تسبب في عماها

[مرزوق حمدان العتيبي]

..
.

انت تسبر قمة الضلع الذي ترجي وصولة
مار رجلك ترتعد ما انته موصلها مداهـا

الله الله ابداع غير مستغرب يابو سلطان .... وصح لسانك ...
...
لو تبي كاس البطوله ماحصل كاس البطوله
لا تكحل عينك العورا تسبب فـي عماهـا
الله الله
..
مبدع ياخالد والله يحييك بين اخوانك ..
..

[بندر المرشدي]

الولد مع السرعة يسحب في رجوله=والعلوم اللي نبيها ما يوصل مستواها
كلاً شيء نرغبه يالحربي بوقته ننوله=وانت مثل اللي يدور حاجةٍ له ما لقاها

[بندر المرشدي]

ابو محمد



شكرا لك على المرور والتشريف بيض الله وجهكــ

[خــالد الحربي]

قبل لا ترقى سنود الضلع فكر في نزوله = واعرف ان اللي كتبها قبل يكتبها قراها



العيون اللي تطالعنا بنظرات(ن) خجوله = والله انّا ماحسبنا حسابها لو فاض ماها

[بندر المرشدي]

صح لسانك ياخالد والى اللقاء في طاروق آخر

[احمد الملاح]

يا سلام شعار بمعنى الكلمه صح السنتكم

وبيض الله وجيهكم ....

[خــالد الحربي]

بنــدر المرشدي


تشرفت باللعب معـك



وألى لقاء اخــر أن شـــاء الله

[خــالد الحربي]

مــرزوق العتيبي



شكرا للمتابعـــة




تقبـــل تحياتـــــــــي

[خــالد الحربي]

أحمـــد الملاح


صــح بدنـك


وجهــك أبيض