ولــــــد شـــــــامي

[حسن شامي الجعيد]

السلام عليكم ...هذه القصيده كتبتها قبل يومين وفي شخص يدعى ملك الصرقعه
وإليكم القصيده .

اقـــول:



ابذكر الله كل ما صبحت وأمسيت"="ربي عليم(ن) بالحفيات يا سعود

أنـا ولـد شامـي لـيا قـلت وفـيــت"="والناقصــة ما هيب فـينـا من الـعـود

أبــوي ربانــي عـلى الجــزل وأعـطيـت"="من هاجسي قاف وأنا سايق الذود

ما قلت قول وقد سبقني على صيت"="شاعر بها قبلي ولو قلت مجــحـود

وان كان فيها شك يا سعود شكيت"="في مصدر أشعاري على الوعد موعود

هات الدلـيـل أن كـان للقـول دليت"="والا تـنـحى قـول مـــاني بمـقـصـود

انت ولـد عــمـي ولـكـن تعـديـت"="حـدك وويل اللـي تعدى على حدود

اللسانـه أقـصـه بـيـدي و همــيــت"="أرميه بأرض(ن) كلها سهـود ومهـود

ولا جل الذي بالبال بالشعر كفيت"="عنك عتابي في القصيده ومعدود

اعـتـاب شعري لا نويته وسـنيـت"="بعد فديـتـك مـنت قـده له قـدود

خذ هالقصيده في العصر لاتقهويت"="وقلها لأبـوك وقـولها بعز يا سعـود

قل شوف أنا يا بــوي فـعـلي وسويت"="انقـد رجال القـوم مـن دون مـنـقـود

وشف وش يرد ان كان ما بيت خبيت"="شف وش يسوي فيك من دون مردود

خـلك بـصـرقـعـتك وأنا بحمي البـيـت"="بحميـه دونـك كـن مـنـتــه بمـــوجــود





وسلامتكم

حسن شامي الجعــيـــــد

[فهدمتعب الجعيد]

والله ونعم
لا هنت على هالقصيده الرائعه يأبن العم

[الراااااسي]

صح لسانك قصيدة جزلة


تسلم يالجعيد


و تــــــقــــبـــ تحياتي ــــــلـــــوا

[حسن شامي الجعيد]

ماعليك زود

ولاهنت وسلمت على مرورك الكريم

[حسن شامي الجعيد]

هلا فيك الراااسي

صح بدنك

وتحياتي