ســــفير هـــــــذيـــــــــل

[عيد العازمي]

مرحبابك ياسفير اهذيل في حلة عتيبه =الرجال الطيّبن الهم مع الهيلا مكانه


بعد قمنالك تهرّج ثم جيب اللي تجيبه = اضرب الميدان والعب واخذ عهد الله وآمانه

[المجهولـ]

صح السانك يالعازمي

والله يعطيك العافيه

تقبل مروري

[نواف العازمي]

الله الله صح لسانك يالعازمي
ابداااع ليس بمستغرب
وصح لسان سفير هذيل مقدما

[عبدالله حبيٌب الزراقي]

الله الله ابداع غير مستغرب منك

صح لسانك يالعازمي
وصح لسان سفير هذيل مقدماا

[فواز السعيدي]

البقا ثم البقا والطّيبة ماهي غريبة=العسل وسط الخلية والبلا فالخيزرانة


راح جهدك مثل جهدي والبلا جوف الكتيبة=مدري الضابط مدرب عسكره طبع الميانه

[$ الحــيــران $]

ياسلام يالعازمي مبدع

رائع يافواز عساكم على القوه

[عبدالرزاق القشعمي]

صح لسانك يالعازمي

مبدا كايف

صح لسانك يالهذلي

رد رائع

طاروق يستحق المتابعه إلى النهاية

موفقين

[فواز السعيدي]

صحت ابدانكم يالربع


والظاهر خووي غير متواجد

[عيد العازمي]

اسف على التأخر




ياهذيل اهل الضلع ياللي مناسبكم عريبه = طيّب الهذلان يخشر فالكلا باقي خوانه


العتيبي والهذيلي مارضو باسم الغليبه = مار حنا معتلين المجد لو فيها خيانه

[عيد العازمي]

كل من مر وسجل اسمه


محل الاهتمام والتقدير



صحت ابدانكم جميعا

[فواز السعيدي]

ياعتيبة ياهل البحر الحمر وحدود طيبه=طيّب العتبان يقسم للرفيق امن الامانه



واوجودي يالزمان المختلف ربي حسيبه=راح راع الملعبة ثم جاك راعي دان دانه

[عيد العازمي]

ديرة العتبان من عندك ليا نجد الرحيبه = وافرين هذيل والاجواد فالدنيا معانه


شوكة الميزان تشّر يم زيزوم الصعيبه = والدليل اسمه مسجّل في كشوفات الرزانه

[فواز السعيدي]

وا حليل اهل عفيف صدورهم تزداد طيبه === والحقيقة مازبنهم غار من حدّه زمانه



كيف تجحد ذيب تال الليل يفجعكم قنيبه=== كان ماودك تعد الحق عان الحق عانه

[عيد العازمي]

انقل المزود وحط عمامتك للتمر عيبه = خلفةٍ صافي لبنها مايبل الاستكانه


لاتسويلك دعايه عن عميلٍ مادريبه = كاسب النوماس صقر الجو ماهوب السمانه

[فواز السعيدي]

لا وردناها شربنا بالرضى ولاّ غصيبه ==== اترك الوبر الفريد اللي تعرفه من صنانه





اصبرو شهرين لين العرش يصبح من نصيبه ==== يمتطي ظهر العمانيه وياطا الحنضبانه

[عيد العازمي]

فاتك الفرض المقنن مار يادنيا عجيبه = مار حاول تاخذ الميسور يالروح المدانه


رحمة الله فوق من خده وزى تحت النصيبه = غير,, مابه من هذيل اللي تجمّل من لسانه

[فواز السعيدي]

زبدة الموضوع لاتبلش مع الروس الصليبه ==== والله اني في علوّ الضلع ماني في طمانه





ذاك خلاّكم طشيش وعودة الكرّه قريبه ==== لين اعرف الشّيخ ونرد المهبلا عند ضانه

[عيد العازمي]

يالهذيلي روسنا ماعاشت الا زود هيبه = لاتحد العازمي يعصرك عصر البرتكانه


قام نمل الارض فوق الارض يزعجنا دبيبه = مار عليا ماخطبها غير رجّالٍ تكانه




والختام عندك يافواز


تشرفت باللعب مع شرواك

[فواز السعيدي]

اعرف انّا فاللوازم مايجي منّا مغيبة ==== وانت دوّر للغنايم عند باب السالخانة



جرح عليا يالعتيبي دوب حصّلنا طبيبه ==== بشّروها قولو المجنون داوينا جنانه




ههههههههههههه



صح لسانك اخوي العازمي


وانابعد تشرفت مع رجل محترم شرواك


تصبح على خير

[عيد العازمي]

جرح عليا يالعتيبي دوب حصّلنا طبيبه


هههههههههههه


انا اشهد انه كفووووووووووو والله

[مرقاب]

العازمي & فواز السعيدي

صحت السنتكم

..




أساتذه ياشعار :)

[عبدالله الجـــذع]

صحت الالسن يالغالي

محرااف ولا أرووع

الف شكر لكم

محبكم

.,

[عيد العازمي]

مرقاب


عبدالله الجذع


صحت ابدانكم



ياغالين

[ابو ماجدالمرشدي]

بيض الله وجيهكم عزالله امتعونا وماقصرتوا



عساكم دايم قويين

[بندر المرشدي]

صحت السنتكم


كلكم مبدعين


بيض الله وجيهكم

[فواز السعيدي]

صحت ابدانكم يالربع


وانا اتشرف بتواجدي مع رجال شرواكم


شكرا لكل من تواجد



لاهنتو جميعا