اقرب شاعر

[طويل الذراع]

سلام الله عليكم من هجوسن تروي الضميان=على الاعضاء الكرام ومن لفى الموقع ومن زاره
الا ياربعي الهيلا هل الماقف عزاز الشان=ترا كلن بصدري ثابتن قدره ومقداره

[صلف الروقي]

استـلمـ يـا طويـل الذراع كان لك خـاطـر


.
.
.
.


هــلا يــا مــرحبــا تـرحيبـة تـاتيــك بالسفـطـان نيــابه عـن بشــوت العــز و المـعـروف و شـعــاره

نمـد الطــيب مـد الطيـب يــوم الطيـب بالأثمــــان و رجــل مـــا ينـــوش الطــيب خــله طــايـح بـــداره


.
.

[طويل الذراع]

يقولون العرب والسالفه يبغالها برهان=وترى الدنيا تدور وتالي الأيام دوّارة
وترى من لا يبرهن مايقوله داخل الميدان=يعوّد مثل من فالسوق درهم يجلب حمارة

[$ الحــيــران $]

صحت ألسنتكم

متاااابع

[صلف الروقي]

.
.
.


انــا بنشــدك عــن حــر كفـخ في عــالي الاوطــان نهــار زل مـــن سبـــة شـــيـــاول حــفــر قبــــاره


طيـــور هـــاجــرت للشــــرق و هلـت دمعة الامـــزان سبب مـدري غضــب منهـم زعيـــم القـوم جبــــــاره

.
.
.

[صلف الروقي]

الحـــيـــراان الله لايهــينـك عـلى مـرورك ومتـابعتــكـ


مشــكـور ............



صـلف

[طويل الذراع]

يطير الطير فالعالي ويفرد بالسماء الجنحان=وكل الناس تنضر في سماه وفيه محتارة
ويترك عالم الهزله ويترك ديرة الرديان=وهو عزّة بجنحانه ومخلابه ومنقارة

[طويل الذراع]

صح بدنك

ومشكور على المتابعه

[مرقاب]

صحت السنتكم يا شعار


وسجلوني متابع :)




..




,,




..





مرقاب

[صلف الروقي]

.
.
.


أخــاف انه يعــود مثــل طــير القوم ابــن بــرمــان ....... و تعــــرف يــا طـويـل ذراع ثــوب الرجـــــــل و زراره

عسـى مـن عــرض الاجــواد للنقصـان والحـقــران ........ يقـــشـه جمــس حبــــاب فصـــل عقــله علـى الطــاره

.
.

[طويل الذراع]

المرقاب صح بدنك ومشكور على المتابعه

[صلف الروقي]

مـــرقـــــــاب ,,,, مــرحبـــا بكـ ومسهــلا سعــداء بمتـــابعــتكـ


لاهنــت

..

[طويل الذراع]

تريّح لاتفكربه مدام أنه وسيع بطان=وبيت العز ثابت من على السيسان بجدارة
وترى من دون خلق الله لسان ومحّزم وذرعان=ورجال(ن) توّفي الوقفات والغارات بالغارة

[صلف الروقي]

.
.
.

إلــى مــنـك رفـعـت الصــوت وعـزوتكم عـلى الجـدان ........... يـزيــد الـغــبن فـي صــدرك و إخذ ضـربه عـلى الشـاره


يجيــك الضيــ مو ذراعــك عـلى ربعــك علـى الورعــان .......... وصــلف الــروس مثــل طـويق مــا تنقص مــن حجـــاره

.
.
.

[صلف الروقي]

.
.
.

إلــى مــنـك رفـعـت الصــوت وعـزوتكم عـلى الجـدان ........... يـزيــد الـغــبن فـي صــدرك و إخذ ضـربه عـلى الشـاره


يجيــك الضيــم و ذراعــك عـلى ربعــك علـى الورعــان .......... وصــلف الــروس مثــل طـويق مــا تنقص مــن حجـــاره

.
.

[طويل الذراع]

ترى لا صارت الدعوى سيوف وملحمة فرسان=نهار(ن) مثلكم يبلش ترى ماياخذ بثارة
وانا بقولها قاصد وصامل بالفم المليان=هذا ابا اعطية بيمينه وذاك أعطية بيسارة

[صلف الروقي]

>
>
>
>

كــلام دونه الافــعــال مـا يثبت علــى المـيـزان ......... وهــذي سـالفه صـــارت وراســك شـــاش بغبــــاره


تـقــول اللــي تقـــول بلاش القـول يـابن فـلان .......... ولا تقـــدر تــدف كـــلاخ خـــل كـــلاخ ,,, سيـــاره

[طويل الذراع]

كلامي محتمية وكل شعله فوقها دخان=وانا من خلقة الدنيا وفعلي شاعم(ن) نارة
تركّد يالسنافي لاتهوز براسك الجدران=ترى موج البحر من دون لوّلوّة ومحارة

[صلف الروقي]

.
.
.



حــــرار القـــوم نعـرفهـا ونــعـــرف طــــاير الكـــروان .............. ونــعـــرف ذاريــــات الريـــح وكبتن ســـاق طيــــاره


ولكنـــه بليـــا فعـــل وقـــــــوله يلــــحـــــــس الاذآن ................ عســى الله يـرحم الامــوات ويســكنـــهمـ مع ابـراره
.
.
.
.
.
.

[طويل الذراع]

تبا تعرف فعايلنا على الميدان ياحميدان=ليا من الجمل قام ونصاك وقطّع قثارة
مدام الرمح فاليمنى وفاليسرى عصا وعنان=ليامني ضربت العظم ماتلقاله إ/جبارة

[صلف الروقي]

ســعـدت باللعب معــك يــا طـويل ذراع والختــام عندك..


,,,



اعرف الفعل وقت زل هل وهل ياهل الزان ........... وجــمـلك اللي نصاني اله سكين ن على زاره


ورمح شلته بيمناك ما فـادك على الايمان ........... وعظمي يـــا طـويل ذراع مثل جبــال سنجــاره

,,
,
,

صـــلف
,
,

[طويل الذراع]

أنا خابرك ماتفعل ولو تصهل صهيل حصان=ومثلك لا بغيناها على الهونات نختارة
ترى سنجار جاه من السماء نجمه بعد مابان=وهد الضلع واللي عاش في جوفه وفي غارة




شكرا لك

أنا استمتعت باللعب معك بعد

وأستر ماواجهت


تقبل تحياتي

[حمد بن جوباح]

.
..

الله الله

لعب صبّاحي كايف :)

صحت ألسنتكم والله لا يهينكم يا القروم

.
.
.















تحياتي لكمـ ،،

[عبدالمجيد العطاوي]

تقبلوا خالص تحياتي
أخوكمتسلموووووووووون يالذياااابة والله احسن محاورة قريتهااا تسلمووون ولا هنتوواااااااا




اخووووووووووووكم عبد العزيز العطاوي