احمد الزايدي اقرب جاي

[ابو غيث الروقي]

سلام تسليمة وفاء مصدارها مصدارخير=من شاعراً يدري بجزرات البحور ومدها
عزالله انك راعي الميقاف فا اليوم الكبير=ياطيب ناسً فا اللوازم تعتزي في جدها

[احمد الزايدي]

يامرحبا بك ياهلا واللي كتبه الله يصير=واللي يـدور للعـلوم الغـانمه ماردها

وأنته كذالك والنعم فارس ولك سيف شطير=والناس يعرف فا الشدايد وش يخفي سدها

[ابو غيث الروقي]

دام البقاء يا اللي ترحب والمعاني تستدير =لاكن عن الخيل فا الميدان وانته قدها
لاما علاكم زود يااهل المعرفة والله قدير=والناس ماتلبس ثياب الاوتعرف قدها

[احمد الزايدي]

هات المعاني هاتها وأنا معك نويت أسير=والفاس الخيال خيله ماتركها شدها

لا مـاعلينا زود واذراعي ترى ماهوقصير=شديت سرج الخيل فوق الخيل وابا أشدها

[فواز السعيدي]

ياسلااام ياسلااام



واصلوو يالنشاما واصلووو

[احمد الزايدي]

فواز السعيدي

...

الله يسلمك ويغليك



شرفنا حضورك المميز لاهنت

[ابو غيث الروقي]

بعض المعاني بيننا ايقودها سلك الحرير=وان كان لك نيه جديدة في ضميرك بدها
عساك قد السالفة وتشيل حملك يا البعير= ترى البعارين الأصايل ماتعشى بدها

[ابو غيث الروقي]

فواز السعيدي

مرحبا حياك الله

وشرفتنا بمرورك

[احمد الزايدي]

من كان اله حاجه يبا ها لازم أنه يستخير= واللي يبيع ويشترى مـكـا سبه يعتدها


أشعيل شال الحمل يارجال ويقب الهدير=عـدالجـبال النـايـفـات سير برجلك عدها

[احمد الزايدي]

ابوغيث الروقي



ودك نكمل الطاروق ، والا تصبح على خير يا الاجودي

[ابو غيث الروقي]

دقيقه يازايدي

ويجيك الرد

[ابو غيث الروقي]

الزايدي استلم الرد والمعذرة على التاخير

وتصبح على خير والختام معندك



حنا نحسب ان الخيال اللي نشا وبله غزير= واثره سحابة صيف ترعد ماتعدت حدها
اللي على دربه مع العالم يسحب له حضير= يصبح تحت حدب السيوف اللي رهيفٍ حدها

[احمد الزايدي]

ماكل رجال يحسب نفسه أنسان بصير= ترى البصير من بصره ربه بشيء من الدها

وأنته تبا تعجز تفرق بين منكر من نكير=وأسيوفك أنته وين هي مادمت أنك والدها