مادريت إن الحسد مدفون في قلب العطاوي

[الحر الأشقر]

مادريت إن الحسد مدفون في قلب العطاوي
......................................لين شفته قــــام يحســد فالبروز عيال عمه
كنت أحسبك يالعطاوي من بعيدين الهقاوي
......................................وأثرك اللي لو يجـور الوقت ماأحدٍ راح يمه

[وصل العطياني؟؟؟]

هههههههه

بداية موفقة ...
وننتظر مرزوق ليبرهن ذلك..!!!




تحيااااتي.

[طلال الثعلي]

الحر الا شقر

هو اللي جنا على نفسه

لكن مرزوق يبي يلقالها درب

لياعيونك فالماء


هههههههههههههه


تحياتي...

[وصل العطياني؟؟؟]

أقول إن كان مرزوق لقي لها درب ,

أجل قعدت بها أنت ياطلال ...

بس قول إن شاء الله مايلقالها درب

ههههه




تحياااااتي.

[مرزوق المغيري العطاوي]

استلم لاهنت
مادريت عن الدعاوي من مردت الدعاوي=انتبه للعلم زين ونص علمك زين سمه

لاتبلى بالبلاوي ثم تفاجيك البلاوي=من شهد بالزور ماله نور ويجيله مطمه

[(-العتيبي-)]

لاتبلى بالبلاوي ثم تفاجيك البلاوي
.............................................من شهد بالزور ماله نور ويجيله مطمه

[الحر الأشقر]

يالعطاوي ما درى عن هرجك الحر النداوي
........................................ما يصيد الا الجزال وماكره في رأس قمه
والله إني مـــا ترجى مـــد مقطوع الرجـاوي
......................................والرفيق إليا إنعدم نفعـــه عسى ربي يزمه

[(-العتيبي-)]

يعطيكم العافية

والله إني مـــا ترجى مـــد مقطوع الرجـاوي
......................................والرفيق إليا إنعدم نفعـــه عسى ربي يزمه

[ابن مشيب]

الله الله

محاورة مشوقة.........

واصلو يالحر ويامرزوق , وحنا متابعين.....

[مرزوق المغيري العطاوي]

الله اكبر جاك من ربك بلا وامرن سماوي=لاتسوي هالسواه العلم تخطيه وتخمه
انت حرن حر واشقر ماتطير وبك مهاوي=ماتصيد الا المخمه ماتصيد الا المخمه

[(-العتيبي-)]

انت حرن حر واشقر ماتطير وبك مهاوي

ماتصيد الا المخمه ماتصيد الا المخمه

[طلال الثعلي]

لاوالله الاشبت النار



هههههههههههههههههههههههههههه

واصلوو

تحياتي..

[الحر الأشقر]

الأئـــــمه والمشـــــــايخ عندهــم كل الفتــــاوي
............................كيف يالجاهــــل تعارض مايقولــــون الأ ئـــــــمه
لو ينوشـــــــــك مخلبي ما عاد تلقى لك مداوي
.......................... مـير انا أرفع مخلبي عن كــــل هزلانه ورمــــه

[(-العتيبي-)]

يــــــــــــــــاســـــــــــــــــــلام




لو ينوشـــــــــك مخلبي ما عاد تلقى لك مداوي
.......................... مـير انا أرفع مخلبي عن كــــل هزلانه ورمــــه

[مرزوق المغيري العطاوي]

انت وين انته من انت انت محجوبٍ في عباوي=ماتشم العود غير العود يامقرود شمه
والله الوالي بعد فعلك هذاه انك دناوي=مير قفل بابك الخربان بلي فيه صمه

[ابراهيم العتيبى]

واصلو هذه المحاره الشيقه ولكم تحياتى

[(-العتيبي-)]

والله الوالي بعد فعلك هذاه انك دناوي

.....مير قفل بابك الخربان بلي فيه صمه

[الحر الأشقر]

لا تعوّد لـــــلدناعة والتنــــسوي والغطاوي
................................ معك شمطان اللحى ما هوب لباس الأزمه
شرهوا فينا حطاطيب المسايل والشواوي
................................عقــــب ما وردتهم في مــــاردٍ راهيٍ مجمه

[(-العتيبي-)]

يـــــــاسلام



شرهوا فينا حطاطيب المسايل والشواوي
................................عقــــب ما وردتهم في مــــاردٍ راهيٍ مجمه

[مرزوق المغيري العطاوي]

الاخوه الكرام
المشرفين
طلال
وصل


اتوجه بهذه الابيات ورجو ان تلبون طلبي
لكم تحياتي



سلام يطلال ياوصل واسمعو
-------------------------انا غني عن كل عوجا ومهزله
تتبعوها وحسبو كل طامنه

------------------------ومن مال قولو له مسيره يعدله

وانتم تعرفون الخطا والمصيبه

------------------------ على الغلط سيرٍ التماثيل ماقبله

انا عدل والحكي مالي بصاقطه

-----------------------لي فوق عالي قمة المجد منزله

قولها ومحاورتنا احذفوها

--------------------مالي ومال الناقصه والعلعله

[(-العتيبي-)]

نحن في انتظار الاخوان المشرفين

ماذا سيفعل الاشراف في هذا القسم ؟؟؟

[طلال الثعلي]

الاخ مرزوق


نقدر لك طلبك وعلى العين والراس.


لكن المحاوره حماسيه ولا ارى فيها سبب مقنع يستوجب الحذف..

والمنتدى ليس ملكا لنا انا ووصل وحدنا..

وانت شاعر متميز ولازم يكون عندك سعة صدر...

ثانيا : نحن في هذا المنتدى اخوه وبعض الكلام اللي يصدر من الشعراء لايعبر عن


مافيهم تجاه اخوانهم ونحن اخوه مهما حصل وقلوبنا تجاه بعض يسودها كل الحب .


ولك خالص تحياتي