المصافحه الاولى ( وين الجذع

[مهندس الكلمه]

يا لطامت العايل ياذباحت الحيل = سلامي سلام سلام والنار حيه
ادورك ياسلطان بين الرياجيل = يقولون متواري بنجد العذيه[

[احمد الملاح]

صح لسانك يا المهندس وحياك بين اخوانك

[متعب خالد العضياني]

بدايه قويه وصح لسانك يا مهندس الكلمه وباانتظار الجذع والله يوفقكم

[عبدالرحمن الهيلوم]

صح السانك يالغالي

[سطام الرويس]

صح لسانك

ولا هنت

على النقل الرائع
...................

[مهندس الكلمه]

صح ابدانكم جميع ولاهنتو على المتابعه
وين الجذع

[مهندس الكلمه]

يا لطامت العايل ياذباحت الحيل = سلامي سلام اسلام والنار حيه
ادورك ياسلطان بين الرياجيل = يقولون متواري بنجد العذيه[

وين الجذع ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[سلطان الجـذع]

الله الله ..
يامرحبا يامهندس الكلمه
وعذراً على التأخير ماكنت موجود البارح





(هلا مرحبا ترحيبة البدو بالسيل )= بإسم ربعي أهل الطيب وأهل الحميه
تبا تسمع الاخبار موجز وتفصيل = عن اللي شداده فوق ظهر المطيه

[مهندس الكلمه]

[

يدوم البقا ياشاعرن كنه سهيل = تحراه كل البدو صبح وعشيه
يقولون بانك شاعرن تسرج الخيل = لكن يالجذع مانته بعيد الغزيه[/

[سلطان الجـذع]

الله الله



لعلك من اللي فالطلب يوفي الكيل = يمد الرجال ومدته حاتميه
غزانا على المطران وسليم وهذيل = نهار أنت كنت مقيّلٍ فالحجيه

[مهندس الكلمه]

الـــــــــله اللــــــــــــــــــــــــه

انا وقفتي تبري الكبود المغاليل = وتوردك ياسلطان حوض المنيه
تقوله وانا ماشفتك تحط وتشيل = غزيت السوالف وانت وسط الحويه

[عبدالله الجـــذع]

الله اكبر

المهندس & الاسطوره

صحت الالسن يالغالين

طاروق جميل جدا

الف شكر لكما

محبكم

.,

[مهندس الكلمه]

الله اكبر

المهندس & الاسطوره

صحت الالسن يالغالين

طاروق جميل جدا

الف شكر لكما

محبكم

.,

صح بدنك ياعبدلله وشاكرلك على المرور

[سلطان الجـذع]

قبل معك نستقبل ونرسل مراسيل = نبا اسمك رباعي.. معه رقم الهويه
عيون المقافي ماتشوف المقابيل = ولكن وعدنا يوم عيد الضحيه

[بندر المرشدي]

صح لساااااااانك يامهندس








قبل معك نستقبل ونرسل مراسيـل
نبا اسمك رباعي.. معه رقم الهويه
عيون المقافي ماتشوف المقابيـل
ولكن وعدنا يـوم عيـد الضحيـه



صح لسااااااانك يابو عبدالله

[/عبد العزيز الجذع/]

الله الله.

صحت السنتكم يالغالين.


متابعين اذا بتواصلوون.

[مهندس الكلمه]

ربوعي تخظب بالدمي بالمصاقيل = مطلقت ذيك الجادل الغشمريه
لا تجل ترى ماينفع الوضع تاجيل = تجي ونكبك بالنكبه العالميه

[مهندس الكلمه]

الليل الليــــــــــــل ياسلـــــــــــــطان الجـــــــــــذع
مهنــــــــــــــــدس الكلمـــــــــــــــــــــــــــــــه

[سلطان الجـذع]

لاتذكر علوم ماوراها محاصيل = واذكرك باللي صار فالدحمليه
كرامتك عندي ماهي البن والهيل = لاوالله لاوالله ..سم دابٍ وحيه

[معجب العتيبي]

قبل معك نستقبل ونرسل مراسيل = نبا اسمك رباعي.. معه رقم الهويه
عيون المقافي ماتشوف المقابيل = ولكن وعدنا يوم عيد الضحيه

هذا الكلام اللي يجمد على الشارب

تعجبني


صحة السنتكم

[سلطان الجـذع]

...

ياليل البركه :) مهندس الكلمه انت تصنع طياره!!! :)

عجل ... أخاف نمشي بالتقسيد أسبوع ثاني :)

[مهندس الكلمه]

عتيبه لو يعيشون جيلن بعد جيل = ماولله تنسى كسرت الحرمليه
ما جيتك ادور يالعتيبي معاميل = انا جيت فالميدان فوق العبيه

[مهندس الكلمه]

جتك مير انشغلت شوي الليل الليل

[مهندس الكلمه]

لتصحيح لخوي سلطان الجذع الدحمليه كون بين مطير وقحطان ولاعتقد ان عتيبه له دخل فيه حسب عرفنا من الشيبان

[سلطان الجـذع]

ترى الحرمليه مع زحول الرياجيل = وربعك علاقه .. خلفهم فالسريه
ياراع العبيه بارد الحيل بالحيل = وحظ رمابك في سهوم المنيه

[سلطان الجـذع]

لتصحيح لخوي سلطان الجذع الدحمليه كون بين مطير وقحطان ولاعتقد ان عتيبه له دخل فيه حسب عرفنا من الشيبان



فيه سالفه غير الكون هذا :) ....




مهندس الكلمه ... صح لسانكــ .. مالله كتب
ان نتوافق في وقت واحد وننهيها .. ولكن إلى

لقاء قادم بمشية الله

[عدو الرخامه]

صح الله ألسان الجميع