الزيبق الاحمر لو سمحت

[الطرقي العجلان]

انا الليله نويت البس وشاح الفارس ابن بجاد=زعيم عتيبه الهيلا سندها سيفها البتار
واخلصكم من الزيبق زعيم الفسق والافساد=لوانه ماتكلف ذبحته درهم ولا دينـار

[الزئبق الأحمر]

وشاح الشيخ مايصلح على راعي شفر كداد=تقوبع فروتك واترك لباس الفارس المغوار
عساها من نصيبك في نهار الحشر والميعاد=ونارك شبها وانت الحطب ياكليب شب النار

[الطرقي العجلان]

امير لك وغصباً عنك والله يقلع الحساد=عسى الله مايخلي فالبلد حاسد ولا غدار
دلال الكيف مجذيه وناري جمرها وقاد =تقهو من الدلال الي ليا فاحت تفوح بهار

[الزئبق الأحمر]

عفوا تأخرنا لأداء الصلاه

لسانك لايعفن ثم يلوث سمعت الاجواد=تيامن يامتسابق قبل لاتخرج من المضمار
تشارك كل من ياكل وتشبع ثم خنت الزاد=قهوتك صايده والنار ماتت والقدوع فشار

[الطرقي العجلان]

ليا جا فالعلوم علوم انا عنتر ولد شداد=انا راع القنا وانته على دربي تسوق حمار
من جبال الحجاز السمر لين العارض المنقاد=حميناها بحد السيف يوم ان العلوم كبار

[الزئبق الأحمر]

اسوق الي عليها في ظهرها بردعه وغماد=ولعل الطرقي العجلان يقدر يحمل الاسفار
هروجك زور واكبر منك وشدادك مهو بشداد=وعباتك وسطها جرذي وجيبك فيه يلعب فار

[الطرقي العجلان]

ليامنك تصافيت انت ووخيك على الاحقاد= انا واخوي كفينا ووفينا وحمينا الدار
تعرفون الشيوخ الي لكم غصبا عليك اسياد=هذا نص الحقيقه وانت لاتغضب ولا تحتار

[الزئبق الأحمر]

اخوك العلقمي وانت اسمك الرايد سعد حداد=وانا خالد ولد مشعل واخوي القايد الزهار
علومك لاتكررها وهرجك ينقصك لوزاد=وترى اسباب الملل من شغلة الروتين والتكرار

[الطرقي العجلان]

تراك اكبر عميل ولوتبي عندي عليك اسناد= وشمسك كاسفه واجواك مليانه قتم وغبار
مسوانك مواطن صالح وتدعو للاسترشاد=وتطلع في القناه الثانيه وتواصل المشوار

[الزئبق الأحمر]

لو ان الشمس تكسف كل مامات ابلج(ن) هداد=تحرينا الكسوف بموت (جدي)و(ناصر الشغار)
حياتك هم زايد ذل زايد رق واستعباد=ومع هذا تحسبنك مثل ضيف الله العفار

[مزلزل الشعار]

كان ياماكان
هههههههههه
اشهد انكم شعار ولا فيكم حيله
وصحت السنتكم

[الطرقي العجلان]

ولا ياربعنا لاتشركون وحلمكم ما فاد=وضلع طويق كلا شايفه ويمره المرار
تقوله وانت ماتدري من الي معك ياعواد=وطويل الشبر مايضحك بعقله قاصر الاشبار

[الزئبق الأحمر]

لازال الطرقي العجلان يستعرض كما المعتاد=يجي بين الصفوف ويعتزي لو كان ماله ثار
ترانا نعرفك من رهبتك يالخايف الشراد=واعرفك من مطيرك بالهوى ياالطير ابو الوروار

[الطرقي العجلان]

مزلزل الشعار
مروركم شرف
حياك الله ولاهنت

[الزئبق الأحمر]

مزلزل الشعار مرورك شرف
وشهادتك وسام فخر لاهنت

[الطرقي العجلان]

رماني صاحبي في داه وانسل وخرج ماعاد=لكن الله حسيبك في المكر يالثعلب المكار
انا ما اعرفك ليننك سرقت حليل الاجواد=وبعته في الحراج وصادك الدلال والتجار

[الزئبق الأحمر]

نصحتك لو بمثلك مايفيد النصح والارشاد=لكن اقفل على باب النصيحه واعتبرها انذار
هذا هرج الضعوف ومسرحيه ولفوها اوغاد=ونتيجة حامض الدdn ي ان تظهر خافي الاسرار

[الطرقي العجلان]

لكن السالفه من كبرها بانت على الاشهاد=كبيره يابني غنام واكبر من جبل سنجار
انا ماحطها في ذمتي في ذمة الشهاد= وراعيها يطالب كيف ؟لاشرهه ولا معذار

[الزئبق الأحمر]

تراها انتاج واخراج الممثل مصطفى العقاد=وبني غنام ربعي مالهم فيها جمل وحوار
الاطرش مع هل الزفه يهوس يجاوب النشاد=ويدبك مع هل الدبكه ويزمر مع هل المزمار

[الطرقي العجلان]

تبانا نزهمك زيبق تبانا نزهمك يازياد=اشاره وانت تعرف تنطق الادغام والاظهار
على السكه لقينا البدو اهل دله واهل براد=سنحناهم على فرتٍ جديد وسايقه جبار

[الزئبق الأحمر]

يابعدك عن هل الموصل ياساكن في وسط بغداد=فشلتوا يافريق الرصد والعله من الرادار
مادام معاون السايق حدا السايق على المرقاد=ليا قامو صبوح البدو يغنيهم عن الافطار

[الطرقي العجلان]

نبا نكشفك للعالم ونظهر صورتك ياعناد =تخفى مار وجهك بان واضح لو عليه ستار
تعزوى في ولد روق وتعزوى في ولد عباد=ومره طافياً ضوك ومره تلفت الانظار

[الزئبق الأحمر]

تفضل يامصوت عد في راس الطويل وناد=لاتستر لاسترك الرب يالبربور يالهذار
انا ربعي عتيبه خير من ينطق بحرف الضاد=حرام مااعتزي في غيرهم يالطرقي الثرثار

[الطرقي العجلان]

الك وجهين وجه اسود ووجه ابيض يابو حماد =عسى واحد جنان الخلد والثاني لهيب النار
تقوله وانت في صف العدى تركض بدون قياد=وانا شفتك وشافوك العرب ما ينفع الانكار

[الزئبق الأحمر]

علومك حدرت ليتك تعودها على المسناد=ياابو وجه(ن) غضيب وقلب(ن)اسود من سواد القار
عيونك ماتشوف الا الفضايح جعلها السداد=وانا اشوفك وصلك العلم باقي ساعه وتنهار

[الطرقي العجلان]

لك الله ماعلينا منك ياعايد ولد عياد=وشد الحيل والموعد بزوغ الشمس والانوار
سبحنا في البحور ولو طلعنا للفضا رواد= ولانبلش ليامنه تحدانا حدا الشعار

[الزئبق الأحمر]

تدينت وتورطت وعجزت تسدد الاقصاد=لكن ان كان تبغا الحل عجل هات صك اعسار
ولا يالي تغوص البحر تابع نشرة الارصاد=تعرضت الك ليل اسود وبحروكارثه واعصار

[$ الحــيــران $]

لله دركم

إبداع ورقي وجزاله فاقت كل مراحل الإبداع

تقبلوا مروري

[الطرقي العجلان]

تراك مجنبٍ دربك وتضحك فوقك النقاد=وحنا نعرف الوبال يازيبق من البقار
لياصار التحدي للعدو عله وسم اكباد=ياويلك لو رمابك في نحانا الحض والاقدار

[الزئبق الأحمر]

بعد طال السفر يابو سفر صابك نصب واجهاد=خساره لاعب الشطرنج عود يلعب المقطار
ليا صار التحدي قطعت جلدك عصا الجلاد=لكن اطلع يمينك وانتبه لاتاخذ الدوار

[الزئبق الأحمر]

الحيران شكرا لتشريفك
شهاده نعتز فيها لاهنت

[الطرقي العجلان]

عندي مشكله في الاتصال

على هونك لاتطمع يامعيد ماجت الاعياد=وحنا فاول الليل وجملنا ميزته هدار
اباصيدك لو ان الناس قالو صعب ماينصاد=وعان الحر فوقك يبترم والطير فوقك طار

[الطرقي العجلان]

بارك الله بك , شكراً أخي الحيران

[الزئبق الأحمر]

تعبت من الوقوف ونامت اطرافك من المقعاد=وجملكم نام واصبح خلفة (ن) جربا وفيها صرار
تمنا انك تحقق مستحيل وتبلغ الامجاد=وطلعات الحرار الشقر غير الطير ابو منقار

[الطرقي العجلان]

اجل يالزيبق ارضعها وضمد جرحها بضماد =تراها الكم منيحه وان عصتكم ضيروها ضيار
انا عمك وانا همك وانا الشاعر واناالاستاد =وانا الفارس وانا القايدوانا القاسي وانا الجبار

[الزئبق الأحمر]

عدولة بيت ابن عجلان دوب تكفي الاولاد=ماعنده غيرها ومن الكرم طرقي منحها الجار
خيالك عذبك يابو عيون شاطحات حداد=عيونك فالمرايه لاتبحلقها يجيهاصفار

[الطرقي العجلان]

يقال العقل نعمه وان غدى راعيه راح جهاد=لكن ابشرحجزنا لك جناحٍ كاملٍ فشهار
تحدى العالم الغربي وتزمر ياحمد ابن انجاد=ولوجوله غدى زمره وراح يداهن الكفار

[الزئبق الأحمر]

لحقناك وتعديناك واجلس ياقصير الماد=وانا عقلي معي وشهار نأتيله فقط زوار
تلبستو ثياب الغدر لين الثوب الاسود باد=وساندتو قوى الثالث عشر لعيون الاستعمار

[الطرقي العجلان]

انا ماشي على خطي واولع نيرتي بزناد=واسج الرجل فديار الحيا واشرب من الانهار
لباس الغدر ما اعرفه وملبوسي هدوم جداد=لاكنك روق الله لايهينك واستمع لشار

[الزئبق الأحمر]

تولع نيرتك وان رشها رشه تروح خماد=وبراق الحيا من فوق راسك يخطف الابصار
ابن وسام يعط البيت حقه مثل ابن عياد=ولا فيهم حسد وقلوبهم بيضا وناس اخيار

[الطرقي العجلان]

نبيع ونشتري والسوق موجوده فكل بلاد=ومابين ارباح الاسهم والخساره لعبة الشطار
وانا ضابط ومسئول السريه وانتم الافراد=يازيبق نفذالامر وتعلم مني الاصرار

[الزئبق الأحمر]

تبيع وتشتري والسوق خاسر والتضخم ساد=وزيادة سعر بترول الخليج تخفض الدولار
ياظابط ياعماد مغنيه مافاقدك ياعماد=يا كود الشيخ نصر الله وايات ايران والصفار

[الطرقي العجلان]

]الزيبق الاحمر تصبخ على خير ومافيك حيله وشرفني اللعب معك
وسامحني على القصور ولنا لقاء قريب انشاء الله
شكرا للمتابعين[/color]

[الزئبق الأحمر]

الطرقي العجلان شكرا من الاعماق واحترامي وتقديري
وسامحني على بعض الهفوات الغير مقصوده ولك مني
كل الود وتصبح على خير شرفتني وسعدت بمجاراتك

[السبيــــعي]

الزئبق & الطرقي

طااروق حاامي

ابداااع

الله يعطيكم العافية

[الزئبق الأحمر]

السبيعي شكرا لتشريفك
اشادتك محل فخر لاهنت

[ابو ماجدالمرشدي]

بيض الله و جيهكم على هالطاروق الكايف الي امتعتونا به

[احمد حامد الزايدي]

طاروق رائع




.....




وشعار اروع