اهل الوفا

[نواف العازمي]

سلام تسليمة وفا واثنيه من شان الرجال=اهل الوفا في ذا الزمان الله يكون بعونها
الطيب كايد والمراجل كلبوها راس مال=ولاقلت لي ياصعبها اقول لك ياهونها

[محمد السيحاني]

لاهنت

مبددددددددع

[نواف العازمي]

محمد السيحاني
لاهنت على المرور الكريم

[مرقاب]

للفاده فقط :)
يا مرحبا بك ردتن في كل وقت وكل حال
واهل الوفا بفعالهم عند الولي يلقونها

خابرك ياذيب الخلا تسكن على روس الجبال
واليوم ياذيب الخلا جيتك لو انك دونها

[نواف العازمي]

ابك البقا والشك مدري زال ولا لايزال=الناس تمشي بالطريق وتنظره بعيونها
اليا دخلنا السوق نشري بالجنيه وبالريال=حاضر بحاضر والعرب يالله تسد ديونها

[مرقاب]

منهو يدورله عداله مالقا غير العدال=دام العرب ما دورو ما ضنتي يلقونها


جيب العلوم وردها مادام لك فيها مجال=ياكثر ناس(ن) مالها ياكود هز امتونها

[نواف العازمي]

ياصاحبي مابه عداله غير من رب الجلال=والا العرب على العرب دايم تحد سنونها
ان جبت علم اعطيك علم الفال يقفاه العقال=ياكثر ناس(ن)مالها ياكود جرع غبونها

[نواف العازمي]

اخوي مرقاب
يلقونها سريتها مرتين

[مرقاب]

دام العرب ما دورو ما ضنتي يشرونها

[مرقاب]

السموحه ياذيب على التاخير والبارح استعجلت بالرد
واستلم

:)






من بعد ما بانت انجوم الليل واطراف الهلال=ما عندنا الا للمغني كود عزف الحونها

ياصحابنا ذيب العوازم ذبحته ذبحت حلال=دامه يبا الجمره تولع من على غليونها

[نواف العازمي]

وش
قولك ان غابت نجوم الليل في هاك التلال=في ذمتي لتعاف يامرقاب كل فنونها
وان كان ركبنا الرشا ياصاحبي فوق المحال=بعض العرب ماتسري الا لاامتلا ماعونها

[مرقاب]

صح السانك ياذيب وتشرفت باللعب معك :)




اثرك مابين الدعوتين الصايبه والاحتمال=وانا احسب انك فالعباده ماسك(ن) بركونها


الكامل الله وانت ذودك بالجنوب وبالشمال=لكن خذ بالك من العربان لا يشعونها

[نواف العازمي]

مايعرف المجنون ربه لين يربط بالحبال=والناس يابن الناس مانبحث ورى مكنونها
ياصاحبي والذود نحماها ولافيها جدال=واحذر من الشعار معناها في وسط بطونها

صح لسانك مرقاب ولاهنت

[مرقاب]

ولا انت وابشر

:)