تخيل تحصل معك هذه المشكله .. كيف الحل ..!

[سعود الشايوش]

السلام عليكم ورحمة الله ..


موضوع لطرح اكثر الحلول والاراء .. قد يحصل على ارض الواقع..


مثلا : شخص بدأت معرفتك معه عن طريق منتدى واصبحت علاقتكم جيدة واتصالاتكم مستمرة خارج المنتدى ..

تتبادلون الراي حول المنتدى وامور اخرى ..واصبحت علاقتكم متينه

في يوم من الايام حدث سوء تفاهم او تفسير خاطئ منك ومنه وحصل فجوه بينك وبينه .. وهو في السابق زميل وصديق بنفس الوقت ..

انقطعت السبل بينكم وقام بتغيير هاتفه عنك وانت لم تغير هاتفك تنتظر اتصاله .. وليس لك معرفة باقرباءه للسؤال عنه او للتأثير عليه ومحاولة حل المشكلة الحاصله ..


كيف ستتصرف او كيف تجد حل ..! دعونا نسمع ارائكم..



سأضيف رأيي بعدما اسمع وجهة نظركم ..







..

[بدر الكريزي]

""

اللي يصد بلا سبـب ماقـول غيـر الله معـه


:)


""

[وافي الخماش]

بعض العرب لا صد ماعنه منشود = وبعض العرب لاصد يوجع مصده

[ناصر العصيمي]

كثيـر الـلـي تمنـانـي وطـلـب ودي ولاجيـتـه
ازعلهـم وابكّيهـم واراضـي منـهـو اشقـانـي ...
انـا بانـدم علـى خـل ٍ رجانـي حــب وخليـتـه
ولا بانـدم علـى منهـو رجيتـه حـب وخلانـي ....
صحيح الوقت ياصـاح يبيّـن كـل مـا اخفيتـه
وانـا كلـي غـلا اعطيـت وبالـجـرح تجـزانـي ....
انا من وقت ما شفته وعشقته حيل وحبيتـه
فديتـه غالـي العمـر وملـك قلـبـي ووجـدانـي ....
عطيته وما حسبت حساب جروحه وتحاليته
وقلـت الله علـى خـلـي هـديـة ربــي وجـانـي ...
مـا دام الغـدر إسلوبـك وحبـي لــك تناسيـتـه
دخيلـك امسـح ارقـامـي واسـمـي وعنـوانـي ...
انـا مالـي بحـب أبـكـم جيـتـه وكــم ترجيـتـه
طلبتـه يقـول احـبـك بــس ولكـنـه تناسـانـي ...
غريبـه دنيتـي والله غريـب الـحـزن عانيـتـه
غريبـه حلمـي يتحطـم وعمـري كلـه اعانـي ...
انا الطيبه من عيوبـي وصدقـي طفـل ربيتـه
وعلمته على الاخلاص لكل إنسـان ماشانـي ....
خسـاره مـا بـدر مـنـي لـكـل إنـسـان رديـتـه
خسـاره ليتنـي فـكـرت قـبـل اخـتـار خـلانـي ...
أنا آسف..أنا آسف يـا اغلـى شخـص حبيتـه
ابرحل واترك العالم واعيـش الفرحـه ثوانـي ...
ابرحل في سما عشق ٍ بكـل إحسـاس ناديتـه
وابرحل عن عيون الناس وعن حب ٍ نساني

هذه ابيات اعجبتني وقريبة لموضوعك

تقبل مروري

[عبادي المقاطي]

والله مشكله بس لاتحسف عليه ابد


هو الخسرااان

[سعود الشايوش]

من محاسن الموضوع اكتشفنا ابداعت شعريه للاعضاء .. لايكون الموضوع دق على الوتر الحساس ..


بدر الكريزي : الحل مناسب في حال كون العلاقه بين الشخصين غراميه وهذه فقط لوجود الطرف الناعم .. ولاغرام بين الرجال ..


وافي الخماش : ناسبني عجز البيت .. شكراً لحضورك ..


ناصر العصيمي : انت ودك تورطني .. لو اعرف رقمه ما ارسلت له الرساله هذي .. وبعدين الابيات قويه شوي وغراميه ..



يبدو اننا يطغى علينا الحب والغرام وعواطفنا رقيقه .. مامضى من الاراء عاطفي ورقيق .. شكل الشباب يحبون ..



همسه : بعض الاصدقاء يجبرك ان تسمي ابنك باسمه حتى يصبح ابنك صديقك ..!






سعدت باراءكم ونطمع بالمزيد ..




..

[بدر الكريزي]

""

ما أعتقد إن الحـل أو ( الشطر ) اللي وضعته .. يسلتزم وجود الطرف الناعم ..

أورد لك القصيدة كاملة لكي تتضح أكثر ..

وهي للشاعر / نايف معلا ..







الصاحب اللي ما ذخرته غير لعجاف السنيـن=كيف يتجاهل قدري بصدره وحنَّـا فـالسعـه
ولا جاه منِّي ما يثمِّن وقفـة العـذر السميـن=إلا الوقار اللـي بصـدري كـان ودَّه ينزعـه
معزَّته عندي كبـر هقواتـي بطلـق الجبيـن=لكن مانـي حايـل ٍ مابيـن عينـه وأصبعـه
له منِّي أدمـح زلَّتـه لا زل والقاسـي يليـن=وإله علي أنصـت لمـا ودَّه يقولـه واسمعـه
حتَّى لو إن اللي يقوله يبحـث السـد الدفيـن=والله ليبطـي ماسمـع منِّـي مقـالٍ يِجزعـه
إلاَّ ليا من قيل : مادون الحلـوق إلا َّ اليديـن=في وقتها ماهوب مِحرف وجهته ليـن أقنعـه
الله يكافينا الشرور ويا عسى الدعـوا تزيـن=والله ينجّينا مـن كـروب الزمـان الموجعـه
وإنَّا نصير بنعمتـه مثـل الخـوان الطّيبيـن=متكاتفين بصف واحـد مـا تجيـه الزعزعـه
مثل الجبال الشامخات بوجه الأعـدا صامديـن=من جاع منهـم وإبتغانـا بالهزيمـه نِشبعـه
ننهل من القرآن ، والسنَّه ، وهدي الصالحين=ونمشي ، وقدوتنـا محمـد والكـرام الأربعـه
هي والله الصحبه عسى ربِّي على الدنيا يعين=ماهيب صحبة نافخين الكير وأهـل المضيعـه
والصحبه اللي غير مبنيه على تقـوى وديـن=ولا على سلـم الكـرام تهزَّهـا أيَّـة زوبعـه
ويا صاحبي مد اليمين إنْ قلت لك مد اليميـن=لا تآخذك سود الظنون وتصبح أنـت الإمَّعـه
تراك : غالي والغلا ما أنصى به إلا الغانميـن=وإلا الردي : والله لأبيعه لو ماقالـوا : بعـه
إلي عليك : إنك تدوس الشك بأقـدام اليقيـن=وإنك تعرف : إنِّي ما أدوَّر من وصالك مطمعه
وإن كان في صدرك عليَّه شي سمَّه واستعيـن=باللي جعلك تذود عـن رد الجميـل وتصنعـه
وعهدٍ علي إنَّك لترضى والرضا كنـزِ ثميـن=أطرد به الضيقه عن الأصحاب واللاش أردعه
وإن كان منته مقتنع مانيب قايل : رحت وين ؟=فجوج ربِّي واسعه وأنـا المقفِّـي مـا أتبعـه
طال العتب وإلا قصر هي كلبوهـا : كلمتيـن=اللي يصد بلا سبـب ماقـول غيـر الله معـه


""

[الموت هيبه و العز لعتيبه]

خلاص بالطقاق اللي مايبيني ما ابيه...

[فهد النفيعي]

ادعي له في ظهر الغيب والله يهديه

[/عبد العزيز الجذع/]

الله ما يبينا ما نبيه.

[رمح برقاا]

اللي زعل بدون سبب يرضضى بدون السبب والزمن والايام تجييبه

وعشرة المصلحه ما تدوووم يا الربع ؟؟؟؟؟؟؟؟؟؟؟

[ناصر العصيمي]

طيب نبي نشوف رأيك ياصاحب الموضوع !!!

[سعود الشايوش]

يعطيكم العافيه ياشباب ..



اللي مايبينا مانبيه .. هذا المثل تقليدي ولكن لايصلح في كل الاحوال ..


لذلك علينا ان نبحث عن حلول اخرى ..



رأيي : بما ان العلاقة التي بنيت بين شخصين وكانت صداقة على غير مصلحة فبالتأكيد كانت مبنيه على قواعد قويه .. ولاخوف عليها حتى وان مرت هذه العلاقة بضروف .. تظل متكئه على اساس متين ..

لذلك يجب ان لانعتب في انقطاع السبل .. او ان صاحبنا قام بتغيير هاتفه قد يكون فعل ذلك في لحظة غضب .. ومع مرور الوقت ربما يكتشف ان التغيير سبب في طول الانقطاع .. مادام ان صاحبه الاخر لم يغير هاتفه .. فقد تأتي لحظه يبادر فيها بالاتصال وتعود الصداقة من جديد لانها كما كانت صداقة اصيله .. لم تتغير مهما مرت بظروف ..

وكما قال احد الاخوان : ندعوا له ونذكره بخير وهي اسلم طريقه ..


ونطمح للمزيد من الاراء..







..

[ابوزعبه]

خله يروح روحة مقيط ورشاه

[ناصر العصيمي]

عندك أمل انه يرجع

اقول غير رقم جوالك انت بعد.....

[السبيــــعي]

والله مالي ورى طرد المقفين حاجه

لاصار انه صد بخليه على هواه
وبدعي له بظهر الغيب انه يكون بخير
وان مايكون المانع شر


والف شكر عالطرح يالغالي

[سعود الشايوش]

ابو زعبه .. ناصر العصيمي ..

شكراً لحضوركم .. مع ان ارائكم تزيد الطين بله .. هي فقط تناسب للعلاقات ذات المصلحه ..


السبيعي : هلا بك ونرحب برأيك .. ورأيك يدل على انك تحب الخير ومتسامح ..




..

[صنديد العصمه]

من باعنا برخيص بتراب ينباع ><><>< ومن عافنا كل الجوارح تعافه

أبكي على وقتاً قضيته معك ضاع ><><مير البكى مافادني والحسافه

أقولها من قلب في حبك التاع ><><><><من عافنا غصباً علينا نعافه


ومشكور على الموضوع

[ذيب السبايا]

ههههههههههههههههههههههههههه

ابي اقولة سريها ياواد

[سعود الشايوش]

من باعنا برخيص بتراب ينباع ><><>< ومن عافنا كل الجوارح تعافه

أبكي على وقتاً قضيته معك ضاع ><><مير البكى مافادني والحسافه

أقولها من قلب في حبك التاع ><><><><من عافنا غصباً علينا نعافه


ومشكور على الموضوع



صح لسانك .. كان ودي اسمع رأيك بتفرد اكثر ..


العفو طال عمرك .. وسعدت بتواجدك ..



..

[ناصر العصيمي]

صداقة على غير مصلحة فبالتأكيد كانت مبنيه على قواعد قويه


اتوقع لوكانت العلاقة قوية ماكان انقطعت

نصحية

راجع حساباتك زين

[الشــاهد]

الرجال عندة ظروف وبيكلم بعد شوي لاتخافون يالربع الصبر زين وكل مطرود ملحوق

[مناحي حمدان العصيمي]

بعض الخيانات ممكن انك تعديها
خصا لياجتك من الربع القريبيني

تدمح خطا المخطي ولاتبديها
ترفع مقامك عن الزلات والشيني
ولابعضها لازم انك ماتهديها
السن بالسن والعين بالعيني
خل الأنذال ينفعها ترديها
من يزرع الشوك مايجنا الرياحيني

[محب الهيلا]

مادم انه غير رقم جواله

اكيد انه وده ينهي الصداقة نهائي

اتركة هذا صديق ماعلاه حسافة

[Man من العتبان]

من راح من كيفه وكيفه يوديه

خله على كيفه وكيفه يجيبه

اشكرك ع الموضوع يا الغالي ..

دمت بود

[خلف القثامي]

ان راح تلقى في المسمى نجد بداله



لاعاد تطرد المقفي


الناس ع وضع مشغول ومافيه خدمة انتظار ههههههه


سعود موضوعك لايحتاج الى حلول