سلام

[نواف العازمي]

سلام مني بعد ماجيت حسب الوعد=للعزوه اللي تعرف الناس مقدارها
ياسعيد بالله سلم لي وخبر سعد=مايقلط بكل قوم الا من خيارها

[رجا بن فهيد الهاجري]

يامرحبا وانت من سكان هذا البلد = واليا دخل فيك شكه انفض اغبارها

ياحمود بالله رحب لا نصاكم حمد = القوم قامت عليك تلد بنظارها

[نواف العازمي]

ابك البقا مايضيع اللي بدربه نشد=يارامي البندقيه ضبط عيارها
برق السحابه بتالي الوقت يقفى الرعد=يلوح بيمينها ويلوح بيسارها

[رجا بن فهيد الهاجري]

هذى مشاريه ما تقبل بليا سند = اتكبر علومها وانبين اقصارها


البرق برق النكد والرعد رعد الحسد = اشوف مدخالها وتشوف مظهارها

[نواف العازمي]

ياليت بو زيد يومه قام عود قعد=يرتاح في ديرته والناس بديارها
عسا عيون الحسد ياصاحبي للرمد=والا المشاريه ماخضنا بمضمارها

[مرقاب]

صحت السنتكم ياشعار

..


عسا عيون الحسد ياصاحبي للرمد
والا المشاريه ماخضنا بمضمارها

يسلالام ياذيب :)



متابع ومع الله



..





,,




..



مرقاب

[رجا بن فهيد الهاجري]

ذلولكم ليه نشبت فالحصا والكلد = لاوالله الا تبا تبرك على زارها

ترا العوازم مع العتبان تكمِل عدد = وادلالهم ما تكيفنا من بهارها

[نواف العازمي]

ذلولنا بالطلب دايم تجيب المدد=يوم العرب تطلب النجده على حمارها
السيف يبغا ولد يمناه ماترتعد=والا العوازم رجال طوال(ن)اشبارها

[نواف العازمي]

اخوي مرقاب
مرورك شرف
حياك الله ولاهنت

[رجا بن فهيد الهاجري]

الخوف خلاك ما بين القبر واللحد = وجنازتك فى الوغا معروف قبارها

يا صـحابنا يوم كلٍ للمنـايا ورد = منتـه بميـرادها ولا بمـصدارها

[محمد الحميدي]

صــــــــــــــحت السنتكم محاوره قوية

[بندر المرشدي]

صحت السنتكم

[نواف العازمي]

الفارس اللي ورد يوم انه غيره شرد=كسارها في الوغا ماهوب جبارها
يصبح القوم وبليلة هجاد يهجد=مايستمع للعرب لاكثرت اشوارها

[نواف العازمي]

محمد الحميدي
بندر المرشدي
حياكم الله
وشكرا على المرور الجميل