الطارف يسد

[ريف المسايير]

ياسلام الله على العتبان ذربين الفعايل=ردةٍ من هاجسي يااصحابنا والعمر فاني
راحت الايام سود وراحت القصه هوايل=مادرينا وين نجم الجدي وسهيل اليماني

[$ الحــيــران $]

إذا سمحت لي .

استلم ::

مرحبا ترحيبةٍ عداد همال المخايل 00 بالنيابه من هجوسي عن طويلين اليماني


من مشى بسلوم ربعه مايغر من الدلايل 00 والزمن دولاب ماله لاعهود ولا ضماني

[ريف المسايير]

حياك الله يالحيران استلم لاهنت



البقا بك يالمرحب واالمثايل بالمثايل=احسبوها بالدقيقه واحسبوها بالثواني
عام الاول ولعت نيران في خشوم الفتايل=وهالسنه شفنا علومٍ مثل ضرب الطرطعاني

[$ الحــيــران $]

استلم ::

مايلام اللي مع العربان يمشي بالجمايل 00 والكلام اللي تقوله مايبا له ترجماني


تنطفي نار الأعادي كان جاك السيل سايل 00 بارك الله في رجالٍ غيرت وجه الزماني

[ريف المسايير]

صح لسانك يالحيران ولاهنت وبيض الله وجهك والختام عندك يالغالي واستلم:




الله ان يحفظ اهل العرف وافين الخصايل=الرجال اللي تخلي العشر يالطيب ثماني
مير هاك العلم يالحيران دام الراس طايل=مايروم الطيبه ولد الردي والا الهداني

[$ الحــيــران $]

صح لسانك ملايين 0 شرفتني بهالطاروق لاخلا ولاعدم

استلم ::


الله يعز الرجال اللي يعزون القبايل 00 مدهم مد الوفا والعدل مابين الخواني

الردي يبقى ردي ماله طريق ولاوسايل 00 ماحسبنا حساب لو قالوا فلان ابن الفلاني

[مرزوق حمدان العتيبي]

..
.

بيض الله وجيهكم وصحت السنتكم
.. كلام جميل وطاروق ممتع ...

[الطويل]

صحت السنتكم

[محمد الحميدي]

بارك الله فيكم فقد امتعتونا

[الحكــــــيم]

طـــــــــــــــــــــــاروق

جـــــــــداً حلو لونه قصير

صح السنتكم ولاهنتو

[ذيب عتيبه الهيلا]

صح السنتكم

[ريف المسايير]

صح الله ابدان الجميع
والله لايهينكم على المرور
ويشرفني متابعتكم