تسجيل الدخول

مشاهدة النسخة كاملة : مشـاركة شعراء عتيبة في شاعر المليون (3) ..للمتاعبة ..

بدر الكريزي
02-Aug-2008, 01:31 AM
""

السلام عليكم والرحمة ..


بإذن لله في هذا الموضوع سنتابع

آخبار / مشاركات / وكل ما يخص ../ شعراء عتيبة في النسخة الثالثة من شاعر المليون ..


لا .. للتصويت ..

نعم .. للمشاركة و الظهور المشرف ..


شعراؤنا .. كلنا ثقة بكم و بإبداعكم .. و لو كان التصويت والنتائج نزيهه .. و صحيحه .. لكنا أول المصوتين والداعمين .. لكن لا قيمة للتصويت
سنقف بجانبكم وندعمكم معنوياً ..


بالتوفيق لكم ..


""
/عبد العزيز الجذع/
02-Aug-2008, 01:34 AM
وينك يا بدر مبطين عنكـ ...

وبالنسبة لكلامك فهو عين العقل.
بدر الكريزي
02-Aug-2008, 01:36 AM
أول المشاركين من القبيلة ..

هو الشاعر المبدع /

مشعان البراق


مشاركته

/


لو اقدر آصلك يانجم ٍ لمعت بسماي=الارض ما أظن تعرفني ليا جيتها
من دونك الجاذبيه .. والنجوم بفضاي=اكثر من وجيه ناس ٍ ماظهر صيتها !
ياليتها من علوم ٍ مثل هذي وجا=كان الفرص يوم جتني .. ماتعديتها
بلاي من شرهة ربوعي وفرحة اعداي=هذي هي الساعه اللي ما تمنيتها
آثرك مثل السراب اللي مايقطع ضماي=لو اني اتعبت رجليني .. وعنّيتها
درّ في مدارك وانا ادّرج مكاني اخطاي=بعد اوقفت خطّر ايامي وداريتها
والا طموحي ! بعيد ابعد من اخر مداي=ولو انها بالعزوم / عزومي ابليتها
لكن يآسي غلب على حقيقة رجاي=وهزيمتي من مرارتها .. اسلتذيّتها
وعلى كثر مانسفت من الحقايق وراي=تموت الاحلام لكن ما انهدم بيتها
مدري خطاك انت والا الحظ والا خطاي !=سؤال .. منه الاجابات استشفّيتها
علوم .. والونّه المتفجره في خفاي=غفت على وسادة ضلوعي وصحيّتها
وبقت لي الذكريات اللي عزاها عزاي=الله من ليل .. سرتني وسرّيتها
هي مكسبي من مقاديري ورحلة شقاي=وهي راحتي لا اشتكيت الها وناجيتها
معها .. واسولف لحالي من خلاي بخلاي=كم خففت ضيقة ٍ فالصدر كنيّتها
يانجم ليتك تغيب .. ولاتكدّر صفاي=يكفي عليّه جروح ٍ منك عانيتها !
طابت .. ولكنك اللي ماتدور دواي=عاشت ماخليتها .. وابطت ماداويتها
ماهوب انا اللي يجي ويروح من غير راي=علاقة عيوني ب.. نورك قد انهيتها
اللي خسرته دفاء ناري ف.. بارد شتاي=واللي كسبته مبادي ٍ ماتت / احييتها
هذا انا في عيون اعداي قبل اصدقاي=اموت .. والدمعه الزرقاء ماهليتها
الا على من قدر يكسب رضاي وثناي=هذا حياتي عشانه .. ماتغاليتها
انهيت معك البدايه وابتداء منتهاي=والجمره الحيّه ب.. كفيّ ضمّيتها
ماني بعايش على لعلي وياعساي=ان ما قدرت آدرك الامال / خليتها !

بالتوفيق للإستاذ :)
بدر الكريزي
02-Aug-2008, 01:38 AM
""

حياك بالجذع ..

أبد والله كنت في الديره ..:)

بإنتظار تفاعلك ..


""
/عبد العزيز الجذع/
02-Aug-2008, 01:42 AM
بدر كيف عرفت ان البراق مشاركــ؟؟؟

جابوهم في قناة شاعر المليون؟؟
بدر الكريزي
02-Aug-2008, 01:48 AM
""

لا توهم ما جابوهم في شاعر المليون ..

أما البراق دخل على اللجنة في الكويت .. و ألقى هذه القصيده ..

والخبر و القصيدة تلقاها في المرقاب :)


""
بدر الكريزي
02-Aug-2008, 01:51 AM
""

من شعراء عتيبة أيضاً /

مرزوق العتيبي

محمد صالح العتيبي

فيصل العتيبي

سعود ناهض الرويس

محمد بن مصوّي

علي طرقي العتيبي


بالتووفييق : /..

""
فهد العطاوي555
02-Aug-2008, 04:20 AM
مشكور اخوي بدرالكريزي
الطويل
02-Aug-2008, 04:57 AM
لا يشاركون لا يشاركون

كل ما راحو بنصوت لهم والتصويت فيه غش

لا تقولون محد بيصوت

كلنا اذا شارك عتيبي واحد لنصوت


لكن هالبرنامج المفروض يقاطع عقب فضايحة العاااام


حرام عليكم يا سعووووودييين


خلو عندكم دم


عقب حركتهم مع الفراعنة


لا لشـــــــــــاحذ المــــليووووون
كاسر الحوم
02-Aug-2008, 06:05 AM
لا .. للتصويت ..

نعم .. للمشاركة و الظهور المشرف ..


بالتوفيق ان شاء الله لكل الشعار ..


""


هذي هي زبدة الهرج

ولاهنت يابدر على الموضوع
بدر الكريزي
02-Aug-2008, 08:21 AM
""

فهد العطاوي ..

العفوو ..

تسلم على المرور ..

""
بدر الكريزي
02-Aug-2008, 08:24 AM
""

الطــويل ..


دائم إن الشعراء بيستفدون من المشاركة .. فـ ليش ما يشاركون .؟

وبالتوفيق لهم و إن شاء يحققون مرادهم .. لكن ( لا للتصويت )

تسلم على المرور ..


""
بدر الكريزي
02-Aug-2008, 08:26 AM
""

للموت هيبة والعز عتيبة ..


تسلم على المرور ..

لا هنت ..


""
البريماني
02-Aug-2008, 09:52 AM
لالالالالالا لتصوويت
مستشار القبيلة
02-Aug-2008, 10:32 AM
شاعر المليون اختلاس اموال القبائل


المعادله من جديد

البرنامج اماراتي

+


التصويت سعودي

=


البيرق قطري
بدر الكريزي
02-Aug-2008, 11:01 AM
""

الوفا طبعي .. لا هنت على المرور ..


"

مستشار القبيلة ..

معادلة موزونة 100% ..:)

لكن ما يهنا هو الظهور المشرف ..

و بيرقهم وملايينهم خلها لهم ..

تسلم على المرور ..


""
رمح برقاا
02-Aug-2008, 01:31 PM
لا للمشاره ولا للتصوييت
بدر الكريزي
02-Aug-2008, 05:39 PM
""

رمح برقاا ..

إذا كانت المشاركة بتخدم الشعراء مستقبلاً ..

فالله يوفقهم ..

لا هنت على المرور ..


""
بدر الكريزي
03-Aug-2008, 09:50 AM
ومن أخبار شاعر المليون

الشاعر المرقابي المبدع
حجرف العصيمي

يستعد اليوم لمقابلة لجنة شاعر المليون
بدر الكريزي
03-Aug-2008, 09:51 AM
من أخبار شاعر المليون
صرح الشاعر المرقابي المبدع
{محمد السواط} أن طائرته ستكون باذن الله يوم الاحد القادم بالسعوديه

وسيتجه مباشرةً لمقابلة لجنة شاعر المليون
وانه على اتم استعداد لمقابلة اللجنة

بالتوفيق لابو عيضه
هلال الدوادمي
03-Aug-2008, 01:27 PM
شاعر المليون ..

الله يوفق اخواننا السعوديين

..
وخصوصاً ربعي . العتبان


أما أنا عن نفسي عانيّتي لكل عتيبي ..!!

خمس رسائل تصويت . في البرنامج كله

وشاكر لك على الموضوع يالغالي
مطرح البعارين
03-Aug-2008, 01:33 PM
كلام من ذهب
بدر الكريزي
03-Aug-2008, 02:08 PM
""

هلال الدودامي ..


أما أنا عن نفسي عانيّتي لكل عتيبي ..!!

خمس رسائل تصويت . في البرنامج كله

هههههه ..

لا تصوت و أنا أخوك أبد ..

والله ما ينحسب تصويتك .. ولا هم مأهلين إلا اللي يبون..

و العفوو ..

و تسلم على المرور ..


""
محب الهيلا
03-Aug-2008, 02:35 PM
شاعر المليون + شاعر المعنى + شاعر العرب=
استنزاف للأموال واستخفاف للعقول من حيث التصويت
والنتيجة الكلية = يجب على المشاهد الأستمتاع
بمشاهدة البرامج وتذوق الشعر فقط لا غير
لا للـتــصــو يــــت لا للـتــصــو يــــت لا للـتــصــو يــــت
بدر الكريزي
03-Aug-2008, 03:20 PM
""

مطرح البعارين ..


لا هنت على المرور ..

تسلم..

""
بدر الكريزي
06-Aug-2008, 10:53 AM
""

محب الهيلا ..


أشكـرك على المرور ..

""
/عبد العزيز الجذع/
07-Aug-2008, 12:10 AM
شكرك يا بدر على المتابعة.

النص الذي شارك به شاعرنا المبدع .

مرزوق الروقي

واجازته اللجنه








أبطيت ما أبديت مافي خاطري مـن كـلام=لـو بيـن الاضـلاع هـمٍ مايعـدّه عـدد
سكّـت لأن الكـلام يهـجّ بـاب الـمـلام=واليوم طالت بي اوجاعـي وطـال الأمـد
اليا انجلا الليل الاظلـم حـل بعـده ظـلام=كـن الظـلام متسيّـد عالـمـي لـلأبـد
ورحى المواجع ليـا دقـت جـروحٍ قـدام=قامـت سنينـي تناولهـا جـروحٍ جــدد
واليا تقضّبت فـي حبـل الرجـا مااستقـام=امّا فلت مـن يـدي والا غـدا مـن مسـد
صحيت مـن صدمـةٍ منهـا يفيـق النيـام=في غفلتي مادريت الاّ ب.. (( قـم ياولـد))
ووقفت والمـوت مابيـن اللحـم والعظـام=يفتك وانا اطلـب مـدد لكـن مابـه مـدد
ناديت من حولي وصوتي صـدح فالزحـام=وصداه عـوّد علـي يقـول مافيـه احـد
ربعي مضوا دون عوده .. لو حشمت الحشام=واصحابي اقفوا بعد .. واحبابي اقفـوا بعـد
والغيث عيّـا يحـول مـن بطـون الغمـام=لو .. لوّح البرق فـي وجهـه ودنّ الرعـد
أمشي واشوف التساؤل فـي عيـون الأنـام=ليه الزمـان انقلـب والكـون جـنّ وقعـد
ليه انقتل حلم مـن يحلـم بعيـش السـلام=اليا سلم مـن حميّـد .. ماسلـم مـن حمـد
بين المحـن والـزلازل والحمـم والحطـام=ذنوب تفعل عمد .. وذنـوب شبـه العَمَـد
وطى الكبير الصغير وقيل حسـب النظـام=ووطت بلد في بلـد .. قالـوا سياسـة بلـد
وانا أرى والله اعلـم .. والنـوازل جسـام=نص البلاوي بدت من تحـت راس الحسـد
كلن يبا الزود عنـده لـو يجـي بالحـرام=ياخـذ ويمنـاه .. مغلولـه ليـا جـا يمـد
اضعاف الانفس هل الروغات روس اللئـام=تناقـص ايامهـم واحوالهـم فـي نـكـد
لا شافوا ابن الكرام اللـي بلـغ لـه مـرام=كلن جذب من قصـي الـروح ونّـة كمـد
أبديت بعض الكلام .. وفيـه عنـدي كـلام=عساااي ما انحّد في عمري واقولـه لأحـد
بدر الكريزي
07-Aug-2008, 09:15 PM
""

صـح لسان مرزوق..

و لا هنت يا عبدالعزيز ..

عافاك الله ..

""
سلطان جهز عبدالله الدهاسي
11-Aug-2008, 06:57 AM
المشاااركه تفيدهم بالظهورالاعلامي



السرييييييع




اما التصويت فلا تصويت


للفرااااااااااغ الى غير محسوووب
منيف
11-Aug-2008, 10:50 PM
لا يشاركون لا يشاركون

كل ما راحو بنصوت لهم والتصويت فيه غش

لا تقولون محد بيصوت

كلنا اذا شارك عتيبي واحد لنصوت


لكن هالبرنامج المفروض يقاطع عقب فضايحة العاااام


حرام عليكم يا سعووووودييين


خلو عندكم دم


عقب حركتهم مع الفراعنة


لا لشـــــــــــاحذ المــــليووووون

هذي اول مشاركة لي هالسنة .. عقب ثلاث سنوات من محاربة البرنامج .. راح ابدأ معاكم اخواني بهالموسم وبقوه للتصدي لكل من يحاول يلمع ويمتدح مثل هالبرامج الاستغلالية ..
محمد البام
13-Aug-2008, 12:31 AM
الله يوفقهم إن شاءالله
فيصل بن دحيم
16-Aug-2008, 01:46 AM
يالربع انت صادقين ولا تمزحون

ما اتفقنا محد يشارك وعقدنا الراي

هالحين بصركم انا تراني وصلت اقصاي واقولكم من العام يالربع لا يمشونها علاكم انتبهوا

لكن بعض العرب يدورونها دوره

روحوا وبتلقون مطلوبكم اما العتبان مالكم عليهم فزعه ولا تصويت عقب العام
ابن صنهوت
16-Aug-2008, 03:15 AM
ياسمي عمهوج انت من تعلم
هذا رزق لنشوى الرويني
تكفـــــــــــــــــــــــــــــــــــــــــــون يالعتبان لاحد يشارك
البراق511
16-Aug-2008, 03:08 PM
يكفينا الضهور المشرف لشعار عتيبه ولاكن لالالالالالالالالالالالالالالالالالالالالالالالالا لالالالالالالالالالالالالالالالالالالالالالالالالا لالالالالالالالالالالالالالالالالالالالالالالالالا لالالالالالالالالالالالالالالالالالالالالالالالالا لالالالالالالالالالالالالالالالالالالالالالالالالا لالالالالالالالالالالالالالالالالالالالالالالالالا لالالالالالالالالالالالالالالالالالالالالالالالا[/color]



[color=#000000]لتصويت





وشكرا
عبدالله هادي ناشي الفليت.
16-Aug-2008, 05:20 PM
ماااني مصووووت


كفالة اليتيم ابررررك
نزهان الروقي
16-Aug-2008, 06:39 PM
لاهنت يابدر على الموووضووع












ولا للتصــــــــــــــــــــــــــــــــــــــــــــــ ـــــــــــــــــــويت
بدر الكريزي
21-Aug-2008, 08:32 PM
مشكورين جميعاَ على المرور..

و بإنتظار تفاعلكم ..
Man من العتبان
22-Aug-2008, 12:42 AM
الله يوفقهم هذا اللي نقوله . .

وأكيد مشاركتهم استمتاع لمعجبين الشعر ..

لأن شعراء عتيبه في اي برنامج تجدهم يضيفون نكهة خاصه للبرنامج ..

قبل كان يوسف العصيمي وبعده بندر بن محيا والسميري والدعجاني

شعارنا وين مارحوا يجملوون الله يستر عليهم ..

مشكور وماقصرت يا بدر الكريزي . .

دمت بود
بدر الكريزي
25-Aug-2008, 01:02 AM
^
^

العـفو ,,

ولا هنت على المرور ..