خلك مكانك يابو سلطاااان

[ناصر المرشدي]

ابوسلطان قبل العيد جاب العيد=معيد قبل خلق الله بشهريني
ابيه يفيد لكن مايجيب الفيد=يابو سلطان سر الليل ياعيني

[بندر المرشدي]

ترانا ما نخالف منهج التوحيد=ولاكنّ لاتروح يسار ويميني
على صدرك نشغل مروحة تبريد=على شأن الحرارة معك ميتيني

[المبهم]

صح السنتكم

وبيض الله وجيهكم

[ناصر المرشدي]

يابلهان العفر وش بك قطعت القيد=وقيدك في يدينك ربطت يديني
بعد ماكنت تبنيها بناية حيد=علامك قمت تبنيها من الطيني

[سلطان الجـذع]

..

..

على صدرك نشغل مروحة تبريد
على شأن الحرارة معك ميتيني

هههههههههه ... صح لسانكـ يابندر وصح لسانك يا ناصر

ومتابع بلاشكـ

[بندر المرشدي]

تبيها فالشحم لكن جت فالحيد=ولكن في طريقي لاتخاويني

ترانا نعرف الاصلي من التقليد=وراك تغير التسعه بتسعيني

[ناصر المرشدي]

تهل دموع ابن غانم على ابو زيد= لو ان الموت الاحمر بينه وبيني
عكست السيد وانا ماعكست السيد=دخيلك طال عمرك لاتخليني

[ناصر المرشدي]

المبهم

صح بدنك ولاهنت

[بندر المرشدي]

تعبنا من شروح الدرس والترديد=وناصر مع زميلا له مفهيني
اعرفك يابو تركي ما تروح بعيد=ليا طالت خطانا تشكي البيني

[أبو نجر النفيعي]

..

الله الله

محاوره رائعه .. وصحة السنتكم ..

واصلوووو

:)

أخوكم

[ناصر المرشدي]

دكاترة الوزن والقاف وانت معيد=انا واللي معي دينه على ديني
تكفيك اخر الايام بالتحديد=يابو سلطان ماتقدر تباريني

[بندر المرشدي]

عليّه لو تصيّد ما أنت لاقٍ صيد=ورا كنك من الضيقة فلبيني
تراها عادتك فالمدح والتمجيد=وانا من دبرتك ربي معافيني

[بندر المرشدي]

الأخوان اللي شرفونا بمرورهم


الله يبيض وجيهكم

[معجب العتيبي]

الله الله

اداع مرشدي منطع النظير


لو الواحد يغيب ويرجع ويشوف مثل هالمحاورات يحس ان مافاته شي


الله عليك يامنتدى الهيلا


بندر وناصر

صحة الألسن

[معجب العتيبي]

ناصرالمرشدي

ابوسلطان قبل العيد جاب العيد=معيد قبل خلق الله بشهريني
ابيه يفيد لكن مايجيب الفيد=يابو سلطان سر الليل ياعيني



بندر المرشدي

ترانا ما نخالف منهج التوحيد=ولاكنّ لاتروح يسار ويميني
على صدرك نشغل مروحة تبريد=على شأن الحرارة معك ميتيني


ناصرالمرشدي

يابلهان العفر وش بك قطعت القيد=وقيدك في يدينك ربطت يديني
بعد ماكنت تبنيها بناية حيد=علامك قمت تبنيها من الطيني



بندر المرشدي

تبيها فالشحم لكن جت فالحيد=ولكن في طريقي لاتخاويني
ترانا نعرف الاصلي من التقليد=وراك تغير التسعه بتسعيني


ناصرالمرشدي

تهل دموع ابن غانم على ابو زيد= لو ان الموت الاحمر بينه وبيني
عكست السيد وانا ماعكست السيد=دخيلك طال عمرك لاتخليني


بندر المرشدي

تعبنا من شروح الدرس والترديد=وناصر مع زميلا له مفهيني
اعرفك يابو تركي ما تروح بعيد=ليا طالت خطانا تشكي البيني


ناصرالمرشدي

دكاترة الوزن والقاف وانت معيد=انا واللي معي دينه على ديني
تكفيك اخر الايام بالتحديد=يابو سلطان ماتقدر تباريني


بندر المرشدي

عليّه لو تصيّد ما أنت لاقٍ صيد=ورا كنك من الضيقة فلبيني
تراها عادتك فالمدح والتمجيد=وانا من دبرتك ربي معافيني