ياسلام الله سلامن ليا من جيت اقول

[حمود الحمود]

مساكم الله بالخير جميع والحاضر يسد اللزوم


ياسلام الله سلامن ليا من جيت اقول = ردتن مني تنومس لاجيت اقولها

لاهل التقدير والطيب والناس العدول = والعلوم الطيبه طيبن مدلولها

[احمد الزايدي]

مرحبا بااللي لفا عند ماضين الفعول=عـزوت عـتيبـه وكـل يعـرف فـعـولـها


ودنا عـلـم ينومس معك مهما يطول=والـجـزل يلـقـا الجزاله ماعدي دولها

[بن هداب]

الله الله الله


يا سلاااام يابن عمي


مبدع الله لا يضرك صح ألسااانك مليوون واعتلى شانك


خذني بصفك والصفوف دبل وبنتظار الشاعر المقابل

[احمد الزايدي]

هلا يا مرحبا بابن عمي


بن هداب


..


الصف يزهابك طال عمرك واتشرف بوجودك فيه


وأنته والله المبدع يابن هداب الله يكرمك


تقبل تحياتي

[حمود الحمود]

استلم لاهنت




نعم فالعتبان ومطير لاقالت تطول = انشد اهل العرف في عرض الارض وطولها

الجمال تبين يااحمد مع زود الحمول= لاارتكت للحمله اتشيل كل احمولها

[احمد الزايدي]

أستلم لاهنت



الرجال أهل الخيول الأ أصيله اللي تهول=فا المعارك تعرف سيوفها وخيولها


والجمال اجمال في كل ديره والخيول=والجبال جبال مار الخطر فاسيولها

[حمود الحمود]

استلم لاهنت



الجبال الها نجومن ليا انصلت تزول =والنجوم انجوم كل الجبال اتزولها

الله يعافيك ياالذيب قول اللي تقول = ماعليه من سوالفك يوم اتقولها

[مرزوق حمدان العتيبي]

..
الله الله
حياك الله ياحمود شرفت .. وصح لسانك
..

الله عليك احمد ووفيت وكفيت..
واصل وازهل الصف ... مادام ابن هداب في صف ابن عمه :)
...
واصلوا
..

[حمود الحمود]

تسلم يابو حمدان مرورك شرف الله لايهينك

[سلطان الجـذع]

..


الله الله . . حمود الحمود & أحمد الزايدي ... وجبت المتابعه :)

صحت الالسنـ .. واصلوا واصلوا ... متــــــــابع

[حمود الحمود]

صح بدنك ياسلطان لاهنت يالذيب يشرفنا مرورك

[احمد الزايدي]

الله مرسي جباله كذالك والسهول=والنجوم الها شياطين تبقا حولها


يعرف الفارس ليا جا على خيله يصول=كل خلق الله تناسبهم ويقفولها

[احمد الزايدي]

حياك الله يابن حمدان


تشرفت بحضورك المميز لاهنت


والصف يتشرف بوجودك فيه يا الغالي

[احمد الزايدي]

يا الله حي سلطان الجذع


صح بدنك والله يسلمك يا الغالي

[حمود الحمود]

الله اللي ميز الخلق يااحمد بالعقول = تفرق العربان يااحمد بقدر اعقولها

كان تبغا الحق والحق منهاج الرسول= كلمة اهل الحق (وجه الصحيح ايقولها)

[أبو نجر النفيعي]

..

الله الله

صحة السنتكم ..


والصف صفك يا احمد .. ما يعتاز :)

.

اخوكم

[حمود الحمود]

صح بدنك يابو نجر ويشرفنا مرورك

[احمد الزايدي]

مـيزالله خلقه وفيهم أعمى ومهبول=ياقشر بعض العرب للقشر يسعولها


رغـم كـبرالسن تبقا الجهاله للجهول=الخساسه فـعـلهـم مهـنة عـرفولها

[احمد الزايدي]

حياك الله يابو نجر



....


والصف يتشرف بوجودك فيه لاهنت

[حمود الحمود]

مايشين للمجالس سوى هرج الخبول = ولاتشك الا ضعاف البشر وخبولها

الجبل لو تنطحه عنز لايمكن يزول = مايهمه نطح عنزن نزل سعبولها

[احمد الزايدي]

خسكم جاب الخساسه مايعرف با الأصول=يـوم يتلحق قبيلـه يعـد أزحولها


الله أنـه يسـتر الـحـال حـول بـعــد حــــول=ماحسبنا حساب جاهل لكن أصحولها

[حمود الحمود]

صح لاقالو عقولن تشابه للطبول =( لااقبلت صاحولها لاادبرت صاحولها)

الخساسه كلبوها بسراق النعول =يوم بذ الخلق دايم بسرق انعولها

[احمد الزايدي]

أعترف با الحق والا تصير أكب جهول=يا مـطقع في يدين الصحـيب وحولها



الخساسه فعلكم يامخصين العجول=تـبـت يـديـن المـخــصــين مـاتبـولها

[حمود الحمود]

الله يمرسك يااحمد انت وقصيدك عدل قافك قبل لااجيك واقرص اذنك




ماغزينا بيوت ربي ياراعين العدول = غزو بيت الله والسرق ملي اعدولها

والخيانه تمتلي عندكم منها الحثول = تنتقد للناس والعيب وسط احثولها

[احمد الزايدي]

وبيوتك أنت ليه ماعدلتها قبل يجك علم ماهوسهل..



تشرفت بمجاراتك ياحمود .وتصبح على خير ، تقبل فائق أحترامي وتقديري

[حمود الحمود]

هههههههههههههههههههههههههه

بيض الله وجهك وانا تشرفت ايضاً

بمجاراتك وتصبح على خير ولك

احترامي وتقديري .