كل ذيب يبا يعجبه شي يجيبه....

[احمد الزايدي]

كل ذيب يبا يعجبه شي يجيبه=دامه أختار من خير العلوم الجزيله


والهدف كل رجال مايقدر يصيبه=والـخـفيفه خـفيفه والثقيله ثقيله

[/عبد العزيز الجذع/]

كل ذيب يبا يعجبه شـي يجيبـهدامه أختار من خير العلوم الجزيله
والهدف كل رجال مايقدر يصيبـهوالخفيفه خفيفه والثقيلـه ثقيلـه





الله الله..

صح لسانك يالزايدي ..


وفي انتظار قبيلكـ

[احمد الزايدي]

عبد العزيز الجذع


..


صــح بـــدنك



والـلـه يـسلـمـك ويـغـلـيـك

[بندر المرشدي]

الله...الله


صح لساااااااانكـ ياحمد

[العصيمي_10]

الله الله

صح لسانك مليون ولنا الشرف في مجاراتك يابن العم



كل ذيب تبي تلقا ربوعه عتيبه=يضرب الكايدات وله ذراع طويله
من ورا الخير خير ومن ورا الشر خيبه=علم الي ليامن قام يلعن حصيله

[احمد الزايدي]

صح بدنك والله يسلمك ،والله يشرف مقدارك ولاهنت يا الغالي


والنعم يا العصيمي فيك ماهي غريبه=وأنت رجل عتيبي من شيوخ القبيله

من ورى الخير تلقا كل خير (ن) وطيبه=مار حذرى ينوش الزند خشم الفتيله

[احمد الزايدي]

بندر المرشدي


....


صح بدنك والله يسلمك يا الغالي

[العصيمي_10]

الله يسلمك يالغالي وصح لسانك ولاهانو الجميع



ونعم فيك لاجات الدعاوي صعيبه=تعقل الي يابن عمي مافيها عقيله
فالمعادي تولع كان شبت شبيبه=وابشر اني مجود في عنان الاصيله

[احمد الزايدي]

يا ولد عمي الدنيا غريبه عجيبه=فارس الشعر فاز وسيفنا ماعطيله


والمدرب مادام أنه يدرب كتيبه=ليش يعطون غيره سيف وهو المهيله

[عبدالله الجـــذع]

الله ..

الزايدي دوم مبدع

والعصيمي رد وافي يالذيب

ننتظر بقيه الابدااع

محبكم

,’

[العصيمي_10]

فارس الشعر مايلحقه شك وريبه=مير برج التجاره طاح ياعزتيله
ومن يبي من وراه يحوش صدق الكسيبه=حط يمناه ياربعي بوسط المليله

[احمد الزايدي]

شوفهم يرضعون الديس لجل حليبه=كل واحد يحسب كم مكاسب تجيله


همهم كم يحصل كل واحد في جيبه=صار مايكسبونه من دراهم قليله

[العصيمي_10]

راضعين الحليب اضن من ديس ذيبه=مير ماتنشي الا يالصحيب المخيله
كل من يرقب العالي ينوشه غصيبه=قد رفعنا سيوف بالمعزه صقيله

[احمد الزايدي]

الـغـلـيـبـه ترانا مـا نحـب الغليبه=منزل أهل الكرم يفوح بنه وهيله


كاسبين المراجل والشعر نعتزي به=كل رجال منا فارس بين جيله


تشرفت بمجاراتك في هذا الطاروق، والنهايه من عندك أذا رغبت ، وصح السانك مليون .تصبح على خير..تقبل فائق الاحترام والتقدير.

[احمد الزايدي]

احمد الزايدي

كل ذيب يبا يعجبه شـي يجيبـه=دامه أختار من خير العلوم الجزيله
والهدف كل رجال مايقدر يصيبـه=والخفيفه خفيفه والثقيلـه ثقيلـه
العصيمي10

كل ذيـب تبـي تلقـا ربوعـه عتيبـه=يضرب الكايـدات ولـه ذراع طويلـه

من ورا الخير خير ومن ورا الشر خيبه=علم الـي ليامـن قـام يلعـن حصيلـه
احمد الزايدي

والنعم يا العصيمي فيك ماهـي غريبـه=وأنت رجل عتيبي من شيـوخ القبيلـه
من ورى الخير تلقا كل خير (ن) وطيبه=مار حذرى ينوش الزند خشـم الفتيلـه
العصيمي10

ونعم فيك أنت لاجات الدعاوي صعيبـه=تعقل الي يابن عمي مافيها عقيلـه

فالمعادي تولع كان شبـت شبيبـه=وابشر اني مجود في عنان الاصيلهاحمد الزايدي

يا ولد عمي الدنيا غريبـه عجيبـه=فارس الشعر فاز وسيفنـا ماعطيلـه
والمدرب مادام أنـه يـدرب كتيبـه=ليش يعطون غيره سيف وهو المهيله
العصيمي10


فارس الشعـر مايلحقـه شـك وريبـه=مير بـرج التجـاره طـاح ياعزتيلـه

ومن يبي من وراه يحوش صدق الكسيبه=حط يمنـاه ياربعـي بوسـط المليلـه
احمد الزايدي

شوفهم يرضعون الديس لجل حليبه=كل واحد يحسب كم مكاسب تجيله
همهم كم يحصل كل واحد في جيبه=صار مايكسبونه من دراهم قليلـه
العصيمي10

راضعين الحليب اضن من ديس ذيبه=مير ماتنشي الا يالصحيب المخيلـه

كل من يرقب العالي ينوشه غصيبه=قد رفعنا سيوف بالمعـزه صقيلـه
احمد الزايدي

الغليبه ترانا مـا نحـب الغليبـه=منزل أهل الكرم يفوح بنه وهيلـه
كاسبين المراجل والشعر نعتزي به=كل رجال منا فارس بيـن جيلـه

[العصيمي_10]

صح لسانك يا احمد وتشرفت بمجاراتك صراحه

واعذرنا البارح لكن الاتصال انقطع

تحياتي وتقديري لك