اللي ورى حايط المبكى يهل الدموع !!! . . سعود

[سلطان الجـذع]

سعود البرقاوي حياك الله :)

واستلم :



ياسعود صف الجموع اللي تضد الجموع = فأيامك التاليه شمس الامل مشرقه
واللي ورى حايط المبكى يهل الدموع = أن جاك لاتتركه وان راح لاتلحقه

[السميــــــري]

واللي ورى حايط المبكى يهل الدمـوع
أن جـاك لاتتركـه وان راح لاتلحقـه

واللي ورى حايط المبكى يهل الدمـوع
أن جـاك لاتتركـه وان راح لاتلحقـه

يا سلام .. سلمّّ
ياسلطان ..

صح لسانك متابع بقوة ..

[سعود البرقاوي]

يابن الجذع نخلة ماعاد فيها جذوع
منها الرطب مانباه ولانبا نسرقه


المسلم المقتنع عايش حياته قنوع
خصٍ لاصارت مابين السيف والمطرقة

[السميــــــري]

يابن الجذع نخلة ماعاد فيها جذوع
منها الرطب مانباه ولانبا نسرقه


نعم نعم . .
ياسعود تعود ويعود الأبداع معك ..
صح لسانك

[سعود البرقاوي]

هلا بالسميري وشرفتني يعلم الله

[احمد الملاح]

يا سلام يا الجذع ويا سعود مبدعين كالعاده

واصلوا واصلوا

[سلطان الجـذع]

العلم فالشمعدان اللي يشب الشموع = يولع الشمعه اللي ضوّها يحرقه
ياقو صبرك قدعت من المصايب قدوع = ويشيل متنك حمول الجور ماترهقه

[سعود البرقاوي]

هلا يا احمد الملاح هلا

وابرك الحزات

[المرشـ ساطي ـدي]

الاسطوره

بحضورك يحضر الابداع

وليس بمستغرب

صح الله لسانك


البرقاوي

كالعاده ردود وافيه


وصح لسانك

الله لا يهينكم

[سلطان الجـذع]

...

السميري كل الشكر

على المتابعه ياصديقي :)


...

[سلطان الجـذع]

..

..

الملاح بيض الله وجهك على

التشريف

[سلطان الجـذع]

..

..

ساطي المرشدي صح بدنك ..

والابداع انت راعيه لاعدمتك ..

[مرزوق حمدان العتيبي]

..
.
العملاقين ...
سلطان وسعود .. وابداع غير مستغرب..
... صحت السنتكم ....

[سلطان الجـذع]

..
.
العملاق ...
مرزوق .. حضورك تشريف وتكريم في نفس
الوقت .. صح بدنك وكل الشكر يالغالي

...

[سعود البرقاوي]

اليا فتحت العيون ولافتحت السموع
الصبح تلقى صدقه والليل فيه صدقه


كان الهدف خطبة البنت الحلال الفروع
وان قاله الله مع الايام لا أحققه

[سعود البرقاوي]

ابو حمدان


ارحب ارحب ارحب

[/عبد العزيز الجذع/]

يا سلام.

صحت السنتكم يامبدعين.

تحياتي.

[قادح شرار]

صحت ألسنكم يا عتابه .

ويا ليتكم مكملين طاروقكم .

تقبل مرور أخوكم .

[معجب العتيبي]

سلطان الجـذع

ياسعود صف الجموع اللي تضد الجموع = فأيامك التاليه شمس الامل مشرقه
واللي ورى حايط المبكى يهل الدموع = أن جاك لاتتركه وان راح لاتلحقه



سعود البرقاوي

يابن الجذع نخلة ماعاد فيها جذوع=منها الرطب مانباه ولانبا نسرقه
المسلم المقتنع عايش حياته قنوع=خصٍ لاصارت مابين السيف والمطرقة



سلطان الجـذع

العلم فالشمعدان اللي يشب الشموع = يولع الشمعه اللي ضوّها يحرقه
ياقو صبرك قدعت من المصايب قدوع = ويشيل متنك حمول الجور ماترهقه


سعود البرقاوي

اليا فتحت العيون ولافتحت السموع=الصبح تلقى صدقه والليل فيه صدقه
كان الهدف خطبة البنت الحلال الفروع=وان قاله الله مع الايام لا أحققه

[معجب العتيبي]

سلطان الابداع

والحظور المميز

صح لسانك وتقبل اعجابي


سعود البرقاوي

مبدع اينما كنت

صح لسانك